Na Veisorovaki ni iVakabula: Yavu ni Vakabauta Vakarisito Dina, mai vei Kirk Richards

The Savior’s Atonement: Foundation of True Christianity [Na Veisorovaki ni iVakabula: Yavu ni Vakabauta Vakarisito Dina], mai vei Kirk Richards

25 ni Jiune

Na Cava na iBalebale ni Veisorovaki ni iVakabula vei Au?

Maciu 27; Marika 15; Luke 23; Joni 19

ivakatakilakila ni veivakasalataki vata

Veivakasalataki Vata

Me liutaka e dua na lewe ni mataveiliutaki ni kuoramu se kalasi; me rauta ni 10–20 na miniti

Ena itekivu ni soqoni, cavuta vata na Itoko ni Goneyalewa se na Itoko ni Kuoramu ni Matabete i Eroni. Qai liutaka e dua na veivosaki me baleta na cakacaka ni veivakabulai kei na bula vakacerecerei ena nomu vakayagataka e dua se sivia na taro e ra se nomu taro vakai iko (raica na iVoladusidusi Raraba, 10.2, 11.2). Tuvana na sala mo cakava na veika sa veivosakitaki.

• Bulataka na kosipeli. Eda toro voleka vakacava vua na iVakabula? Eda saga tiko vakacava meda vakataki Koya vakalevu cake?

• Nodra vukei o ira era gadreva tu na veivuke. O cei e sa tiko e na noda vakanananu e na dua na gauna lekaleka oqo? Eda na vukei ira vakacava na vei tamata yadua oqo?

• Sureta na tamata kecega me ra ciqoma na kosipeli. Eda na sauma vakacava na nodra taro na noda itokani me baleta na Lotu ena sala e vaqaqacotaka na nodra vakabauta na iVakabula?

• Vakaduavatataki ni matavuvale me tawamudu. Na cava eso na sala e rawa nida sema vakavinaka cake kina vei ira na isema ni lewe ni matavuvale, me vakataki ira na tubuda kei na tavaleda?

Ena itinitini ni lesoni, ke veiganiti, cakava na veika oqo:

• Vakadinadinataka na ivakavuvuli eso e sa vakatavulici.

• Vakananumi ira na lewe ni kuoramu se kalasi me baleta na ituvatuva kei na veisureti e a caka ena gauna ni soqoni.

ivakatakilakila ni vakavulici ni ivunau

Vakavulica na iVunau

Liutaki mai vua e dua na iliuliu itabaqase se itabagone; rauta ni 25-35 na miniti

Vakarautaki Iko Vakayalo

E dikeva o Elder David A. Bednar ni so na Yalododonu Edaidai “era vakabauta na iVakabula, ia era sega ni vakabauta ni sa vakarautaki tu vei ira na Nona veivakalougatataki yalataki” (“Kevaka Dou sa Kilai Au,” Liaona, Nove. 2016, 104). Ena dua tale na kena itukutukuni, e dina nida vakabauti Jisu Karisito ni a vakararawataki ka mate ena vuku ni ivalavala ca kei vuravura, eda na vakataroga beka kevaka a vakararawataki ka mate vakatabakidua ena noda ivalavala ca. O vakila tale ga? Ena yaga vakacava vei ira na lewe ni nomu kalasi se kuoramu mera kila vakavinaka ni veisorovaki ni iVakabula sa baleti ira vakayadua? E rawa vakacava mo vukei ira?

Vakasamataka vakatitobu na veitaro oqo nio wilika me baleta na Nona Lauvako na iVakabula ena macawa oqo. Nio vakavakarau mo vakavulica na kena yaga kina tamata yadua na Veisorovaki i Karisito, o na rairai vulica na itukutuku nei Peresitedi Dallin H. Oaks “Na Cava sa Cakava na Noda iVakabula ena Vukuda?” (Liaona, Me 2021, 75–77).

Vulica Vata

Sureta na lewe ni kalasi se kuoramu mera wasea e dua na ka era sa vulica me baleta na nona Vakamatei ena Kauveilatai na iVakabula ena macawa sa oti ena Veiyalayalati Vou kei na nodra nanuma me baleta na iVakabula. Me vukea na nodra uqeti, e rawa ni o taroga e dua na taro vakaoqo “Na cava eda vulica me baleti Jisu Karisito mai na veika a tukuna ka cakava ena iotioti ni Nona auwa?” Me ivakaraitaki, e rawa nio vakadikeva na veigauna eso ni vakararawataki tu ena vukuda kece na iVakabula, se raici ira tiko ga era tu wavoliti Koya ena yalololoma (raica, me ivakaraitaki, na Luke 23:34, 39–43; Joni 19:25–27). Oqo e rawa ni veimuataki kina dua na veivosaki me baleta na sala e raraba ka ni tamata yadua kina na Veisorovaki i Jisu Karisito. Na vei itaviqaravi ka koto tarava ena rawa ni vukea na tosoi ni veivosaki ni Veisorovaki ni iVakabula.

