« ថ្ងៃទី ១៤ ខែ សីហា ។ តើខ្ញុំអាចរកឃើញអំណរនៅក្នុងការធ្វើតាមព្រះអង្គសង្រ្គោះដោយរបៀបណា ? ទំនុកដំកើង ១–២; ៨; ១៩–៣៣; ៤០; ៤៦ » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២២ ( ឆ្នាំ ២០២១ )

« ថ្ងៃទី ១៤ ខែ សីហា ។ តើខ្ញុំអាចរកឃើញអំណរនៅក្នុងការធ្វើតាមព្រះអង្គសង្រ្គោះដោយរបៀបណា ? » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២២

រូបភាព

យុវវ័យលេងនៅខាងក្រៅ

ថ្ងៃទី ១៤ ខែ សីហា

តើខ្ញុំអាចរកឃើញអំណរនៅក្នុងការធ្វើតាមព្រះអង្គសង្រ្គោះដោយរបៀបណា ?

ទំនុកដំកើង ១–២; ៨; ១៩–៣៣; ៤០; ៤៦

រូបភាព

រូបតំណាងប្រឹក្សាជាមួយគ្នា

ប្រឹក្សាជាមួយគ្នា

ដឹកនាំដោយសមាជិកម្នាក់ក្នុងគណៈប្រធានកូរ៉ុម ឬគណៈប្រធានថ្នាក់ មានរយៈពេល ១០–២០ នាទី

នៅដើមការប្រជុំ សូមសូត្ររួមគ្នានូវ បាវចនាយុវនារី ឬ បាវចនាកូរ៉ុមបព្វជិតភាពអើរ៉ុន ។ បន្ទាប់មកសូមដឹកនាំការពិភាក្សាមួយអំពីកិច្ចការនៃសេចក្តីសង្រ្គោះ និងភាពតម្កើងឡើង ដោយប្រើសំណួរមួយ ឬច្រើនដូចខាងក្រោម ឬ សំណួររបស់បងប្អូនផ្ទាល់ ( សូមមើល ក្បួនខ្នាតទូទៅ ១០.២, ១១.២, នៅលើគេហទំព័រ ChurchofJesusChrist.org ) ។ ដាក់ផែនការដើម្បីអនុវត្តតាមអ្វីដែលបងប្អូនពិភាក្សា ។

រស់នៅតាមដំណឹងល្អ ។ តើយើងមានអំណរដោយការដើរតាមព្រះយេស៊ូវយ៉ាងដូចម្តេច ?
ការមើលថែដល់អ្នកដែលត្រូវការជំនួយ ។ តើនរណានៅក្នុងវួដ ឬសហគមន៍របស់យើងត្រូវការជំនួយរបស់យើង ? តើយើងអាចជួយពួកគេបានយ៉ាងដូចម្ដេច ?
ការអញ្ជើញមនុស្សទាំងអស់ឲ្យទទួលយកដំណឹងល្អ ។ តើយើងអាចជួយគ្នាទៅវិញទៅមកដើម្បីរៀបចំខ្លួនសម្រាប់ការងារការបម្រើជាអ្នកផ្សព្វផ្សាយសាសនាយ៉ាងដូចម្តេច ?
រួបរួមក្រុមគ្រួសារសម្រាប់ភាពអស់កល្បភាពអស់កល្បជានិច្ច ។ តើយើងអាចចូលរួមនៅក្នុងកិច្ចខិតខំរបស់វួដយើងដើម្បីធ្វើកិច្ចការពង្សប្រវត្តិ និងព្រះវិហារបរិសុទ្ធយ៉ាងដូចម្តេច ?

