Indianapolis Indiana Temple

Agosto 27

Unsaon Ko Pagpakita nga Ako Nakahibalo nga ang Akong Lawas usa ka Sagradong Gasa gikan sa Dios?

1 Mga Taga-Corinto 1–7

Pagtinambagay

Gipangulohan sa usa ka sakop sa kapangulohan sa klase o sa korum; mga 10–20 minutos

Sa sinugdanan sa miting, balika pagsulti og dungan ang Tema sa Young Women o ang Tema sa Korum sa Aaronic nga Pagkapari. Dayon pangulohi ang usa ka panaghisgotan mahitungod sa buhat sa kaluwasan ug kahimayaan gamit ang usa o dugang pa nga mga pangutana nga anaa sa ubos o imong kaugalingong mga pangutana (tan-awa sa Kinatibuk-ang Tamdanan nga Basahon, 10.2, 11.2). Planoha ang mga paagi sa paglihok sa unsay inyong hisgotan.

• Magpuyo diha sa ebanghelyo. Unsa nga bag-ong mga kasinatian ang nagdala kanato nga mas maduol ngadto sa Langitnong Amahan ug ni Jesukristo?

• Mag-atiman alang niadtong nanginahanglan. Aduna bay tawo nga bag-o lamang mibalhin sa atong ward o mipasakop sa Simbahan? Sa unsang paagi kita makatabang kanila aron mobati nga giabi-abi?

• Magdapit sa tanan sa pagdawat sa ebanghelyo. Unsa nga mga kalihokan sa umaabot diin kita mahimong makadapit sa atong mga higala sa pagtambong?

• Maghiusa sa mga pamilya alang sa kahangtoran. Unsa nga mga paningkamot kita makahimo sa pagrekord sa atong personal nga mga kasaysayan?

Sa kataposan sa leksiyon, kon angay, buhata ang mosunod:

• Pagpamatuod sa mga baroganan nga gitudlo.

• Pahinumdomi ang mga sakop sa klase o sa korum mahitungod sa mga plano ug mga pagdapit nga gihimo atol sa miting.

Itudlo ang Doktrina

Gipangulohan sa usa ka hamtong nga lider o batan-on; mga 25–35 ka minutos

Andama ang Imong Kaugalingon sa Espirituhanong Paagi

Sa kamaayo o sa kadaotan, ang mga Santos sa Ulahing mga Adlaw ingon og nabantog alang sa unsay dili nato buhaton. Daghan niadtong “mga ayaw” adunay kalabotan ngadto sa paagi nga atong gitagad ang atong pisikal nga mga lawas. Luyo niadtong matag kapilian mahitungod sa unsa ang buhaton mao ang mahangturong mga kamatuoran––unsa ang atong nahibaloan. Kon ang mahangturong mga kamatuoran naggiya sa atong mga pagpili, kadtong mga kapilian mahimong mas masayon nga himoon, mas makalipay, ug mas malungtaron. Ang mahangturong mga kamatuoran nagtabang usab kanato sa pagpasabot sa atong mga pagpili sa atong mga higala. Tingali agi og dugang sa pagkamas-nabantog alang sa unsay dili nato buhaton, kita makahimo nga mas maayong mabantog alang sa unsay atong nahibaloan.

Paghunahuna mahitungod sa mahangturong mga kamatuoran nga ikaw nahibalo mahitungod sa atong pisikal nga mga lawas––nganong kita aduna niini, unsa ang gibati sa Dios mahitungod niini, ug unsa ang Iyang gusto kanato nga bation mahitungod niini. Unsaon nga ang pagkasayod niini nga mga kamatuoran mipanalangin kanimo ug miimpluwensya sa imong mga pagpili? Unsaon niini nga kahibalo nga makapanalangin sa mga sakop sa imong klase o sa korum? Samtang ikaw mamalandong niini, basaha ang Genesis 1:27; 1 Mga Taga-Corinto 6:19–20; ang artikulo ni Presidente Russell M. Nelson “Ang Inyong Lawas: Usa ka Talagsaong Gasa nga angay Mahalon” (Liahona, Ago. 2019, 50–55).

Pagkat-on og Dungan

Samtang ang mga sakop sa imong klase o sa korum gitun-an ang mga kasulatan niini nga semana, sila mahimong adunay mga hunahuna kabahin sa mga pagtulon-an ni Pablo mahitungod sa atong mga lawas diha sa 1 Mga Taga-Corinto 6. Usa ka paagi sa pagdapit kanila sa pagpakigbahin niadto nga mga hunahuna mao ang paghatag sa kada usa kanila og usa ka pirasong papel ug hangyoon sila sa pagsulat og dili mominos sa tulo ka posible nga mga tubag sa pangutana “Sa unsang paagi nga ang atong mga lawas sama sa mga templo?” Awhaga sila sa pagbasa sa 1 Mga Taga-Corinto 6:19–20 samtang sila namalandong niini nga pangutana. Sila dayon makahimo sa pagpakigbahin sa ilang mga tubag ngadto sa usag usa. Unsaon sa mga pagtulon-an sa Manluluwas mahitungod sa atong mga lawas pag-impluwensya sa mga pagpili nga atong himoon? Ania ang pipila ka dugang nga mga ideya sa kalihokan niini nga hilisgotan; pagpili gikan niini, o pagplano og usa nga imong kaugalingon.

