Te I-Tamaria ae Raoiroi,iroun Annie Henrie Nader

Eberi 23

N na Kanga ni Kaota te Tangira ae Korakora Nakoia Naake Irarikiu?

Mataio 18; Ruka 10

Te Uaia ni Marooro

E kairaki iroun te membwa n te kooram ke te beretitentii n te kiraati, e na kabaneaki iai 10–20 te miniti

Ni moan waakin te bootaki, ikotaki n atonga Ana Botoniango te Bootaki n Ataeinnaine ke ana Botoniango Te Nakoanibonga ae te Aaron. Ngkanne kaira te marooro iaon te mwakuri ni kamaiu ao ni karietataaki ni kabongana teuana ke e raka riki titiraki aika inano ke aika bon am kario (taraa Aeniboki ni Kabuta,, 10.2, 11.2). Bairei aron mwakuriian bwaai ake a tia n maroroakinaki.

• Maiuakina te euangkerio. A kanga koroboki aika tabu ni buokiira ni kaniira riki nakon Tamara are i Karawa ao Iesu Kristo?

• Tararuakiia naake iai kainnanoia. Iai temanna ae e tia ni mwaing nakon ara uoote ke ni kaaina te Ekaretia.? Ti na kangaa ni buokiia bwa a na namakina te butimwaeaki?

• Kaoia ni kabane bwa ana karekea te euangkerio. Tera waaki ni kakukurei aika iaon kawaia ake ti kona iai ni kaoia raoraora bwa a na iria?

• Katiteuanakiia utu ibukin te maiu ae akea tokina. Tera aar kekeiaki are ti na knona ni karaoi n taui mwiin rongorongora i bon iroura?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

Imwiin tian Iesu n reireina “te tia reirei te tua” kakawakin tua aika moan te korakora aika uoua—tangiran te Atua ao tangiraia raora—e titiraki te tia reirei te tua, “Antai Raou?” (taraa Ruka 10:25–29; Mataio 22:35–40). N ana kaeka, te Tia Kamaiu e tibwaua te taetae ni kaikonaki ibukin te Itamaria are e anga maiuna n tararua te Iutaia ni kamaoa ikoakina, e uota te mwaane nakon te tabo n iruwa, ao e kabwakamwane ibukin buokan kamarurungana. E aki kabanea nanona te Itamaria iaon te kaokoro imarenana ma te mwaane arei, are e atongaki bwa ana kairiribai irouia aomata, ke ni motikataekana ke ni kakaei aanga n aki kan ibuobuoki. E karaoa raoi kainnanon te mwaane arei, n aki tabe ma angabuaka aika onoti ma anganano, ma e kaota ana tangira ibukin te mwaane ao ibukin te Atua. Ngkai ko iangoi raoi ana reirei te Tia Kamaiu n Ruka 10:25–37, iangoia bwa tera nanon “tangiran … raom n ai aron tangiram i bon irou,” (te kibu 27).

Ko na kanga ni buokiia naake ko reireiniia bwa a na mataata bwa ngkana a beku ibukiia naake irarikiia, a kaota aia tangira nakon te Atua? Tera ae kaungai nanoia n tangira ao ni beku ibukiia tabeman.? Ngkai ko katauraoi, ko na kona n rinanoa ana marooro Beretitenti Russell M. Nelson “Te Kauoua n Tua ae Korakora” (Riaona, Nob. 2019, 96–100).

Te Uaia n Reirei

Ni moana te marooro ibukin kaotan tangira ae korakora naake a maeka irarikira, ko kona n tuangiia kaain te kiraati ke te kooram n tibwauai baike a reiakin ibukin tangiraia tabeman man te taetae ni kaikonaki ibukin tei Itamaria ae moan te raoiroi, e kuneaki n Ruka 10:25–37. Tera ae ti reiakinna n taekan te reitaki imarenan te moan ao te kauoua n tua ae moan te korakora man Ruka 10:27 ao ana taeka Beretitenti Dallin H. Oaks inanon “Reitan Bwaai n Mwakuri”? Iango akana imwiina a kona ni buokiko n reitanako te marooro ni kaotan te tangira ae moan te korakora nakoia naake a maeka irarikira.

• Iesu Kristo bon ara banna ni katooto ae moan te kakannato ni kaotan ana tangira ibukin te Atua ni karaoan te beku ibukiia tabeman, ao a na anaaki nanoia kaain te kiraati ke te kooram man kamatebwaian Ana banna ni katooto. Kaoa temanna ma temanna bwa a na katamneia maiun Iesu Kristo n te maiu n rabwata ao rinea Ana taneiai inanon maiuna are e katoa Ana tangira ibukiia aomata. Tuanga temanna ma temanna bwa a na tibwaua te taneiai are a rineia, uana naba bwa bukin tera ngkai e rangi ni uaana nakoia. Kaoiia naake ko reireiniia bwa a na iangoa teuana te kawai are a tangiria n iriira ana banna ni katooto te Tia Kamaiu n ana tangira. A kona naba n tibwauai aia iango ibukin temanna are a kinaa are e ira nanon te katooto aei.

