Ngkami Otan te Aonaaba, iroun Simon Dewey

Ngkami Otan te Aonaaba, iroun by Simon Dewey

Tianuare 22

E Kanga n Riki Iesu Kristo Bwa te Ota inanon Maiu?

Ioane 1

te aikaon ibukin te uaia ni marooro

Te Uaia ni Marooro

E kairaki iroun te membwa n te kiraati ke te beretitentii n te kooram, e na kabanea 10–20 te miniti

Ni moan waakin te bootaki, ikotaki n taekina Aia Botoniango Ataeinnaine ke Aia Botoniango Kaain te Kooram n te Nakoanibonga ae te Aaron. Ngkanne kaira te marooro iaon te mwakuri ni kamaiu ao ni karietataaki ni kabongana teuana ke e raka riki titiraki aika inano ke aika bon am kario (taraa Aeniboki ni Kabuta,, 10.2, 11.2). Bairei kawai aika ko na karaoi n te bwai ae ko maroroakinna.

• Maiuakina te euangkerio. Tera te bwai ae ti a tia n rinanona mai mwaina ae e a tia ni kakorakora ara koaua?

• Tararuakiia naake iai kainnanoia. Antai ae e kainnanoa ara ibuobuoki ao ara tataro? Tera ae ti namakina iai te kukurei ni kan buokiia?

• Kaoiia ni kabane bwa a na karekea te euangkerio. Ti na kanga n riki bwa te oota nakoia kaain ara utu ke raoraora ake aki onimakina ara koaua?

• Katiteuanakiia utu ibukin te maiu ae akea tokina. Ti na kanga ni kaota riki te tangira ao boutoka ibukiia ara utu ni karaoa te tamaroa ae kaokoro inanon mweengara?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringiia kaain te kiraati ao membwa n te kooram iaon babaire ao kakao ake a karaoaki n tain te bootaki.

te aikaon n reirei te reirei

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

Te Abotoro are Iaone e kauka ana Euangkerio man kabotauan Iesu Kristo nakon te ota are e “ota i buakon te ro” (Ioane 1:5). A rikirake kaain am kiraati ke kooram n tain te rotongitong n tamnei. Ma bon anne naba te tai ngke te Tia Kamaiu n “otana ae kamimi” e tauraoi ni buokiia ni kaitiaka aia taratara ao ni kunea kawaia (1 Betero 2:9).

Ngkai ko wareka Ioane 1 n te wiiki aei, iangoia raoi bwa bukin tera ngkai e rangi ni kakawaki te ota ao e kanga n riki te Tia Kamaiu bwa te ota inanon maium (taraa naba Ana Rairairi Iotebwa Timiti, Ioanei 1:1–34 [n te Baibara appentekiti]). E kanga otana ni kona ni kakabwaiaiia naake ko reireiniia? Ko na kanga ni kaungai nanoia bwa a na nakonako n otana? Ni buokiko n iangoi raoi titiraki aikai, ko kona ni kamatebwaia Reirei ao Berita aika Tabu 88:5–13, 67; 93:2–9 ao ana marooro Titita Sharon Eubank “Christ: The Light That Shines in Darkness” (Riaona, Meei 2019, 73–76).

Te Uaia n Reirei

N taainako ao e rangi n ibuobuoki waakinan te marooro n anganiia kaain am kiraati ke kooram aia tai ni maroroakin bwaai ake a reiakin man kamatebwaian kooboki aika tabu. N aron te katooto, n te wiiki aei ko kona n tuangiia bwa a na tibwaua te taeka ke kibuntaeka man Ioane 1:1–17 are e reireiniia te bwai teuana ae taekan te Tia Kamaiu. Anganiia bwa a na maroroakinna bukin tera ngke a rinea aia taeka ke kibuntaeka ao tera ae a reiakinaki iai n taekan Iesu Kristo. Tibwauaia mangaia bwa e kanga n riki Iesu Kristo bwa te ota inanon maium. Waaki ni kakukurei aika inano a kona ni buokiko n reitanako am marooro.

