« ថ្ងៃទី ១៤ ខែ មីនា ។ តើតួនាទីដ៏ទេវភាពរបស់បុរស និងស្ដ្រីបំពេញឲ្យគ្នាដោយរបៀបណា ? គោលលទ្ធិ និង សេចក្ដីសញ្ញា ២៣–២៦ » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២១ ( ឆ្នាំ ២០២០ )
« ថ្ងៃទី ១៤ ខែ មីនា ។ តើតួនាទីដ៏ទេវភាពរបស់បុរស និងស្ដ្រីបំពេញឲ្យគ្នាដោយរបៀបណា ?ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២១
ថ្ងៃទី ១៤ ខែ មីនា
តើតួនាទីដ៏ទេវភាពរបស់បុរស និងស្ដ្រីបំពេញឲ្យគ្នាដោយរបៀបណា ?
ប្រឹក្សាជាមួយគ្នា
ដឹកនាំដោយសមាជិកម្នាក់នៅក្នុងកូរ៉ុម ឬគណៈប្រធានថ្នាក់ រយៈពេលប្រហែល ១០–២០ នាទី
នៅដើមការប្រជុំ សូមសូត្ររួមគ្នានូវបាវចនាកូរ៉ុមបព្វជិតភាពអើរ៉ុន ឬ បាវចនាក្រុមយុវនារី ។ រួចហើយ សូមដឹកនាំការពិភាក្សាអំពីចំណុចដូចខាងក្រោមនេះ ហើយដាក់ផែនការពីរបៀបដើម្បីអនុវត្តតាមអ្វីដែលបងប្អូនពិភាក្សា ( បងប្អូនអាចសម្រេចចិត្តនៅក្នុងការប្រជុំគណៈប្រធានថា ចំណុចមួយណាដែលត្រូវពិភាក្សា ) ៖
-
កូរ៉ុម ឬថ្នាក់របស់យើង ។ តើនរណាត្រូវការជំនួយ និងការអធិស្ឋានរបស់យើង ? តើយើងអាចធ្វើអ្វីខ្លះដើម្បីជួយដល់ពួកគេ ? តើយើងគួរអញ្ជើញនរណាឲ្យមកចូលរួមសកម្មភាពនាពេលខាងមុខនេះ ?
-
កាតព្វកិច្ច ឬទំនួលខុសត្រូវរបស់យើង ។ តើយើងបានបំពេញកិច្ចការអ្វីខ្លះ ? តើយើងត្រូវធ្វើកិច្ចការអ្វីខ្លះ ? តើយើងបានអញ្ជើញមនុស្សដទៃឲ្យមករកព្រះគ្រីស្ទដោយរបៀបណា ហើយថាតើយើងអាចអញ្ជើញមនុស្សដទៃនៅពេលនេះដោយរបៀបណា ?
-
ជីវិតរបស់យើង ។ តើបទពិសោធន៍ថ្មីៗអ្វីខ្លះដែលបានពង្រឹងទីបន្ទាល់របស់យើង ? តើមានអ្វីកំពុងកើតឡើងក្នុងជីវិតរបស់យើង ហើយតើយើងអាចគាំទ្រគ្នាទៅវិញទៅមកតាមរបៀបណា ?