• Tibwaua ao marooroakina ana taeka Beretitenti Russell M. Nelson ma kaain te kiraati ke te koorram are e kuneakin inanon “Reitan Bwaai n Mwakuri.” Ko kona ni kaoiia kaain te kiraati ke te kooram n rinanoa teuana ke e mwaiti riki marooro man te maungatabu are e taekinaki n te kamataata aei, n tangiriia tabeman. A kona ni katurui aia iango iaon aikai: banna ni katooto bwa ti na kanga ni beku man “Te Kauoua n Tua ae Korakora” iroun Beretitenti Nelson; mwakoro I, II, ao VI n ana marooro Beretitenti Oak“Loving Others and Living with Differences”; ao karakinaia rabiti ao te reirei nakoia kairake man “Hearts Knit Together” iroun Unimwaane Gary E. Stevenson. Kam kona naba ni kaai ni wareka Motiaea 2:17 ao Moronaai 7:45–48. E na rangi n ibuobuoki naba korean anga reirei iaon te burakibooti ake a maroroakinaki irouia kairake. Ngkanne a kona kaain te kiraati ke te kooram ni uaia ni maroroakin kawai aika onoti ake a na kona ni maiuakn raoi nakon aia reitaki ma kaain aia utu, ma raoraoia, ao ma aia komiuniti, e ngae ngke e kaangaanga aron tangiraia aomata.

• Mwiin aia kekeiaki kaain te kiraati ke te kooram ibukin te mwakuri n te kamaiuaki ao te karietataaki e na rangi n uaana riki ao ni kakukurei ngkana e aanaki n te tangira. Ni buokiia n nooria bwa e kanga waakin te mwakuri ni kamaiu ao te karietataaki (taraa Aeniboki ni Kabuta, 1.2) ni kaungaaki man te tangira, korei aua waaki iaon te burakibooti. Ngkanne tuangiia kairake bwa a na maroroakinna bwa e kanga reken te nano ae onrake n tangiraia aomata ni kona ni bita aron irakin te waaki teuana ma teuana. A na bae n iai aia taneiai aika a reke man oin maiuia ke man maiuia tabeman are a kona n tibwauaia.

E kauringiira Beretitenti Nelson, “Ngkana ti tangira te Atua ma nanora ni kabane, E bitii nanora nakon mweeraoia aomata.”

Mwakuri ma te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia bwa a na iangoia bwa e kanga mwakurian aia namakinan ni kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Dallin H. Oaks, “Loving Others and Living with Differences,” Riaona, Nob. 2014, 25–28

• Gary E. Stevenson, “A na Botaki Nanoia n te Nano ae tii Teuana,” Riaona, Meei 2021, 19–23

• “A Good Samaritan,” “The Greatest Commandment” (videos), ChurchofJesusChrist.org

• E reirei Beretitenti Dallin H. Oaks: “Ma ara nanomatoa ni kawakina [te] kauoua n tua aio e na aki karikiira bwa ti na mwaningaare te moan, n tangira te Atua ma nanora, tamneira, ao wanawanara. … Ti riai ni kataia ni kawakin tuua aika a korakora aikai. Ni karaoan aei, ti nakonako n te kawai ae e irariki imarenan te tua ao te tangira—kawakin tuua ao n nakonako ni kawain te berita, ngkai ti tangiriia raoraora iaon kawaira. Te nakonako iaon kawain te berita aei e kainnanoa ae ti na ukora te kairiiri mai karawa bwa tera ae ti na buotokaia ao ae ti na kaitaraa ao ti na kanga n tangira ao n ongora ni karinerine ao n reirei ni karaoan anne. N nakonakora ti tangiroroia bwa tina aki boraraoi iaon tuua ma ti na waaki nako ni kaota te atatai ae bwanin ao te tangira” (“Tuua aika Uoua aika Moan te Korakora,” Riaona, Nob. 2019, 73–75).

• E reirei Beretitenti Russell M. Nelson: “Aomata aika Itiaki … a ukeuke ni koaua ni maiuakina te moan ao te kauoua n tua aika moan te korakora. Ngkana ti tangira te Atua ma nanora ni koaua, E buokiira bwa ti na taben nanoia aomata n te waaki ae tamaroa man itiaki. … N anga te ibuobuoki nakoia tabeman—ni karaoan mwakuri man te nano ae koaua n tararuaia tabeman n ae bati ke n ae raka riki nakon tabeakinan arora—bon kukureira. Riki, N na reitia ni kangai, ngkana e angabuaka ao ngkana e kamwawaira man te tabo are ti na mwengaraoi iai. Maiuakinan te kauoua n tua ae moan te korakora anne bon te kiing n riki bwa ana reirei ni koaua Iesu Kristo (“Te Kauoua n Tua ae Korakora,” Riaona, Nob. 2019, 97, 100).

Reirei n ana Kawai te Tia Kamaiu

Am taneiai ae onoti ni maiuakinan te euangkerio e na anganiko te kona nii kaota mwaakan kakoaua n reirei ake ko anga reirei iaona. Ibukina bwa ko maiuakin, e kona te Tamnei ae Raoiroi ni kakoaua bwa bwaai ake ko anga reirei iaon a bon koaua.