Eberi 9

N na kanga n Kakorakora au Kakoaua iaon Mangautin Iesu Kristo?

Itita

Te Uaia ni Marooro

E kairaki iroun te membwa n te kiraati ke te beretitentii n te kooram, e na kabanea 10–20 te miniti

Ni moan waakin te bootaki, ikotaki n taekina Aia Botoniango Ataeinnaine ke Aia Botoniango Kaain te Kooram n te Nakoanibonga ae te Aaron. Ngkane, irarikin are kam na marooroakinii iaon kainnanon te kiraaki ke te kooram aika onoti, ko na tangiria n marooroakin bwaai ake ko namakin ao botoniango man te maungatabu ni kabuta. Titiraki aika imwina a kona n ibuobuoki.

• Tera botoniango ke rongorongo aika a kakaawaki nakoira? Tera ae kakorakora ara onimaki iroun Iesu Kristo?

• Tera ae kakorakora ara koaua irouia burabeti aika maiu? Tera ae ti namakinna bwa ti na riai ni karaoia ibukin te bwai ae ti reiakinna ke n namakinna?

• Tera ae ti kainnanoia ni karaoia n te kiraati ke n te kooram n uring ao ni karaoi nanon reirei ake ti ongo n te maungatabu ni kabuta?

N tokin te reirei, ngkana e riai, karaoi waaki aikai:

• Kaoti koauan reirei ake a reiakinaki.

• Kauringiia kaain te kiraati ke membwan te kooram iaon babaire ao kakao ake a karaoaki n tain te bootaki.

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

Abotoro n rimoa ao n taai aikai a kakoauaa ae e maiu Iesu Kristo! E maraki ao n mate iaon te kaibangaki, E taunaki n te ruanimate, ao n te kateniua n bong ao E manga uti riki. Ibukina bwa E tokanikai iaon te mate, ti na bane ni bane ni mangauti naba. Mangautin te Tia Kamaiu e uota nakoira te berita ibukin te aki mamate ao te kantaninga ibukin te maiu ae akea tokina. Te berita anne bon oin raoi nanon te Itita.

Ngkai ngaira membwa n Ana Ekaretia Iesu Kristo ibukiia Aika Itiaki ni Boong aika Kaitira, iai te koaua ae onoti iroura n kakoauaan mangautin Iesu Kristo. N raonaki ma kakoaua mai irouia aomata n ana tai te Nu Tetemanti, iai iroura naba aia kakoaua aomata ake a maiu n ana tai Ana Boki Moomon, te Burabeti Iotebwa Timiti, ao ara burabeti ma abotoro aika maiu n taai aikai. Ti kona naba ni karekea naba te kakoaua i bon iroura iaon te Mangauti rinanon te Tamnei ae Raoiroi. Ko na kanga ni buokiia kairake ni kakorakora aia kakoaua bwa Iesu Kristo e bon mangauti? Ngkana ko katauraoi n angareieri, iangoia naba n kamatebwaia ana marooro Titita Reyna I. Aburto “The Grave Has No Victory” (Riaona, Meei 2021, 85-86) ao ana marooro Unimwaane S. Mark Palmer “Our Sorrow Shall Be Turned into Joy” (Riaona, Meei 2021, 88-89).

Te Uaia n Reirei

Ko kona n waakina te marooro iaon Mangautin Iesu Kristo man kaoaia kairake bwa a na tibwauai bwaai ake a karaoi n rungaa te Itita inanon te wiiki aio. Ko kona n titirakiniia bwa tera ae a kamatebwaia ke karaoia i bon irouia ke ma aia utu n kakorakora aia kakoaua iaon Mangautin te Tia Kamaiu. Inano ao iai waaki n kakukurei ae kona n buokiia kain te kiraati ke te kooram n kakorakoa aia kakoaua.

• Ikotaki n marooroakin bwa e aera e kakawaki bwa e na iai taan tia kaotioti n katooa bongin maiura. Ngkane karinanii taan kakoaua Mangautin Iesu ake a kona n iangoia kain te kiraati ke te kooram. Aomata n tatabemaniia nako a kon n rinea te kibu man koroboki aika a tabu man are e karinanaki n “Reitan Bwaai ni Mwakuri” n reiakina taekaia taan tia kaotioti aikane. Kaoiia kaain te kiraati bwa a na tibwaua te bwai are a reiakinna. Kaungaia bwa ana tibauaa bwa a kangaa tia kakoaua aikai n kakorakorai aia koaua iaon Mangautin Iesu Kristo.

