Ngaahi Vitiō ʻo e Tohi ʻa Molomoná

Lēsoni 11: 1 Nīfai 7

Fakakaukau ʻi he faʻa lotu ki he founga ʻe ala tokoni ai e Ngaahi Vitiō ʻo e Tohi ʻa Molomoná ki hoʻo kau akó ke nau ʻiloʻi, mahino, ongoʻi e moʻoni mo e mahuʻinga, pea moʻui ʻaki e tokāteline mo e ngaahi tefitoʻi moʻoni ne akoʻi ʻi he Tohi ʻa Molomoná.

“Ko e Fakaafeʻi ʻe he Ngaahi Foha ʻo Līhaí ʻa e Fāmili ʻo ʻIsimelí ke nau Kau Fakataha” (4:40)

Fakaʻaongaʻi ʻo e Vitiō Ko ʻEní

Muimui ʻi he naunau fakalēsoní ʻo aʻu ki he konga ʻoku pehē:

“Ko e hā naʻe fekau ʻe he ʻEikí ki he ngaahi foha ʻo Līhaí ke nau faí?”

Hili leva hono tali ʻe he kau akó e fehuʻí, fakakaukau ke huluʻi e vitiō ko ʻení pea fakaafeʻi e kalasí ke nau vakai ki he founga naʻe tokoniʻi ai ʻe he ʻEiki ʻa Nīfai mo hono ngaahi tokouá ke nau talangofua ki he fekau ko ia ke mali pea ohi hake ha fānau kiate Iá. Hili e vitioó, fakaafeʻi e kau akó ke nau kumi pea fakaʻilongaʻi e ngaahi kupuʻi lea ʻi he 1 Nīfai 7:1–2 ʻokú ne fakamatalaʻi e founga naʻe tokoniʻi ai ʻe he ʻEikí ʻa Nīfai mo hono ngaahi tokouá ke talangofua ki he fekau ko ia ke mali pea ohi hake ha fānaú. Fakaafeʻi e kau akó ke vahevahe e meʻa naʻa nau fakaʻilongaʻí.

“Ko e Fakahaofi ʻe he ʻEikí ʻa Nīfai mei Hono Ongo Taʻokete Angatuʻú” (6:55)

Fakaʻaongaʻi ʻo e Vitiō Ko ʻEní

Fakakaukau ke fakaʻaongaʻi e vitiō ko ʻení ʻi hoʻo aʻu ki he konga ʻo e lēsoní ʻoku pehē:

“Fakaafeʻi ha tokotaha ako ke ne lau leʻolahi ʻa e 1 Nīfai 7:16. Kole ki he kalasí ke nau fakakaukau ʻoku nau fehangahangai mo e tūkunga ʻa Nīfaí.”

Fakakaukau ke fakaʻaliʻali e fakamoʻoni fakafolofola mo e ngaahi fehuʻi ko ʻeni mei he naunau fakalēsoní kimuʻa pea huluʻi e vitiō ko ʻení. Fakaafeʻi e kau akó ke nau mamata ʻi he vitioó ʻo kumi e tali ki he ngaahi fehuʻí:

1 Nīfai 7:16–18

“Ko e hā hoʻo ongó kapau naʻá ke ʻi he tūkunga naʻe ʻi ai ʻa Nīfaí? Ko e hā te ke faí?”

“Ko e hā naʻe lotua ʻe Nīfaí? Ko e hā e meʻa ʻokú ke mahuʻingaʻia ai ʻi heʻene lotú?”

Hili hono huluʻi e vitioó, poupouʻi e kau akó ke fakaʻilongaʻi ha ngaahi kupuʻi lea mei he ngaahi vēsí ʻoku tokoni ke tali e ngaahi fehuʻí. Fakaafeʻi e kau akó ke vahevahe e meʻa naʻa nau fakaʻilongaʻí. Hoko atu leva e toenga ʻo e lēsoní ʻo hangē ko ia ʻoku ʻoatu ʻi he naunau ʻa e faiakó.