• Ni buokiia naake ko reireiniia ni kakaitau n otan Kristo, tao kaain te kiraati ke te kooram a kona n tibwauaia e na tera aron te namakin ngkana ko mena inanon te ro. Iai te karaki ae kona n ibuobuoki ni moan ana marooro Unimwaane Timothy J. Dyche “Te Ota e Reitaki ma te Ota” (Riaona, Meei 2021, 112–15). Bukin tera ngkai n tabetai aomata a maaka te roo? Bukin tera bwa ti kainnanoa te ota? Bukin tera e aranaki Iesu Kristo bwa Otan te Aonaaba? Ko kona n tuangiia kairake bwa a na kamatebwaia ana rongorongo Unimwaane Dyche ae moanaki ma “N na taekinna bwa tao aio te tai n titirakiniko i bon iroum.” A kona ni kakaea tera te bwai ae ti kona ni karaoia n uota otan te Tia Kamaiu ni bwanin riki inanon maiura.

• Koroboki aika tabu ake a karinanaki iaan “Reitan Bwaai n Mwakuri” a kona ni buoka am kiraati ke te kooram bwa a na mataata raoi n te ota are e anga Iesu Kristo. Ko kona ni wareki ao ni maroroakin tabeua moan tiete ni koroboki aika tabu ma kaain te kiraati. Ngkanne korea Ti na kanga n uota otan te Tia Kamaiu nakon maiura? iaon te burakibooti, ao kaoiia kairake ni korei ni karinani aia reke ake a kunei n te kauoua n tiete ni koroboki aika tabu. Ko kona ni katoatoaia kairake ni kakauoman ao tuangiia bwa a na tibwatibwa imarenaia bwa e kanga Iesu Kristo n riki bwa te ota inanon maiuia.

• E taku Titita Sharon Eubank, “Teuana mai ibuakon kainanora ae kakawaki bwa ti aonga n rikirake bon te teimatoa n reitaki ma are bon te oota raoi—Iesu Kristo” (“Christ: The Light That Shines in Darkness,” 73). Ko kona ni kamataata aei ma te reirei ae airi ma ana bwai ni kakairi—tao man kaotan te tooti ke te tareboon ao kabwarabwara bwa bukin tera ngkai e rangi ni kakawaki te korakoran are nako mai iai. A kona kaain te kiraati ke te kooram n rinanon ana marooro Titita Eubank, ni kakaei kawai are e kataia iai Tatan n “tiringi korakora[ra] .” Ti na kanga ni kateimatoa ara reitaki ae matoatoa ma Iesu Kristo? Tera taeka n reirei aika ti kunei n ana rongorongo Titita Eubank?

• Anene n Taromauri n aron “The Lord Is My Light” ao “Lead, Kindly Light” (Anene n Taromauri, nambwa. 89, 97) e kaota koauana bwa Iesu Kristo bon otara. Iangoia n uaia n anenei aikai (ke tabeua ake ko atai) ao kanikinaei taeka ke kibuntaeka ake a reiakiniira bwa e kanga n riki Iesu Kristo bwa otara. A kanga tabeman n uota otan te Tia Kamaiu nakon maiura? Ko na kanga n tibwaua otana ma tabeman?

Te Bwaintangira n te Ota, iroun Eva Timothy

Te Bwaintangira n t Ota, iroun Eva Timothy

Mwakuri ma te Onimaki

Kaungaia kaain te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia bwa a na iangoia bwa e kanga mwakurian aia namakinan ni kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Taian Areru 27:1; Itaia 60:19–20; Ioane 8:12; 3 Nibwaai 18:16, 24 (Bon te ota te Tia Kamaiu)

• Taekan Rabakau 4:18–19; 1 Ioane 2:8–11; Reirei ao Berita aika Tabu 50:23–24; 93:26–28; 138:20–24 (Ti na kanga n uota otan te Tia Kamaiu nakon maiura)

• Patterns of Light: The Light of Christ” (witeo), ChurchofJesusChrist.org

Reirei n ana Kawai te Tia Kamaiu

Ngkana ko kaatua am taratara nakon baike a riki n maiuia kain am kiraati ke maiuia kain te kooram, kona kunei taai n anga reirei aika tamaroa. Aia taeka nake a reiakinaki ke aia titiraki ake a titiraki iai a kona naba n riki bwa taai n anga reirei.