• Tera tabeua aroaroa are ti na kona n tibauaa iai ara kakoaua iaon Mangautin te Tia Kamaiu? Ngkana iai temanna n te kiraati ke te kooram ae e a tia n rinanon marooroakinan Mangautin te Tia Kamaiu ma temana, iangoia ni kaoiia bwa a na tibauaa te bwai are a rinanona anne. Kaungaia kaain te kiraati ke te kooram bwa ana iangoa aroia n buoka temana n kaota n Mangautin Iesu Kristo ao n karekea ana kakoaua ae Rinanona ao ti na kona n bane n mangauti. Tera koaua aika kakawaki ibukin te Mangauti irouia aomata ni bane ae kakawaki bwa ti na reiakiniia aomata? Kain te kiraati ke membwa n te kooram a kona ni karekei kaeka inanon koroboki aika tabu n “Reitan Bwaai ni Mwakuri.”

• Ngke taian Abotoro a tuanga Tooma ae a tia n noora te Tia Kamaiu ae tia n mangauti, e taku Tooa bwa e aki kona n kakoauaa ma ti ngkana e bon nooria n matana. Imwiin anne ao Iesu e taku nakon Tooma: “A kabaia akana a onimaki ngkana a tuai noorai, ao a kakoaua” Rinanon ana taneiai Tooma are kunea n Ioane 20:24-29. Ti kanga n tia ni kakabwaiakaki bwa ti kakoauaa te Tia Kamaiu ngkai ti tuai Noria? Ti na kanga ni kakorakora ara koaua ibukin Iesu Kristo? Kaoia kaain te kiraaki ke te kooram bwa ana kakaea teuana ke raka riki rongorongo mairouia taan kairiiri n te Ekaretia n “Reitan Bwaai ni Mwakuri” ao n tibwauaia bwa tera bukina kai a karabwarabwa ibukin Mangautin te Tia Kamaiu. E kanga ara ataibwai iaon mangautira n roota arora n iangoa rabwatara ao babaire ake ti kakaraoi?

Bwa E na Ataia,, iroun Gary L. Kapp

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia n iangoa taekana bwa e kanga mwakurian aia namakin are e na kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Mataio 28:1–10; Ruka 24:13–35; Ruka 24:36–48; Ioane 20:11–29; 1 I-Korinto 15:3–8; 3 Nibwaai 11:1–15; Ita 12:38–39; Reirei ao Berita aika Tabu 76:19–24 (Taan Kakoaua te Mangauti)

• 2 Nibwaai 9:10–15; Motiaea 16:8–11; Aramwa 11:42–45; Aramwa 40:23–25; Reirei ao Berita aika Tabu 93:33–34 (Koroboki aika a tabu ake a riakina Mangautiia aomata ni bane)

• D. Todd Christofferson, “Mangautin Iesu Kristo,” Riaona, Meei 2014, 111–14

• Gerrit W. Gong, “Hosanna and Hallelujah—The Living Jesus Christ: The Heart of Restoration and Easter,” Riaona, Meei 2020, 52–55

• Reyna I. Aburto, “The Grave Has No Victory,” Riaona, Meei 2021, 85–86

• S. Mark Palmer, “Our Sorrow Shall Be Turned into Joy,” Riaona, Meei 2021, 88–89

• Witeo ibukin te Itita a kona n reke n ChurchofJesusChrist.org/study/video/easter-videos.

Reirei n ana Kawai te Tia Kamaiu

Te aomata ae rabakau n katamnei nanon koroboki aika a tabu ao n tatanrikaaki nakoia ibukin karekean kairakina ae mairoun te Atua e kona n tokanikai iaon kakaewenako. Ngkai ko angareirei, katei titiraki aika ana kairoroia taan reiakinaki bwa ana kakaea rekena n taian koroboki aika a tabu.