Maati 26

A na Kanga Ataeinaine ao Ataeinimwane ni Uaia ni Mwakuri ni Buoka Katean Uean te Atua?

Mataio 13; Ruka 8; 13

Te Uaia ni Marooro

E kairaki iroun te membwa n te kiraati ke te beretitentii n te kooram, e na kabanea 10–20 te miniti

Ni moan waakin te bootaki, ikotaki n taekina Aia Botoniango Ataeinnaine ke Aia Botoniango Kaain te Kooram n te Nakoanibonga ae te Aaron. Ngkanne kaira te marooro iaon te mwakuri ni kamaiu ao ni karietataaki ni kabongana teuana ke e raka riki titiraki aika inano ke aika bon am kario (taraa Aeniboki ni Kabuta,. 10.2, 11.2). Bairei aron mwakuriian bwaai ake a tia n maroroakinaki.

• Maiuakina te euangkerio. N na kanga ni kunea te kimwareirei n iriiran Iesu Kristo?

• Tararuakiia naake iai kainnanoia. Antai n ara uoote ke n te komiuniti aika a kainnanoa ara ibuobuoki? Ti na kanga ni buokiia?

• Kaoia ni kabane bwa ana karekea te euangkerio. Ti na kanga ni buokiia tabeman ni katauraoi ibukin te mwakuri ni mitinare?

• Katiteuanakiia utu in akea tokina. Ti na kanga n tibwatibwa nakon aia kekeiaki kaain ara uoote ni karaoa rongoronngon te utu ao mwakuri n te tembora?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

Ma taian rinan n taetae ni kaikonaki ake a kuneaki n Mataio 13, e anga reirei te Tia Kamaiu n koaua aika a kakawaki n taekan uean te Atua ao kakateken rikirakena inanon ara bong. Inanon taetae ni kaikonaki aika uoua aikai, te bwai teuana ae uarereke man bebete e otinako bwa te bwai ae kakannato. Ao bon aia mwakuri naati mwane ao aine aika natin te Atua ae a buoka rikin te kakai. Uaan te mwakeke ae uangingi e ikawai nakon te aroka ae tau abwakina ibukiia manin annang “n tiki iaoni mwangana” ngkana “e anaia te aomata temanna, ao n[unikia] n abana” (Mataio 13:31–32). Ao bwain karikan te burawa ae ti teutana e karika te mwaiti ni burawa ae e riki ngke “e anaia te aine n rengan[na] i buakon te burawa ae teniua te butere” (Mataio 13:33). Uean te Atua n ara tai e rikirake ao ni butinako ibukina bwa Ana Aomata aika Itiaki.—n ikotaki ma ataeinnaine ao ataeinimwaane—a uaia ni mwakuri mangaia ni kateia.

N reitaki ma te wareware Mataio 13 ao Ruka 8; 13 n te wiiki aei, iangoia wareka ana rongorongo Beretitenti M. Russell Ballard “Men and Women in the Work of the Lord” (New Era, Eberi. 2014, 2–5) ao ana rongorongo Beretitenti Jean B. Bingham “Katiteuanaaki ni Kakoroan Nanon Ana Mwakuri te Atua” (Riaona, Meei 2020, 60–63).

Te Uaia n Reirei

Ni buokiia kairake ake ko reireiniia bwa a na katamnei kaikonaki n Mataio 13, iangoia kaota tamnein uaan te mwakeke, te kariki ae karikaki ( n aron te iiti) te bwaeao, ao te karaun. A kona kairake n rinanoa Mataio 13:31–33, 45–48 ao n tibwauaia tera ae reiakinaki n taetae ni kaikonaki aikai n tatabeua ibukin uean karawa. Ti na kanga ni kamwakuri rongorongo man taetae ni kaikonaki aikai inanon maiura? Tera ae ti karaoia ni buoka te Uea ni katea Ueana? Aikai tabeua waaki ni kakukurei are a na kona n ibuobuoki inanon te marooro.

