Ngaahi Vitiō ʻo e Tohi ʻa Molomoná

Lēsoni 12: 1 Nīfai 8

Fakakaukau ʻi he faʻa lotu ki he founga ʻe ala tokoni ai e Ngaahi Vitiō ʻo e Tohi ʻa Molomoná ki hoʻo kau akó ke nau ʻiloʻi, mahino, ongoʻi e moʻoni mo e mahuʻinga, pea moʻui ʻaki e tokāteline mo e ngaahi tefitoʻi moʻoni ne akoʻi ʻi he Tohi ʻa Molomoná.

“Ko e ʻIloʻi ʻe Līhai ʻa e ʻAkau ʻo e Moʻuí” (4:32)

Fakaʻaongaʻi ʻo e Vitiō Ko ʻEní

Akoʻi e naunau fakalēsoní kae ʻoua kuó ke aʻu ki he konga ʻoku pehē:

“ʻAi ke taufetongi ha kau ako tokosiʻi ʻi hono lau leʻolahi e 1 Nīfai 8:5–12.”

ʻOua ʻe lau ʻa e ngaahi vēsí, kae fakaafeʻi e kau akó ke nau mamata ʻi he vitiō ko ʻení pea nau tauhoa leva ʻo aleaʻi e tali ki he ngaahi fehuʻi ʻoku hoko atu ʻi he naunau fakalēsoní. Te ke lava ʻo fakaʻaliʻali e ngaahi fehuʻí kimuʻa pea huluʻi e vitioó. Fakaafeʻi e kau akó ke fakaʻilongaʻi e ngaahi lea pe kupuʻi lea ʻi he veesi 5–12 ʻokú ne poupouʻi ʻenau talí.

“Ko e Mamata ʻa Līhai ki ha Vaʻa Ukamea pea mo Kinautolu ʻoku Hē Atu” (3:30)

Fakaʻaongaʻi ʻo e Vitiō Ko ʻEní

Fakakaukau ke huluʻi e vitiō ko ʻení kae ʻoua ʻe fakaʻaliʻali ha tā ʻo hangē ko e fakahinohino ʻi he naunau fakalēsoní ʻa ia ʻoku pehē:

“Fakaʻaliʻali ha fakatātā ʻo e Misi ʻa Līhaí (Tohi Fakatātā ʻo e Ongoongoleleí [2009], fika 69), pea fakamahinoʻi ʻa e ngaahi fakaʻilonga kuo ʻosi aleaʻi ʻe he kalasí: ko e fuʻu ʻakaú mo e fuá. Fakamatalaʻi ange, ʻi he mata-meʻa-hā-mai ko ʻení, naʻe toe fakaʻaongaʻi foki ʻe he ʻEikí ha ngaahi fakataipe kehe ke akoʻi ʻa Līhai ʻi he founga ʻo e haʻu kia Sīsū Kalaisi ʻo maʻu ʻEne Fakaleleí. ʻEke ki he kau akó pe ko e hā ha toe fakataipe ʻoku nau vakai ki ai ʻi he taá.”

Hoko atu e lēsoní ʻo hangē ko ia ʻoku hiki ʻi he naunau fakalēsoní.

Ngaahi Vitiō Kehe

ʻI he ʻosi pē hoʻo akoʻi e toenga ʻo e lēsoní ʻo hangē ko ia ʻoku hiki ʻi he naunau ʻa e faiakó, kapau ʻe lahi ʻa e taimí, te ke lava ʻo fakakaukau ke fakaʻaliʻali e toenga ʻo e vitiō ko ʻení ʻo fakahaaʻi ai e mata-meʻa-hā-mai ʻa Līhai ki he ʻakau ʻo e moʻuí. Kapau ʻoku ʻikai feʻunga e taimí, te ke lava ʻo fakaafeʻi e kau akó ke nau toki mamata pē ai ʻiate kinautolu ʻamui ange.

• “Ko e Fakaafeʻi ʻe Līhai Hono Fāmilí ke nau Kai ʻi he Fua ʻo e Fuʻu ʻAkaú” (3:23)

• “Ko e Kai ʻe he Kau Faivelengá e Fua ʻo e ʻAkaú” (3:28)