នៅចុងបញ្ចប់នៃមេរៀននេះ សូមធ្វើនូវអ្វីដែលត្រឹមត្រូវដូចខាងក្រោមនេះ ៖

ថ្លែងទីបន្ទាល់អំពីគោលការណ៍ដែលបានបង្រៀន ។
រំឭកសមាជិកថ្នាក់ ឬកូរ៉ុមអំពីផែនការ និងការអញ្ជើញទាំងឡាយដែលបានដាក់អំឡុងការប្រជុំ ។

បង្រៀនគោលលទ្ធិ

ដឹកនាំដោយអ្នកដឹកនាំជាមជ្ឈិមវ័យ ឬជាយុវវ័យម្នាក់ មានរយៈពេល ២៥–៣៥ នាទី

រៀបចំខ្លួនខាងវិញ្ញាណ

តើអ្វីដែលនាំមកនូវអំណរដល់បងប្អូន ? មនុស្សទូទៅអាចនិយាយថាពួកគេរកឃើញអំណរពេលនៅជាមួយនឹងមិត្តភក្ដិ និងគ្រួសារ ចំណង់ចំណូលចិត្តដែលគេចូលចិត្ត ឬមានថ្ងៃមួយដែលស្ងប់សុខ ។ ប្រធាន រ័សុល អិម ណិលសុន បានបង្រៀនថា « អំណរដែលយើងមាននោះ វាមានឥទ្ធិពលតិចតួចចំពោះកាលៈទេសៈនៃជីវិតយើង ប៉ុន្តែវាមានឥទ្ធិពលខ្លាំងលើអ្វីដែលជីវិតយើងផ្តោតទៅលើ ។ នៅពេលជីវិតរបស់យើងផ្តោតលើផែនការនៃសេចក្ដីសង្គ្រោះរបស់ព្រះ … ព្រមទាំងព្រះយេស៊ូវគ្រីស្ទ និងដំណឹងល្អរបស់ទ្រង់ នោះយើងអាចមានអំណរ មិនថាមានអ្វីកំពុងកើតឡើង—ឬមិនកើតឡើង—នៅក្នុងជីវិតយើងនោះទេ ។ អំណរកើតមានឡើង ហើយដោយសារតែទ្រង់ » ( « Joy and Spiritual Survival » Liahona ខែ វិច្ឆិកា ឆ្នាំ ២០១៦ ទំព័រ ៨២ ) ។ សារលិខិតជាច្រើននៅក្នងទំនុកដំកើងលើកឡើងសារលិខិតនេះដដែលៗ ៖ « ទ្រង់នឹងបង្ហាញឲ្យទូលបង្គំឃើញផ្លូវជីវិតវិញ នៅចំពោះទ្រង់មានសេចក្តីអំណរដ៏ពោរពេញ » ( ទំនុកដំកើង ១៦:១១ ) ។

សូមគិតអំពីការសាកល្បងមួយចំនួនដែលសមាជិកថ្នាក់ ឬកូរ៉ុមរបស់អ្នកអាចប្រឈមមុខ ។ តើបងប្អូននឹងជួយពួកគេឲ្យយល់ថាអំណរពិតប្រាកដបានមកពីការអនុវត្តសេចក្តីជំនឿលើព្រះអង្គសង្រ្គោះ—ទោះបីក្នុងអំឡុងពេលលំបាកដោយរបៀបណា ? សូមសញ្ជឹងគិតអំពីសំណួរនេះ កាលបងប្អូនរៀបចំខ្លួនបង្រៀន ។ សូមរកមើលសារលិខិតដែលទាក់ទងដែលបងប្អូនអាចចែកចាយជាមួយថ្នាក់ ឬកូរ៉ុមរបស់បងប្អូននៅក្នុងទំនុកដំកើង ឬ នៅក្នុងសារលិខិតរបស់ប្រធានណិលសុន « អំណរ និងការរស់រានខាងវិញ្ញាណ » ។

អំណរពិតប្រាកដបានមកពីការអនុវត្តសេចក្តីជំនឿលើព្រះអង្គសង្រ្គោះ—ទោះបីក្នុងអំឡុងពេលលំបាកក្តី ។

រៀនជាមួយគ្នា

សូមពិចារណាការអញ្ជើញសមាជិកថ្នាក់ ឬកូរ៉ុមរបស់បងប្អូនឲ្យអានបទគម្ពីរដូចតទៅនេះឡើងវិញ ៖ ទំនុកដំកើង ១; ៨; ១៩; ២៣; ២៧ ។ តើយើងរៀនអ្វីខ្លះ មកពីទំនុកដំកើងទាំងនេះអំពិអ្វីដែលនាំមកឲ្យយើងនូវអំណរ ? បន្ទាប់មក បងប្អូនអាចប្រើសកម្មភាពមួយ ឬច្រើនដូចខាងក្រោមនេះដើម្បីជួយមនុស្សដែលបងប្អូនបង្រៀនឲ្យយល់ដឹងកាន់តែប្រសើរថា អំណរពិតកើតចេញពីការធ្វើតាមព្រះយេស៊ូវគ្រីស្ទ ។

