batan-ong babaye nga naggunit og telepono

Hunyo 13

Unsaon Nako Pagbatok sa Pornograpiya?

Doktrina ug mga Pakigsaad 63

icon sa pagtinambagay

Pagtinambagay

Pinangulohan sa usa ka sakop sa korum o kapangulohan sa klase; mga 10–20 ka minutos

Sa pagsugod sa miting, pagdungan sa pagsulti sa Tema sa Korum sa Aaronic nga Pagkapari o sa Tema sa Young Women. Dayon pangulohi ang usa ka panaghisgutan mahitungod sa mga aytem sama sa mosunod, ug pagplano og mga paagi sa paglihok sa unsay inyong gihisgutan (mahimo ninyong desisyunan sa miting sa kapangulohan kon unsa nga mga aytem ang hisgutan):

• Ang atong korum o klase. Unsa ang bag-ohay lang nato nga mga kalihokan? Malampuson ba kini? Unsa ang maayong nabuhat, ug sa unsa nga paagi kita makapanindot niini?

• Ang atong mga katungdanan o mga responsibilidad. Kinsa ang nagkinahanglan sa atong tabang? Unsaon nato pagtabang kanila?

• Ang atong mga kinabuhi. Unsa nga mga tumong ang atong gibuhat sa indibidwal nga paagi? Unsa nga mga kasinatian ang atong mapaambit? Unsa nga mga panalangin ang atong nadawat?

Sa katapusan sa leksyon, ingon nga angay, buhata ang mosunod:

• Pagpamatuod sa mga baruganan nga gitudlo.

• Pahinumdumi ang mga sakop sa korum o klase mahitungod sa mga plano ug mga pagdapit nga gihimo atol sa miting.

icon sa itudlo ang doktrina

Itudlo ang Doktrina

Pinangulohan sa usa ka hamtong [adult] nga lider o batan-on; mga 25–35 ka minutos

Andama ang Imong Kaugalingon sa Espirituhanong Paagi

Ang mga sakop sa korum o klase siguro nakatuon na sa Doktrina ug mga Pakigsaad 63 niini nga semana ug nakabasa mahitungod sa pasidaan sa Ginoo ngadto sa unang mga Santos mahitungod sa mga kakuyaw sa kahigal—usa ka pasidaan nga balik-balik Niyang gihatag (tan-awa sa Doktrina ug mga Pakigsaad 63:13–16; Mateo 5:27–28; 3 Nephi 12:27–30). Samtang kining mga pasidaan nagamit ngadto sa mga tawo sa tanang pangidaron sa bisan unsang panahon, mas magamit dayon kini sa atong panahon, diin ang pornograpiya usa ka mikuyanap nga kadaut. Unsa nga mga kakuyaw ug mga pagpamugos kalabut sa pornograpiya nga tingali giatubang sa mga sakop sa imong korum o klase? Unsa nga mga baruganan sa ebanghelyo ug mga lakang sa paglikay ang makatabang kanila nga mapabiling putli ang ilang mga hunahuna ug mga lihok?

Samtang mangandam ka sa pagtudlo, ikonsiderar ang pagribyu sa “Kalingawan ug Media” ug “Sekswal nga Kaputli” diha sa Alang sa Kalig-on sa mga Kabatan-onan ([2011], 11–13, 35–37) ug Himoa ang Hiyas nga Modayan-dayan sa Inyong mga Hunahuna (booklet, 2006).

mga batan-ong lalaki diha sa klase

Ang mga sakop sa korum ug klase makapalig-on sa usag usa sa pagbatok sa pornograpiya.

Pagkat-on og Dungan

Sa pagsugod og panaghisgutan mahitungod sa pornograpiya, mahimo nimong dapiton ang mga sakop sa korum o klase sa pagbasa sa Doktrina ug mga Pakigsaad 63:13–16 ug sa paghisgot sa mga ideya gikan niining mga bersikulo nga makatabang kanila aron makasabut kon nganong hilabihan ka makadaut ang pornograpiya. Aron matabangan ang mga sakop sa korum o klase nga masabtan kon unsaon pagbatok sa pornograpiya, gamita ang usa o dugang pa sa mosunod nga mga kalihokan. Sa pagtapos sa inyong panaghisgutan, siguro mobati ka nga maaghat sa paghisgot kon sa unsang paagi nga ang bishop makatabang niadtong nalambigit sa pornograpiya (tan-awa sa Alang sa Kalig-on sa mga Kabatan-onan, 12, 37).

