Ngaahi Vitiō ʻo e Tohi ʻa Molomoná

Lēsoni 44: Sēkope 2:12–35

Fakakaukau ʻi he faʻa lotu ki he founga ʻe ala tokoni ai e Ngaahi Vitiō ʻo e Tohi ʻa Molomoná ki hoʻo kau akó ke nau ʻiloʻi, mahino, ongoʻi e moʻoni mo e mahuʻinga, pea moʻui ʻaki e ngaahi tokāteline mo e ngaahi tefitoʻi moʻoni ne akoʻi ʻi he Tohi ʻa Molomoná.

“Ko e Akonaki ʻa Sēkope kau ki he Hīkisiá mo e Anga-maʻá Konga 2 (5:57)

Huluʻi pē ʻa e 2:10 ʻo e foʻi vitiō 5:57.

Fakaʻaongaʻi ʻo e Vitiō Ko ʻEní

Te ke lava ʻo huluʻi e konga ʻuluaki ʻo e vitiō ko ʻení (mei he 3:34 ki he 5:44) ʻi hoʻo aʻu ki he konga ʻo e lēsoní ʻoku pehē:

“Kole ki ha tokotaha ako ke ne lau leʻolahi ʻa e Sēkope 2:12–13. Fakaafeʻi e toenga ʻo e kalasí ke nau muimui ki ai, ʻo feinga ke ʻiloʻi ʻa e meʻa ne fekumi ki ai ʻa e tokolahi ʻo e kau Nīfaí.

“Hili e tali ʻa e kau akó, fakamahinoʻi ange ne tala ʻe Sēkope ki hono kakaí kuo nau maʻu e koloá ʻi he ʻtoʻukupu ʻo e māfimafí.’ Mahalo te ke fie fakamatalaʻi ange ʻoku ʻuhinga e foʻi lea māfimafí ki he ʻOtuá.

• Ko e hā ʻoku mahuʻinga ai kiate kitautolu ke tau manatuʻi ʻoku maʻu kotoa hotau ngaahi tāpuakí mei heʻetau Tamai Hēvaní?

• Fakatatau ki he Sēkope 2:13, ko e hā ne hīkisia ai ʻa e tokolahi ʻo e kau Nīfaí?”

ʻUluaki huluʻi e foʻi vitioó, ʻo fakaafeʻi e kau akó ke nau hiki ha ngaahi konga lea mei he vitioó ʻokú ne fakahā mai e meʻa naʻá ne taki ha niʻihi ʻo e kau Nīfaí ke fakafehoanaki kinautolu mo e niʻihi kehé. Hili e vitioó, poupouʻi e kau akó ke nau toe vakaiʻi e Sēkope 2:12–13, ʻo fakaʻilongaʻi e ngaahi konga lea tatau ʻi heʻenau maʻu ia ʻi heʻenau folofolá. Hili iá pea hoko atu e naunau fakalēsoni ʻa e faiakó.