យើងទាំងអស់ចង់រកឃើញនូវអំណរ ប៉ុន្តែយើងចាំបាច់ត្រូវយល់ថាតើអ្វីទៅដែលបាននាំមកនូវអំណរពិត និងអ្វីទៅដែលបានដឹកនាំទៅរកភាពសោកសៅ ។ សូមឲ្យយុវវ័យចែកចាយរឿងមួយចំនួនដែលនាំយកអំណរដល់ពួកគេ និងហេតុផលរបស់វា ។ សូមសរសេរនៅលើក្ដារខៀនថា « មានមនុស្សលោក ដើម្បីឲ្យគេអាចមានសេចក្ដីអំណរ » ( នីហ្វៃទី២ ២:២៥ ) ។ បន្ទាប់មក សូមអញ្ជើញយុវវ័យ ជាបុគ្គល ឬជាក្រុមតូចៗ ហើយរំឭកបទគម្ពីរមួយ ឬច្រើននៅក្នុង « ធនធានគាំទ្រ » ហើយសរសេរពីអ្វីដែលពួកគេរកឃើញដែលដឹកនាំទៅរកអំណរ ។ បងប្អូនក៏អាចបង្ហាញវីដេអូ « We Can Find Happiness » ( នៅលើគេហទំព័រChurchofJesusChrist.org ) បានដែរ ។ តើវិធីមួយចំនួនណាខ្លះ ដែលមនុស្សព្យាយាមស្វែងរកអំណរប៉ុន្តែវាដឹកនាំទៅរកភាពសោកសៅវិញ ? តើព្រះអង្គសង្រ្គោះបាននាំយកអំណរមកឲ្យយើងតាមរបៀបណា ?

យើងទាំងអស់គ្នាស្គាល់មនុស្សដែលប្រឈមមុខនឹងការសាកល្បងទោះបីជាពួកគេខិតខំអស់ពីលទ្ធភាពរបស់ពួកគេដើម្បីរស់នៅតាមដំណឹងល្អក្តី ។ តើបងប្អូនអាចជួយដល់អស់អ្នកដែលបងប្អូនបង្រៀនឲ្យយល់ថា យើងអាចស្វែងរកអំណរទោះបីជាជីវិតរបស់យើងមានការសាកល្បងដោយរបៀបណា ? បងប្អូនអាចសូមឲ្យពួកគេមើលសារលិខិតរបស់ប្រធាន រ័សុល អិម ណិលសុន « Joy and Spiritual Survival » ឬសារលិខិតរបស់ប្រធាន ស្ទេវីន ជេ ឡាន់ « Finding Joy in Christ » ( Liahona ខែ វិច្ឆិកា ឆ្នាំ ២០២០ ទំព័រ ៣៥–៣៧ ) ។ តើយើងរកឃើញគំរូអ្វីខ្លះអំពីមនុស្សដែលបានរកឃើញអំណរក្នុង ព្រះគ្រីស្ទ ទោះជាពួកគេជួបឧបសគ្គក្ដី ? តើយើងរៀនអ្វីខ្លះមកពីបទពិសោធន៍ទាំងនេះ ? តើយើងអាចចែកចាយបទពិសោធន៍អ្វីខ្លះ ?
យើងគ្រប់រូបងាយមានអារម្មណ៍ថប់បារម្ភ និងការធ្លាក់ទឹកចិត្ត នៅពេលយើងប្រឈមនឹងឧបសគ្គនៃជីវិត ។ សម្រាប់មនុស្សមួយចំនួន អារម្មណ៍ទាំងនេះគឺជាចម្បាំងពេញមួយជីវិត ។ ថ្នាក់ ឬកូរ៉ុមរបស់អ្នកអាចទទួលបានប្រយោជន៍មកពីការពិភាក្សាមួយអំពីឧបសគ្គទាំងនេះ និងអំពីរបៀបដែលព្រះអង្គសង្គ្រោះអាចជួយមនុស្សដែលស្មុគស្មាញជាមួយនឹងការថប់បារម្ភ និងការធ្លាក់ទឹកចិត្ត ។ ដើម្បីចាប់ផ្ដើមការពិភាក្សានេះ បងប្អូនអាចសុំឲ្យយុវវ័យរំឭកសារលិខិតរបស់អែលឌើរ ជែហ្វ្រី អ័រ ហូឡិន « Like a Broken Vessel » ជាពិសេសកថាខណ្ឌបួនចុងក្រោយ ( Liahona ខែ វិច្ឆិកា ឆ្នាំ ២០១៣ ទំព័រ ៤០–៤២ ) ឬសារលិខិតរបស់ស៊ីស្ទើរ រ៉េណា អ៊ី អាប៊ើតូ « Thru Cloud and Sunshine, Lord, Abide with Me! » ( Liahona ខែ វិច្ឆិកា ឆ្នាំ ២០១៩ ទំព័រ ៥៧–៥៩ ) ។ សូមអញ្ជើញសមាជិកថ្នាក់ ឬកូរ៉ុមរកមើលសេចក្ដីពិតដែលមានន័យចំពោះពួកគេ ហើយចែកចាយអ្វីដែលពួកគេបានរកឃើញ ។ សូមលើកទឹកចិត្តយុវវ័យឲ្យពិភាក្សាជាមួយនឹងឪពុក ឬម្ដាយ ឬថ្នាក់ដឹកនាំដែលទុកចិត្តបាន ឬចូលទៅកាន់គេហទំព័រ mentalhealth.ChurchofJesusChrist.org ប្រសិនបើពួកគេមានអារម្មណ៍ថាពួកគេត្រូវការជំនួយ ។

