ward council meeting

Marso 26

Kasano a Makapagtitinnulong dagiti Agtutubo a Lallaki ken Agtutubo a Babbai a Mangbangon iti Pagarian ti Dios?

Mateo 13; Lucas 8; 13

icon ti panagiinnuman

Agiinnuman

Idauluan ti maysa a miembro ti panguluen ti klase wenno korum; agarup 10–20 a minuto

Iti rugi ti miting, aggigiddan a mangulit iti Tema ti Young Women wenno ti Tema ti Korum ti Aaronic Priesthood. Kalpasanna idauluan ti panaglilinnawag maipapan iti aramid ti pannakaisalakan ken pannakaitan-ok nga us-usaren ti maysa wenno ad-adu pay a saludsod iti baba wenno saludsod a bukodmo (kitaen iti Sapasap a Handbook; 10.2, 11.2).ChurchofJesusChrist.org Mangplano kadagiti wagas nga agtignay iti no ania ti paglilinnawaganyo.

• Agbiag iti ebanghelio. Kasano nga agsapsapultayo iti rag-o iti panangsurot ken ni Jesucristo?

• Aywanan dagiti agkasapulan. Asino iti ward wenno komunidadtayo ti agkasapulan iti tulongtayo? Kasano a makatulongtayo kadakuada?

• Awisen ti amin nga umawat iti ebanghelio. Kasano a matulongantayo ti tunggal maysa nga agsagana para iti serbisio ti misionario?

• Pagkaykaysaen dagiti pamilia para iti kinaagnanayon. Kasano a makatulongtayo kadagiti panagkagumaan ti wardtayo nga agtrabaho iti aramid iti family history ken templo?

Iti ungto ti adalen, no maitutop, aramidem dagiti sumaganad:

• Paneknekam dagiti pagbatayan a naisuro.

• Palagipam dagiti miembro ti klase wenno korum maipapan kadagiti plano ken awis a naaramid bayat ti miting.

icon iti isuro ti doktrina

Isuro ti Doktrina

Idauluan ti nataengan a lider wenno agtutubo; agarup 25–35 a minuto

Isaganam ti Bagim a Naespirituan

Addaan iti agsasaruno a pangngarig a masarakan iti Mateo 13, nangisuro ti Mangisalakan iti napapateg a kinapudno maipapan iti pagarian ti Dios ken ti nakaskasdaaw a panagdur-asna iti aldawtayo. Iti dua kadagitoy a pangngarig, maysa a bassit ken simple a banag iti nagresulta iti maysa a banag a dakkel. Ket daytoy dagiti aramid ti maysa nga anak a lalaki wenno anak a babai ti Dios a nangtulong a mapasamak ti milagro. Dimmakkel ti maysa a bassit a bukel ti mustasa iti maysa a dakkel a kayo nga umdas para kadagiti tumatayab tapno “umaponda kadagiti sangsanga” idi “innala ti maysa a tao, ket immulana [daytoy] iti bangkagna” (Mateo 13:31–32). Ken ti sangkabassit a lebadura ti nangigapu iti dakkel a masa nga umalsa idi “innala ti maysa a babai, ket inlaokna [daytoy] iti tallo a salup ti harina” (Mateo 13:33). Dumur-as ken agsaknap ti pagarian ti Dios iti aldawtayo gapu ta dagiti Santona—agraman dagiti agtutubo a babbai ken agtutubo a lallaki—agtitinnulongda Kenkuana a mangbangon iti daytoy.

Kas nayon iti panangbasa iti Mateo 13 ken Lucas 8; 13 itoy a lawas, ibilang ti panangbasa iti mensahe ni President M. Russell Ballard a “Men and Women in the Work of the Lord” (New Era, Abr. 2014, 2–5) ken ti mensahe ni President Jean B. Bingham nga “United in Accomplishing God’s Work” (Liahona, Mayo 2020, 60–63).

Aggigiddan a Masursuruan

Tapno matulongan dagiti agtutubo a mangiladawan iti panunotda kadagiti pangngarig iti Mateo 13, ibilang ti panangi-display kadagiti ladawan ti maysa a bukel ti mustasa, lebadura (kas iti yeast), maysa a perlas, ken maysa a tabukol [fishing net]. Mabalin nga irebyu dagiti agtutubo ti Mateo 13:31–33, 45–48 ken ibinglayda no ania ti isuro ti tunggal maysa kadagitoy a pangngarig maipapan iti pagarian ti langit. Kasano a mayaplikartayo dagiti mensahe dagitoy a pangngarig iti bukodtayo a biag? Ania dagiti ar-aramidentayo a mangtulong iti Apo a mangbangon iti pagarianna? Dagitoy ti sumagmamano nga aktibidad a makatulong iti panaglilinnawag.

