“Wanpela Sip long Krosim Solwara,” Ol Buk Momon Stori (2023)
“Wanpela Sip long Krosim Solwara,” Ol Buk Momon Stori
Wanpela Sip long Krosim Solwara
Redi long go long promis len.
Ples ol i kolim Planti em bin hap i pulap long ol prut na ol hani. Em bin naispela ples long stap. Lihai na Saraia i stap klostu long solwara na i gat olgeta samting ol i nidim.
Bihain long planti de, Bikpela i tokim Nifai long go long maunten na pre. Long hap, Bikpela tokim em long bildim sip long kisim famili krosim solwara.
Bikpela i soim Nifai long bildim sip. Tasol Nifai i no save hap em bai painim metal long mekim ol tuls. Bikpela i soim Nifai em bai lukluk long we na painim metal.
Bihain, Nifai i mekim paia long mekim ol tuls. Leman na Lemuel putim was long brata bilong tupela Nifai Ol i no laik helpim em i bildim sip. Ol ting em i no gutpela tingting long traim na krosim solwara.
Leman na Lemuel i no bilip Bikpela i tokim Nifai long bildim sip. Nifai askim ol wai na ol i no gat feit yet long Bikpela. Em i helpim ol brata i tingim olsem ol i bin lukim ensel na i save long pawa bilong Bikpela. Leman na Lemuel i belhat tumas na i laik kilim Nifai.
Tasol Nifai i pulap long pawa bilong God. Nifai i tok lukaut long Leman na Lemuel long noken holim em. Ol i pret na i no holim Nifai long ol planti de. Bihain Bikpela i tokim Nifai long putim han i go aut na holim ol brata bilong em. Taim Nifai i putim han i go aut, ol i pilim pawa bilong God i sekim ol.
Leman na Lemuel i lotuim Bikpela na helpim long bildim sip. Nifai i pre long Bikpela planti taim long helpim. Sip famili bilong Nifai i bildim em i luk nais tumas. Bihain long planti de, sip em i pinis, na ol i lukim em i bin gutpela. Famili bilong Nifai i save God em i helpim ol.