នៅចុងបញ្ចប់នៃមេរៀននេះ សូមធ្វើនូវអ្វីដែលត្រឹមត្រូវដូចខាងក្រោមនេះ ៖
-
ថ្លែងទីបន្ទាល់អំពីគោលការណ៍ដែលបានបង្រៀន ។
-
រំឭកសមាជិកកូរ៉ុម ឬថ្នាក់អំពីផែនការ និងការអញ្ជើញទាំងឡាយដែលបានដាក់អំឡុងពេលនៃការប្រជុំ ។
បង្រៀនគោលលទ្ធិ
ដឹកនាំដោយអ្នកដឹកនាំជាមជ្ឈិមវ័យ ឬយុវវ័យម្នាក់ រយៈពេលប្រហែល ២៥–៣៥ នាទី
រៀបចំខ្លួនខាងវិញ្ញាណ
ព្រះវរបិតាសួគ៌បានប្រទានតួនាទីដ៏សំខាន់ស្មើគ្នាដល់បុរស និងស្ដ្រីឲ្យបំពេញតាមផែនការរបស់ទ្រង់ ។ តួនាទីទាំងនេះបំពេញឲ្យគ្នាទៅវិញទៅមក ។ ដើម្បីជួយបុរស និងស្ដ្រីឲ្យបំពេញតាមតួនាទីទាំងនេះ ទ្រង់បានប្រទានដល់ពួកគេនូវអំណោយទាន និងសមត្ថភាពដ៏ពិសេសៗជាច្រើន ។ សមាជិកកូរ៉ុម ឬថ្នាក់អាចបានសិក្សា គោលលទ្ធិ និង សេចក្តីសញ្ញា ២៥ នៅសប្ដាហ៍នេះ ។ នៅក្នុងវិវរណៈនេះ ព្រះអម្ចាស់បានប្រទានការទូន្មានដល់អិមម៉ា ស្ម៊ីធ អំពីកិច្ចការដ៏សំខាន់របស់នាងនៅក្នុងការស្ដារដំណឹងល្អឡើងវិញ ហើយបានពន្យល់អំពីរបៀបដែលយ៉ូសែប និងអិមម៉ាអាចគាំទ្រដល់គ្នាទៅវិញទៅមក ។ តើបងប្អូនបានឃើញគំរូអ្វីខ្លះ អំពីបុរស និងស្ដ្រីដែលធ្វើការរួមគ្នាតាមរបៀបដែលបំពេញឲ្យគ្នា ដើម្បីធ្វើកិច្ចការរបស់ព្រះអម្ចាស់ ? តើបងប្អូនអាចបំផុសគំនិតយុវជន ឬយុវនារីដែលបងប្អូនបង្រៀនឲ្យយល់ពីតួនាទីដ៏ទេវភាពរបស់ពួកគេ និងធ្វើកិច្ចការរួមគ្នាដើម្បីកសាងនគរព្រះដោយរបៀបណា ?
កាលដែលបងប្អូនរៀបចំខ្លួនដើម្បីបង្រៀន សូមពិចារណារំឭក « ក្រុមគ្រួសារ ៖ ការប្រកាសដល់ពិភពលោកនៅលើគេហទំព័រ ( ChurchofJesusChrist.org )និងសារលិខិតរបស់ប្រធាន លីនដា ខេ ប៊ើរថុន « We’ll Ascend TogetherLiahonaខែ ឧសភា ឆ្នាំ ២០១៥ ទំព័រ ២៩–៣២ ) ។
យុវជន និងយុវនារីអាចរៀនធ្វើការរួមគ្នាដើម្បីកសាងនគរព្រះបាន ។
រៀនជាមួយគ្នា
ដើម្បីចាប់ផ្ដើមការពិភាក្សាអំពីរបៀបដែលបុរស និងស្ដ្រីធ្វើការរួមគ្នានៅក្នុងនគររបស់ព្រះ សូមពិចារណាអញ្ជើញសមាជិកក្នុងកូរ៉ុម ឬថ្នាក់ឲ្យរំឭក គោលលទ្ធិ និង សេចក្តីសញ្ញា ២៥ ។ តើព្រះអម្ចាស់បានមានបន្ទូលអ្វីខ្លះ អំពីការទទួលខុសត្រូវដែលអិមម៉ា និងយ៉ូសែបមានចំពោះគ្នាទៅវិញទៅមក ? តើយើងអាចរៀនអ្វីខ្លះមកពី