• Ena imatai ni parakaravu ni nona itukutuku “Na Cava e Sa Cakava na Noda iVakabula ena Vukuda?,” a vakamacalataka o Peresitedi Dallin H. Oaks e dua na veitalanoa kei na dua na marama a sega ni vakadeitaka nio Jisu Karisito e sa cakava e dua na ka vua. Sa rawa kina lewe ni kalasi se kuoramu mera wilika na parakaravu o ya, ka biuti ira ena itutu nei Peresitedi Oaks. Na cava beka eda na kaya vua na marama oqo? Sa rawa mo solia kina lewe ni kalasi se kuoramu yadua e dua na iwase nabataki ni itukutuku nei Peresitedi Oaks. Nira vakayagataka na veika era sa vulica, vata kei na veika era sa dui sotava, sa rawa mera qai wasea na isau ni nodra taro ki “Na cava sa cakava vei au o Jisu Karisito?”

• Me vakauqeta e dua na veivosaki me baleta na sala e tarai keda yadua kina na Veisorovaki ni iVakabula, sa rawa mo vola ena vava ni volavola e dua na malanivosa vakaoqo Baleta ni a vakararawataki o Jisu Karisito ka mate ena vukudra na tamata kecega … . Sa rawa ni vakatura na lewe ni kalasi se kuoramu na sala me vakacavari kina na iyatuvosa. Sa rawa mo qai veisautaka na malanivosa me wiliki vakaoqo Baleta ni a vakararawataki o Jisu Karisito ka mate ena vukuqu … ka sureta eso tale na ikuri ni vakatutu. Nira veivosakitaka na lewe ni kalasi se kuoramu na veimalanivosa oqo, vakayaloqaqataki ira mera wilika na ivolanikalou ena “iVurevure Veitokoni.” Na cava e vakavulica vei keda na ivolanikalou oqo me baleta na veivakayarayarataki ni Veisorovaki ni iVakabula kina noda bula yadua?

• E dua tale na sala me vulici kina na ivolanikalou ena “iVurevure Veitokoni” sai koya me ra sureti na itabagone mera sosomitaka na vosa ena veitikina me rawa ni vagolei vakadodonu vei ira na veitikina. Ni vakayacori oqo, na sala cava ena vakayaco-ka kina veika eda vakila me baleta na veika dina ena veitikina oqo? Eda rawa vakacava ni vakaraitaka na noda vakavinavinaka kina solibula sa cakava na iVakabula ena vukuda?

• Na sereivakatagi tabu e rawa ni vakadinadinataki Jisu Karisito sara vakaukauwa. Vakasamataka mo sureta na lewe ni kalasi se kuoramu mera vakavakarau mai mera mai wasea na serenilotu ka na vukei ira mera vakila na kaukauwa ni Veisorovaki ni iVakabula ena nodra bula. (Sa rawa mera raica na sere ni sakaramede se na “Jisu Karisito—iVakabula” ena tuvai vakamatanivola ni ulutaga ni Serenilotu.) Kerea na lewe ni kalasi se kuoramu mera raica na malanivosa eso ena serenilotu e vukei ira mera vakila na loloma ni iVakabula me baleti ira vakayadua. E rawa talega nio veitalanoataka na sala e tara kina na noda bula e veisiga na solibula ni iVakabula. Me ivakaraitaki, ena vakayacoka vakacava kina digidigi eda cakava?

O Karisito e Kecisemani

Christ in Gethsemane [Karistio e Kecisemani], mai vei Dan Burr

Cakacaka ena Vakabauta

Uqeti ira na lewe ni kuoramu se kalasi mera vakasamataka vakatitobu ka vola na cava era na cakava mera vakayacora kina na veivakauqeti era ciqoma nikua. Kevaka era vinakata, e rawa nira wasea na nodra vakasama. Sureti ira mera vakasamataka na sala ena vaqaqacotaka kina na nodra veiwekani kei na Tamada Vakalomalagi kei Jisu Karisito na nodra cakacakataka na nodra veivakauqeti.

iVurevure Veitokoni

• 1 Korinica 15:20–22; 2 Korinica 12:7–9; Alama 7:11–12; 3 Nifai 11:10–11

• Tad R. Callister, “Na Veisorovaki i Jisu Karisito,” Liaona, Me 2019, 85–87

Veivakavulici ena iVakarau ni iVakabula

Na vakaraitaki ni loloma dina sa Vakarisito sa kaukauwa cecere me vakamalumutaka na yalodra na lewe ni kalasi era sasaga bula tiko ena kosipeli. Vakavuqa sara o ira oqo era gadreva walega mera kila tiko nira gadrevi ka lomani.