Ngaahi Vitiō ʻo e Tohi ʻa Molomoná

Lēsoni 43: Sēkope 1–Sēkope 2:11

Fakakaukau ʻi he faʻa lotu ki he founga ʻe ala tokoni ai e Ngaahi Vitiō ʻo e Tohi ʻa Molomoná ki hoʻo kau akó ke nau ʻiloʻi, mahino, ongoʻi e moʻoni mo e mahuʻinga, pea moʻui ʻaki e ngaahi tokāteline mo e ngaahi tefitoʻi moʻoni ne akoʻi ʻi he Tohi ʻa Molomoná.

“Ko e Akonaki ʻa Sēkope kau ki he Hīkisiá mo e Anga-maʻá” Konga 1 (5:57)

Huluʻi pē ʻa e 3:33 ʻo e foʻi vitiō 5:57.

Fakaʻaongaʻi ʻo e Vitiō Ko ʻEní

Te ke lava ʻo huluʻi e konga ʻuluaki pē ʻo e vitiō ko ʻení (mei he 00:00 ki he 3:33; ʻe lava ke huluʻi e toenga ʻo e foʻi vitiō ko ʻení ʻi he lēsoni hono hokó) ʻi hoʻo aʻu ki he konga ʻo e lēsoní ʻoku pehē:

“Vahevahe e kalasí ke nau tauhoa. Fakaafeʻi ha niʻihi ʻo e ngaahi hoá ke nau taufetongi ʻi hono lau e Sēkope 2:1–3, 6–7, 10–11. Kole ange ke nau feinga ke ʻiloʻi e ngaahi kupuʻi lea ʻokú ne fakahā mai e ngaahi ongo ʻa Sēkope kau ki hono fatongia ʻi hono ui e kakaí ke nau fakatomalá. Hili hono ʻoange ha taimi feʻunga, fakaafeʻi ha kau ako ʻe niʻihi ke nau vahevahe mo e kalasí e ngaahi meʻa ne nau maʻú.”

Huluʻi e foʻi vitioó, ʻo fakaafeʻi e kau akó ke nau kumi e ngaahi kupuʻi lea ʻokú ne fakahā mai e ngaahi ongo ʻa Sēkope kau ki he fatongiá ni. Hili e vitioó, poupouʻi kinautolu ke nau vakaiʻi e Sēkope 2:2–3, 6–7, 9–11, ʻo fakaʻilongaʻi e ngaahi kupuʻi lea tatau ʻi heʻenau maʻu ia ʻi heʻenau folofolá. Hili iá pea hoko atu e naunau fakalēsoni ʻa e faiakó.