Ngaahi Vitiō ʻo e Tohi ʻa Molomoná

Lēsoni 27: 2 Nīfai 5

Fakakaukau ʻi he faʻa lotu ki he founga ʻe ala tokoni ai e Ngaahi Vitiō ʻo e Tohi ʻa Molomoná ki hoʻo kau akó ke nau ʻiloʻi, mahino, ongoʻi e moʻoni mo e mahuʻinga, pea moʻui ʻaki e tokāteline mo e ngaahi tefitoʻi moʻoni ne akoʻi ʻi he Tohi ʻa Molomoná.

“The Nephites Live after the Manner of Happiness” (3:01)

Fakaʻaongaʻi ʻo e Vitiō Ko ʻEní

Te ke lava ʻo huluʻi e vitiō ko ʻení ʻi hoʻo aʻu ki he konga ʻo e lēsoní ʻoku pehē:

“Tataki e kau akó ʻi hono lau leʻolahi fakataha e 2 Nīfai 5:27. Mahalo te ke fie fokotuʻu ange ke fakaʻilongaʻi ʻe he kau akó e veesi ko ʻení. Tohiʻi e foʻi lea ko e fiefiá he palakipoé.

• ʻOkú ke pehē ʻoku ʻuhinga ki he hā e nofo ʻʻi he fiefiá?”

ʻUluaki huluʻi e vitioó, ʻo tomuʻa fakaafeʻi e kau akó ke nau vakai ki he ngaahi tafaʻaki ʻo ha sosaieti mo e moʻui fiefia moʻoní. Fakaafeʻi e kau akó ke hiki e meʻa ne nau maʻú ʻi he palakipoé. Poupouʻi leva kinautolu ke toe vakaiʻi e 2 Nīfai 5:6, 10–18, mo e 26–27 ʻo fakaʻilongaʻi e ngaahi kupuʻi lea fekauʻakí ʻi heʻenau maʻu ia ʻi heʻenau folofolá. Hili iá pea hoko atu e naunau fakalēsoni ʻa e faiakó.