កណ្ឌទី ២៥ អំពីរបៀបដែលស្វាមី និងភរិយាគួរធ្វើការរួមគ្នា ? បងប្អូនអាចចែកក្រដាសឲ្យអ្នកដែលបងប្អូនបង្រៀន ដើម្បីសរសេរនូវអ្វីដែលពួកគេរកឃើញ និងឲ្យពួកគេចែកចាយគំនិតរបស់ពួកគេ ។ រួចហើយ សូមជ្រើសរើសចេញពីសកម្មភាពខាងក្រោមនេះ ដើម្បីជួយពួកគេឲ្យយល់ពីរបៀបដែលព្រះរំពឹងចង់ឲ្យបុត្រា និងបុត្រីរបស់ព្រះដើម្បីធ្វើការរួមគ្នា ។
-
តើបងប្អូនអាចគិតដល់ឧទាហរណ៍មួយដើម្បីជួយសមាជិកកូរ៉ុម ឬថ្នាក់ឲ្យយល់ពីអត្ថន័យនៃពាក្យ « បំពេញឲ្យគ្នា » ដែរឬទេ ? ឧទាហរណ៍ ពួកគេអាចនិយាយអំពីពណ៌ស៊ីគ្នា ឬពិភាក្សាពីរបៀបសំឡេងខុសៗគ្នាក្នុងក្រុមចម្រៀងធ្វើឲ្យតន្ដ្រីកាន់តែពិរោះ ។ តើតួនាទីដ៏ទេវភាពរបស់បុរស និងស្ដ្រីបំពេញឲ្យគ្នាដោយរបៀបណា ? ក្នុងនាមជាកូរ៉ុម ឬថ្នាក់ សូមអានរួមគ្នាក្នុងកថាខណ្ឌពីរដំបូងនៃវគ្គដែលមានចំណងជើងថា « ការលើកស្ទួយ និងតួរនាទី ក្នុងការជួយបំពេញឲ្យគ្នារបស់យើង »សារលិខិតមកពី ប្រធាន លីនដា ខេ ប៊ើរថុន « We’ll Ascend TogetherLiahonaខែ ឧសភា ឆ្នាំ ២០១៥ ទំព័រ ៣០ ) ។ ឬ បងប្អូនអាចអញ្ជើញគូស្វាមីភរិយារៀបការហើយមួយគូ ឲ្យមកជួបកូរ៉ុម ឬថ្នាក់របស់បងប្អូន ហើយជជែកអំពីរបៀបដែលពួកគេបានជួយគ្នាបំពេញតួនាទីរបស់ពួកគេ និងរបៀបដែលព្រះអម្ចាស់បានជួយដល់ពួកគេ ។ តើយើងបានរៀនចេញពីសារលិខិតរបស់ប្រធាន ប៊ើរថុន ឬគូស្វាមីភរិយានេះ អំពីរបៀបដែលបុរស និងស្ដ្រីគាំទ្រគ្នាក្នុងក្រុមគ្រួសារអ្វីខ្លះ ?
-
បទគម្ពីរដែលចែងក្នុងវគ្គ « ធនធានគាំទ្រ » អាចជួយសមាជិកកូរ៉ុម ឬថ្នាក់ឲ្យរៀនបន្ថែមទៀតអំពីការទទួលខុសត្រូវទាំងឡាយរបស់បុរស និងស្ដ្រីនៅក្នុងក្រុមគ្រួសារ ។ បងប្អូនអាចចាត់ឲ្យសមាជិកកូរ៉ុម ឬថ្នាក់ម្នាក់ៗអានវគ្គបទគម្ពីរទាំងនេះមួយ ។ សូមឲ្យពួកគេចែកចាយខគម្ពីររបស់ពួកគេ ហើយនិយាយអំពីការទទួលខុសត្រូវដែលបានពិពណ៌នានៅក្នុងខនោះ ។ តើបទគម្ពីរទាំងនេះបង្រៀនអ្វីខ្លះអំពីទំនួលខុសត្រូវរបស់ឪពុកម្ដាយ ? តើស្វាមី និងភរិយាអាចជួយគ្នាបំពេញការទទួលខុសត្រូវដ៏ទេវភាពទាំងនេះដោយរបៀបណា ? តើព្រះអង្គសង្រ្គោះអាចជួយពួកគេឲ្យទទួលបានជោគជ័យយ៉ាងដូចម្តេច ? តើកូនៗអាចជួយពួកគេយ៉ាងដូចម្ដេច ?