ធ្វើសកម្មភាពដោយសេចក្ដីជំនឿ

សូមលើកទឹកចិត្តសមាជិកថ្នាក់ ឬកូរ៉ុមឲ្យសញ្ជឹងគិត ហើយកត់ត្រាអ្វីដែលពួកគេនឹងធ្វើដើម្បីធ្វើតាមការបំផុសគំនិត ដែលពួកគេបានទទួលនៅថ្ងៃនេះ ។ ពួកគេអាចចែកចាយគំនិតរបស់ពួកគេបាន ប្រសិនបើពួកគេចង់ចែកចាយ ។ សូមអញ្ជើញពួកគេឲ្យគិត អំពីរបៀបដែលការធ្វើតាមចំណាប់អារម្មណ៍របស់ពួកគេនឹងពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ ។

ធនធានគាំទ្រ

ម៉ាថាយ ៥:១–១២; ពេត្រុស ទី១ ៤:១២–១៣; នីហ្វៃទី២ ២:២៥–២៧; ម៉ូសាយ ២:៤១; ៣:៣–៧; ៤:២–៣; អាលម៉ា ៣៦:១៦–២២; នីហ្វៃទី៤ ១:១៥–១៦ ( របៀបស្វែងរកអំណរ )
ឌី ថត គ្រីស្តូហ្វឺសិន « The Joy of the Saints » Liahona ខែ វិច្ឆិកា ឆ្នាំ ២០១៩ ទំព័រ ១៥-១៨
« Suicide Prevention and Ministering » នៅគេហទំព័រ ChurchofJesusChrist.org

ការបង្រៀនតាមរបៀបរបស់ព្រះអង្គសង្គ្រោះ

ព្រះអង្គសង្គ្រោះបានស្គាល់អស់អ្នកដែលទ្រង់បានបង្រៀនដោយផ្ទាល់—ហើយជ្រាបថា ពួកគេអាចក្លាយទៅជាអ្វី ។ នៅពេលពួកគេជួបការលំបាក ទ្រង់បានបន្តស្រឡាញ់ពួកគេ ។ តើបងប្អូនអាចបង្ហាញសេចក្តីស្រឡាញ់ និងការគាំទ្រដល់អស់អ្នកដែលបងប្អូនបង្រៀនដូចម្ដេច ?