1 Na em i kamap we mi, Nifai, bihain me toktok wantaim Bikpela, mi go bek long haus sel bilong papa bilong mi.

2 Na em i kamap we em i bin tokim mi: Lukim, mi driman na insait long dispela driman, Bikpela i tokim mi olsem yu wantaim ol brata bilong yu mas go bek long Jerusalem.

3 Long wanem, Leban i gat rekot bilong ol lain bilong Juda wantaim nem bilong ol lain tumbuna bilong mi i stap long ol plet bras.

4 Bikos long dispela, Bikpela i bin tokim mi olsem yu wantaim ol brata bilong yu, mas go long haus bilong Leban, na painim dispela rekot na karim ol i kamdaun long ples we nogat man i stap.

5 Na nau, lukim ol brata bilong yu i tok baksait na tok olsem: Em i hatpela samting long dispela wok mi askim ol long mekim, tasol lukim, dispela i no laik bilong mi, tasol em i laik bilong Bikpela.

6 Olsem na go, pikinini bilong mi. Bikpela bai lukautim yu, long wanem, yu no tok baksait.

7 Na em i kamap we mi Nifai, tokim papa bilong mi olsem: Mi bai go na wokim ol samting em Bikpela i bin tok, long wanem mi save olsem Bikpela i no save givim nating ol lo long lain pikinini bilong ol man, tasol em bai redim rot we bai ol i ken mekim ol samting, kamap tru, yet em bin tokim ol.

8 Na em i kamap we taim papa bilong mi harim dispela tok, em i amamas nogut tru. Long wanem, em i bin save olsem Bikpela i bin blesim mi.

9 Na mi, Nifai, wantaim ol brata bilong mi bin wokabaut i go long ples we nogat man i stap, wantaim haus sel bilong mipela i go antap long graun bilong Jerusalem.

10 Na em i kamap we taim mipela bin kamap long graun bilong Jerusalem, mi wantim ol brata bilong mi bin askim namel long mipela yet.

11 Na mipela i bin tromoi satu—olsem husat namel long mipela bai go long haus bilong Leban. Na em i kamap we mipela makim Leman na Leman i bin go long haus bilong Leban, na toktok wantaim em taim em i sindaun long haus bilong em.

12 Na em i laikim Leban long givim em ol rekot ol i bin katim na raitim long plet bras, em i gat nem bilong tumbuna bilong papa bilong mi.

13 Na lukim, em i kamap we Leban i bin belhat na rausim em long pes bilong em, na em i no laikim Leman bai kisim ol rekot. Olsem na, em i tokim em: Lukim, yu wanpela stilman, na mi bai kilim yu.

14 Tasol Leman i bin ronawe long pes bilong em, na tokim mipela ol samting Leban bin wokim. Na mipela i stat long sore nogut tru, na ol brata bilong mi ol i klostu go bek long papa bilong mi long ples we nogat man i stap.

15 Tasol lukim, mi tokim ol: Olsem Bikpela i stap na yumi i stap. Mipela bai i no inap go daun long papa bilong yumi long ples we nogat man i stap, i go inap long mipela kisim samting, em Bikpela i bin tokim mipela long kisim.

16 Olsem na yumi mas strong long bihainim ol lo bilong Bikpela; na yumi mas go daun long graun bilong papa bilong yumi, long wanem, em larim gol, silva na olgeta kainkain samting bilong dispela. Na em i bin wokim olgeta dispela samting bikos long ol lo bilong Bikpela.

17 Long wanem em i bin save olsem Jerusalem bai bagarap bikos long pasin nogut bilong ol pipol.

18 Long wanem, lukim, ol i bin les long toktok bilong ol profet. Olsem na, sapos papa i bin stap long dispela graun, em bai dai olsem na Bikpela i bin tokim em long ronawe long dispela hap. Olsem na, i bin gat nid olsem em mas ronawe long dispela graun.

19 Na lukim, em i bikpela save bilong God olsem yumi mas kisim ol dispela rekot, na yumi bai lukautim tok ples bilong ol tumbuna papa bilong yumi long lainim ol pikinini bilong yumi.

20 Na tu, mipela bai lukautim i stap bilong ol, na ol toktok bilong olgeta holi profet ol i bin autim long maus bilong ol, na ol i bin givim long ol wantaim spirit na pawa bilong God, long taim graun i bin stat i kam inap long nau taim.

21 Na em i kamap we mi bin tok olsem, long grisim ol brata bilong mi olsem ol bai strong long bilip long bihainim ol lo bilong God.

22 Na em i kamap we mipela i bin go daun long graun bilong mipela na bungim wantaim olgeta gol, silva na ol dia samting bilong mipela.

23 Na bihain mipela bungim olgeta ol dispela samting wantaim, na mipela i bin go bek gen long haus bilong Leban.

24 Na em i kamap we mipela bin go long Leban, na laikim long em olsem em bai givim long mipela ol rekot ol i bin katim na raitim long plet bras, na mipela bai givim long em ol gol, silva na ol dia samting bilong mipela.

25 Na em i kamap we taim Leban i bin lukim ol samting bilong mipela, na olsem ol i planti tru em bin laikim ol tumas, inap long em i bin tromoi mipela i go ausait, na salim ol wokman bilong em long kilim mipela, long em i ken kisim ol samting bilong mipela.

26 Na em i kamap we mipela i bin ronawe long ol wokman bilong Leban na mipela bin lusim ol samting bilong mipela, na ol i bin pundaun long han bilong Leban.

27 Na em i kamap we mipela i bin ronawe i go long ples we nogat man i stap na ol wokman bilong Leban i no abrusim mipela, na mipela i bin hait mipela yet insait long hul bilong wanpela ston.

28 Na em i kamap we Leman i bin belhat long mi wantaim papa bilong mi, na Lemuel tu bin bihainim em, long wanem, em bin harim toktok bilong Leman. Olsem na, Leman wantaim Lemuel i bin autim planti strongpela toktok long mi tupela, ol liklik brata bilong ol na paitim mi tupela, tru tumas wantaim wanpela stik.

29 Na em i kamap we taim ol i paitim mi tupela wantaim wanpela stik, lukim, wanpela ensel bilong Bikpela i bin kam na sanap long pes bilong tupela, na em i bin toktok long tupela, olsem: Bilong wanem yupela paitim liklik brata bilong yupela wantaim stik? Yupela i no save olsem Bikpela i bin makim em long kamap bosman long yupela, na dispela i kamap olsem, bikos long pasin nogut bilong yupela. Lukim, yupela bai go long Jerusalem gen na Bikpela bai givim Leban long han bilong yupela.

30 Na bihain ensel i bin toktok long mipela, em i lusim mipela.

31 Na bihain ensel i bin go pinis, Leman wantaim Lemuel i stat long tok baksait gen, olsem: Bikpela bai givim Leban long han bilong yumi olsem wanem? Lukim, em i wanpela strongpela man, na inap givim oda long faipela ten man, ye, na inap em i ken kilim faipela ten man, na bilong wanem em bai i no inap kilim mipela?