-
ដើម្បីជួយកូរ៉ុម ឬថ្នាក់របស់បងប្អូនឲ្យយល់អំពីរបៀបដែលបុរស និងស្ដ្រីអាចបំពេញឲ្យគ្នាក្នុងនាមជាដៃគូមានភាពស្មើគ្នានោះ សូមសរសេរចំណងជើងដូចតទៅនេះដាក់នៅលើក្ដារខៀន ៖ ការទទួលខុសត្រូវរបស់ឪពុក និង ការទទួលខុសត្រូវរបស់ម្ដាយ ។ សូមឲ្យសមាជិកកូរ៉ុម ឬថ្នាក់រកមើលក្នុងកថាខណ្ឌទីប្រាំពីរនៃ « ក្រុមគ្រួសារ ៖ ការប្រកាសដល់ពិភពលោក » ហើយសរសេរអ្វីដែលពួកគេរកឃើញដាក់ក្រោមចំណងជើងឲ្យបានសមរម្យ ។ តើយើងរៀនអ្វីខ្លះអំពីតួនាទីដ៏ទេវភាពរបស់ឪពុក និងម្ដាយ ? តើវាមានន័យយ៉ាងណា ដែលឪពុក និងម្ដាយត្រូវជួយគ្នា « ក្នុងនាមជាដៃគូស្មើភាពគ្នា » ដើម្បីបំពេញការទទួលខុសត្រូវទាំងនេះ ? តើយើងអាចចែកចាយឧទាហរណ៍អ្វីខ្លះ មកពីជីវិតរបស់យើងដែលបង្ហាញថា ឪពុក និងម្ដាយកំពុងបំពេញតួនាទីរបស់ពួកលោក ហើយជួយគ្នាក្នុងនាមជាដៃគូស្មើភាពគ្នា ? បងប្អូនក៏អាចពិភាក្សាពីរបៀបដែលយុវវ័យអាចរៀបចំខ្លួននាពេលនេះសម្រាប់តួនាទីនាពេលអនាគតទាំងនេះផងដែរ ។
ធ្វើសកម្មភាពដោយសេចក្ដីជំនឿ
សូមលើកទឹកចិត្តសមាជិកកូរ៉ុម ឬថ្នាក់ឲ្យសញ្ជឹងគិត ហើយកត់ត្រានូវអ្វីដែលពួកគេនឹងត្រូវធ្វើដើម្បីប្រព្រឹត្តតាមការបំផុសគំនិត ដែលពួកគេបានទទួលនៅថ្ងៃនេះ ។ តើមេរៀនថ្ងៃនេះទាក់ទងទៅនឹងគោលដៅផ្ទាល់ខ្លួន ដែលពួកគេបានដាក់យ៉ាងដូចម្ដេចខ្លះ ? ប្រសិនបើពួកគេចង់ សមាជិកកូរ៉ុម ឬថ្នាក់អាចចែកចាយគំនិតរបស់ពួកគេបាន ។
ធនធានគាំទ្រ
-
សុភាសិត ២២:៦; គោលលទ្ធិ និង សេចក្ដីសញ្ញា ៦៨:២៥–២៨; ១២១:៤១–៤៣ ( ការទទួលខុសត្រូវរបស់ឪពុកម្ដាយ )
-
អេភេសូរ ៥:២៥; ម៉ូសេ ៣:២១–២៤; ៥:១–១២ ( ស្វាមី និងភរិយាធ្វើការរួមគ្នាក្នុងនាមជាដៃគូស្មើភាពគ្នា )
-
ជីន ប៊ី ប៊ីងហាំ « United in Accomplishing God’s Work » Liahonaខែ ឧសភា ឆ្នាំ ២០២០ ទំព័រ ៦០–៦៣
-
« The Women in Our Lives » « Let Us Be Men » ( វីដេអូ ) នៅលើគេហទំព័រ ChurchofJesusChrist.org
ការបង្រៀនតាមរបៀបរបស់ព្រះអង្គសង្គ្រោះ
ព្រះអង្គសង្គ្រោះបានរៀបចំអស់អ្នកដែលទ្រង់បានបង្រៀន ហើយបានប្រទានការទទួលខុសត្រូវដ៏សំខាន់ទៅដល់ពួកគេ ។ តើបងប្អូនអាចរៀបចំអស់អ្នកដែលបងប្អូនបង្រៀនឲ្យធ្វើការរួមគ្នាក្នុងនាមជាបុត្រាបុត្រីរបស់ព្រះដោយរបៀបណា ? ( សូមមើល ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ ២០១៦ ] ទំព័រ ២៧–២៨ ) ៕