• Imwaain te boowi, kaoia kaain te kiraati ke te kooram n reiakina taekaia aine ao mwaane ake ke banna ni katooto ni buoka katean uean te Atua. A konaa n roko aomata aikai man koroboki aika tabu, (taraa “Reitan Bwaai n Reirei”), man rongorongon te Ekaretia, ke man oin maiuia. Kaoiia kairake bwa a na tibwauai bwaai aika a reiakin. N aeka ni kawai raa ake a tia ni ibuobuoki iai aomata aikai nakon te Uea ni katea Ueana? Ti na kangaa n irii aia katooto?

• Ngkana ko reireiniia ataeinimwaane, kaoia bwa a rinanoa ana marooro Beretitenti Bonnie L. Oscarson “Ataeinnaine n te Mwakuri” (Liahona, Meei 2018, 36–38) ao ukeri ao tibwauai kawai are a anganano iai ataeinnaine nakon ana mwakkuri te Auta ibukin te kamaiuaki ao te karietataaki. Ngkana ko reireiniia naake iai irouia te Nakoanibonga ae te Aaron, a kona ni kabwaia man rinanoan ana rongorongo te Tari Douglas D. Holmes “Tera ae a Riai n Oota Iai Kaain te Nakoanibonga n Tatabemniia” (Riaona, Meei 2018, 50–53). A kanga tabeia aine ma mwaane n tii tearona? Ti na kanga ni katamaroa ara uaia ni mwakuri ngkai ti karaoa ana mwakuri te Atua?

• Ni buokiia kairake bwa a na oota bwa bukin tera ngkai aine ao mwaane a uaia ni mwakuri ni katea uean te Atua, ko kona ni koroi titiraki iaon te burakibooti n aron aika: Bukin tera ngkai te Atua e kainnanoia aine ao mwaane bwa a na uaia ni mwakuri ni buoka katean Ueana? A na kanga beretitentii n te kooram ke te kiraati ni kona ni uaia ni mwakuri n ae nakoraoi? A kona kairake ni rinanoa mwakoron ana marooro Beretitenti M. Russell Ballard “Men and Women in the Work of the Lord” ke ana marooro Beretitenti Jean B. Bingham “Katiteuanaaki ni Kakoroan Nanon Ana Mwakuri te Atua,” ai moarara riki n te mwakoro are e moanaki n “Ngaia tera ae nanonaki n anne ibukim ao ibukiu?” A kona te roronrikirake n tibwai aia reke ake a kunei nakon te titiraki.

• Ni buokiia kairake n ota bwa a na kanga ni buoka katean uean te Atua, iangoia ni kaota teuana te witeo ke ae mwaiti riki “We Are Strong Together,” “A Promise for the Lord’s Battalion,” and “Youth Responsibility in the Work of Salvation” (ChurchofJesusChrist.org). Tera ae ti karaoia inanon mweengara, n ara uoote, ao n ara komiunti ni buoka ana mwakuri te Atua? Iangoia titirakina te beretitenti n te kiraati ke n te kooram bwa a na katauraoi iango ake a maroroakinaki n te boowi ni kauntira ibukiia kairake n te uoote ake a riai n tibwauaaki. Kaoiia kaain te kiraati bwa a na tibwauai atatai n aron ae a kanga n ibuobuoki ma iango aikai.

Te Atua e kainnanoia aine ao mwaaene bwa a na uaia ni mwakuri ni katea Ueana.

Mwakuri ma te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia bwa a na iangoia bwa e kanga mwakurian aia namakinan ni kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Ruka 2:21–38 (Timeon ao Ana); Mwakuri 9:36–41 (Tabita, ke Toreka); Motiaea 18:1–17 (Aramwa); Motiaea 28:1–3 (natin Motiaea mwaane); Aramwa 8:18–27 (Amureki); Aramwa 19:15–17 (Abiti); Reirei ao Berita aika Tabu 25:5–8 (Emma Smith); Mote 5:10–12 (Atam ao Ewa)

Reirei n ana Kawai te Tia Kamaiu

Ngkana ko anga te kakao ni maiuakina te reirei teuana, buokiia taan kamatebwai ni kunei kakabwaia ake e a tia ni berita te Atua nakoia ake a maiuakina te reirei anne.