• Sakbay ti miting, awisem dagiti miembro ti klase wenno korum a mangammo maipapan kadagiti babbai ken lallaki nga agdama wenno sigud a pagulidanan iti panangtulong a mangbangon iti pagarian ti Dios. Mabalin nga aggapu dagitoy a tao kadagiti nasantuan a kasuratan (kitaen iti “Dagiti Pangsuporta a Resources”), manipud iti pakasaritaan ti Simbaan, wenno manipud iti bukodda a biag. Mangawis iti tunggal grupo a mangibinglay no ania ti nasursuroda. Iti ania a wagas a nakatulong dagitoy a tao iti Apo a mangbangon iti pagarianna? Kasano a masurottayo dagiti pagwadanda?

• No mangisursuroka kadagiti agtutubo a lallaki, awisem ida a mangrebyu iti mensahe ni President Bonnie L. Oscarson a “Young Women in the Work” (Liahona, Mayo 2018, 36–38) ken sukisokem ken ibinglaymo dagiti wagas a pakatulongan dagiti agtutubo a babbai iti aramid ti Dios iti pannakaisalakan ken pannakaitan-ok. Mabalin met nga agaramid dagiti agtutubo a babbai iti kasta met a panangsukisok iti mensahe ni Brother Douglas D. Holmes nga “What Every Aaronic Priesthood Holder Needs to Understand” (Liahona, Mayo 2018, 50–53). Kasano nga agpada dagiti pagrebbengan dagiti agtutubo a babbai ken agtutubo a lallaki? Kasano a nasaysayaat a makapagtitinnulongtayo bayat ti panangaramidtayo iti aramid ti Dios?

• Tapno matulongan a maawatan dagiti agtutubo no kasano nga agtitinnulong dagiti babbai ken lallaki a mangbangon iti pagarian ti Dios, mabalinmo nga isurat dagiti saludsod iti pisarra kas kadagitoy: Apay a kasapulan ti Dios dagiti babbai ken lallaki nga agtitinnulong a mangbangon iti pagarianna? Kasano a nasaysayaat a makapagtitinnulong dagiti panguluen ti klase ken korum? Mabalin nga irebyu dagiti agtutubo dagiti paset ti mensahe ni President M. Russell Ballard a “Men and Women in the Work of the Lord” wenno ti mensahe ni President Jean B. Bingham nga “United in Accomplishing God’s Work,” nangruna iti paset a mangrugi iti “So what does that mean for you and me?” Mabalin nga ibinglay dagiti agtutubo dagiti sungbat a masarakanda kadagiti saludsod.

• Tapno matulongan a maawatan dagiti agtutubo no kasano a makatulongda a mangbangon iti pagarian ti Dios, ibilang ti panangipakita iti maysa wenno ad-adu pay kadagiti video a “We Are Strong Together,” “A Promise for the Lord’s Battalion,” ken “Youth Responsibility in the Work of Salvation” (ChurchofJesusChrist.org). Ania ti ar-aramidentayo iti pagtaengantayo, wardtayo, ken komunidadtayo a mangtulong iti aramid ti Dios? Ibilang ti panagsaludsod iti presidente ti klase wenno korum tapno mangted kadagiti isyu a nailawlawag kadagiti miting iti ward youth council a maitutop nga ibinglay. Awisem dagiti miembro ti klase wenno korum a mangibinglay kadagiti nalawag a pannakaammo ken pannakaawat maipapan no kasano a makatulongda kadagiti isyu.

agtutubo a babai nga agkalkali

Kasapulan ti Dios dagiti agtutubo a lallaki ken agtutubo a babbai ti agtitinnulong iti panangbangon iti pagarianna.

Agtignay iti Pammati

Allukoyem dagiti miembro ti klase wenno korum a mangutob ken mangisurat no anianto ti aramidenda nga agtignay kadagiti impresion nga inawatda ita nga aldaw. No kayatda, mabalinda nga ibinglay dagiti kapanunotanda. Awisem ida a mangpanunot maipapan no kasano a ti panagtignay kadagiti impresionda ti mangpapigsanto kadagiti relasionda iti Nailangitan nga Ama ken ni Jesucristo.

Dagiti Pangsuporta a Resources

• Lucas 2:21–38 (Simeon ken Ana); Dagiti Aramid 9:36–41 (Tabita, wenno Dorcas); Mosiah 18:1–17 (Alma); Mosiah 28:1–3 (lallaki nga annak ni Mosiah); Alma 8:18–27 (Amulek); Alma 19:15–17 (Abish); Doktrina ken Katulagan 25:5–8 (Emma Smith); Moises 5:10–12 (Adan ken Eva)

Panangisuro iti Wagas ti Mangisalakan

No mangtedka iti awis nga agtungpal iti maysa a prinsipio, tulongam dagiti agad-adal a mangtakuat kadagiti bendision nga inkari ti Dios kadagiti agtungpal iti dayta a prinsipio.