• Ang mga sakop sa imong korum o klase siguro adunay mga pangutana mahitungod sa pagbatok sa pornograpiya. Aron matabangan sila nga makakita og mga tubag, mahimo nimong isulat ang mosunod nga mga pangutana diha sa pisara: Unsa ang pornograpiya? Nganong makadaut man kini? Sa unsa nga paagi kita makapalayo gikan sa tintasyon sa pornograpiya? Aron matabangan ang mga sakop sa korum o klase nga makakita og mga tubag sa unang duha ka pangutana, hangyoa sila sa pagribyu sa “Pornograpiya” diha sa Matinud-anon sa Tinuhoan (mga pahina 200–201) ug “Kalingawan ug Media” ug “Sekswal nga Kaputli” diha sa Alang sa Kalig-on sa mga Kabatan-onan (mga pahina 11–13, 35–37). Aron matabangan sila nga makakita og mga tubag sa ikatulong pangutana, hangyoa sila sa pagribyu sa Genesis 39:1–12; Mga Taga-Roma 12:21; 2 Timoteo 2:22; Alma 39:3–9; Moroni 10:30; Doktrina ug mga Pakigsaad 27:15–18; 121:45–46. Dapita sila sa pagpaambit sa mga tubag nga ilang nakit-an.

• Aron matabangan ang imong korum o klase nga madiskubrihan ang mga paagi sa pagbatok sa pornograpiya, mahimo nimong iparibyu kanila ang mensahe ni Elder Jeffrey R. Holland nga “Walay Luna alang sa Kaaway sa Akong Kalag” (Liahona, Mayo 2010, 44–46) ug ang mensahe ni Sister Linda S. Reeves nga “Panalipod gikan sa Pornograpiya—usa ka Panimalay nga Nag-focus kang Kristo” (Liahona, Mayo 2014, 15–17). Mahimo silang maghunahuna nga nakig-istorya sila sa ilang umaabut nga anak nga lalaki o anak nga babaye kon nganong hilabihan ka makadaut ang pornograpiya ug unsaon sa paglikay niini. Unsa nga impormasyon ang ilang mapaambit gikan sa mensahe sa komperensya nga ilang giribyu? Dapita sila nga magpares-pares ug ipaambit ang mga tubag nga ilang nakit-an. Hangyoa usab sila sa pagsulat sa unsay ilang buhaton aron makalikay sa pornograpiya.

• Dapita kadtong imong gitudloan sa pagbasa sa 1 Mga Taga-Corinto 10:13 ug Alma 13:28. Pangutan-a sila kon sa unsa nga paagi nga kining mga kasulatan adunay kalabutan sa atong mga hagit sa pagbatok sa pornograpiya karon. Mahimo usab nimo silang hangyuon sa paghunahuna nga sila adunay usa ka higala kinsa nanglimbasug sa pornograpiya ug gustong maghinulsol. Unsay ilang nakit-an diha sa mga kasulatan nga makatabang sa ilang higala ubos sa “Suporta nga mga Kapanguhaan” ug diha sa mga pahina 1–4 sa booklet nga Himoa ang Hiyas nga Modayan-dayan sa Inyong mga Hunahuna? Unsa kaha ang makatabang sa ilang higala aron makasabut nga ang bishop makatabang kaniya? (tan-awa sa Alang sa Kalig-on sa mga Kabatan-onan, 12, 37).

Molihok inubanan sa Hugot nga Pagtuo

Awhaga ang mga sakop sa korum o klase sa pagpamalandong ug pagrekord kon unsay ilang buhaton aron sa paglihok sa mga pag-aghat nga ilang nadawat karong adlawa. Sa unsang paagi nga ang leksyon karong adlawa may kalabutan sa personal nga mga tumong nga ilang gihimo? Kon gusto nila, ang mga sakop sa korum o klase mahimong mopaambit sa ilang mga ideya.

Suporta nga mga Kapanguhaan

• Isaias 1:18; Mosiah 4:2; Doktrina ug mga Pakigsaad 58:42–43 (Mapasaylo kita kon maghinulsol kita)

• 1 Nephi 17:3; Mosiah 24:14–15; Alma 26:12 (Ang Dios mopalig-on kanato sa atong mga paningkamot sa pagtuman sa mga sugo)

Pagtudlo sumala sa Pamaagi sa Manluluwas

Samtang nagtudlo ka sama sa pagtudlo sa Manluluwas, ang mga sakop sa korum o klase mohatag og luna diha sa ilang mga kasingkasing alang sa binhi sa ebanghelyo nga matanom, motuybo, ug motubo. Unsay imong mabuhat aron sa pagtabang kanila nga magamit ang mga kasulatan aron masabtan ang gahum ug kanindot sa pagpuyo og mahiyason nga kinabuhi?