• Kon ikaw gusto nga adunay dugang nga panaghisgotan mahitungod sa pagtandi ni Pablo tali sa lawas ug sa templo, hunahunaa ang pagpakita og mga hulagway sa pipila ka lain-laing mga templo. Makakaplag ka og pipila diha sa temples.ChurchofJesusChrist.org. Ang mga sakop sa klase o sa korum makahisgot og mga kalainan nga ilang makita niini nga mga templo, uban sa mga sagad nga butang nga sila aduna. Makahimo usab sila sa pag-istorya kon giunsa nila pagbati sa dihang sila diha sa sulod sa templo. Unsa kini nga naghimo sa templo ingon ka espirituhanon, sagrado nga dapit? Dayon ikaw maka-awhag sa klase o sa korum sa pakiglabot sa mga butang nga ilang gihisgotan mahitungod sa mga templo ngadto sa atong mga lawas. Unsaon sa mga pagtulon-an mahitungod sa mga templo diha sa Doktrina ug mga Pakigsaad 97: 15–16; 109 8, 12 kalabot ngadto sa atong pisikal nga mga lawas?

• Ang mga sakop sa imong klase o sa korum kalagmitan adunay––o maadunay––mga oportunidad sa pagpasabot kon nganong sila mosunod sa mga pagtulon-an sa Manluluwas mahitungod sa pag-amping alang sa ilang mga lawas. Mahimong ikaw mangutana sa pipila kanila kon unsay mahimo nilang isulti kon, pananglitan, usa ka tawo mangutana kanila kon nganong dili sila moinom og alak, tsa, o kape o kon nganong dili sila mosul-ob og piho nga mga matang sa mga panapot. Unsa ang pipila ka mga kamatuoran gikan sa ebanghelyo ni Jesukristo nga nag-apekto kon giunsa nato pagtagad ang atong mga lawas? Ang mga sakop sa klase o sa korum makapangita sa pipila niini nga mga kamatuoran ubos sa “Suporta nga mga Kapanguhaan.”

• Sa unsang paagi ang Langitnong Amahan ug si Jesukristo gusto kanatong mobati mahitungod sa atong mga lawas? Mahimo usab nimong hisgotan ang mga paagi nga si Satanas naninguha sa paghaylo kanato sa paghatag og ubos nga bili o gani sa pagkasilag sa atong mga lawas. Unsa ang atong mabuhat sa pagbuntog sa iyang mga bakak ug mga pagtintal? Unsa nga mga kamatuoran ang motabang kanato? Ang pipila sa mga kapanguhaan ubos sa “Suporta nga mga Kapanguhaan” mahimong makatabang.

Ang atong mga lawas mga gasa gikan sa Dios, ug ang mga kamatuoran sa ebanghelyo nagtabang kanato sa pag-amping alang niini.

Lihok diha sa Hugot nga Pagtuo

Awhaga ang mga sakop sa klase o sa korum sa pagpamalandong ug pagrekord sa unsay ilang buhaton sa paglihok sa mga panghunahuna nga ilang nadawat karong adlawa. Kon gusto sila, makahimo sila sa pagpakigbahin sa ilang mga ideya. Dapita sila sa paghunahuna mahitungod kon sa unsang paagi ang paglihok sa ilang mga panghunahuna makalig-on sa ilang mga relasyon ngadto sa Langitnong Amahan ug ni Jesukristo.

Suporta nga mga Kapanguhaan

• Genesis 1:27; 1 Mga Taga-Corinto 6:19–20; Alma 11:42–44; 40:23; Doktrina ug mga Pakigsaad 89; 130:22

• Ang Pamilya: Usa ka Pamahayag ngadto sa Kalibotan,” ilabi na ang unang tulo ka parapo

• Ang Ginoo Naghatag Kanako og Templo,” Songbook sa mga Bata, 53

• Mga artikulo mahitungod sa atong pisikal nga mga lawas diha sa Agosto 2019 Liahona

• Si Presidente Russell M. Nelson mitudlo: “Sa paghatag kanato sa gasa sa lawas, ang Dios mitugot kanato nga makahimo og mahinungdanong lakang padulong sa pagkahimong mas mahisama Kaniya. Si Satanas nakasabot niini. … Sa ingon daghan, kon dili kasagaran, sa mga tintasyon nga iyang gibutang sa atong dalan makapahimo kanato sa pag-abuso sa atong mga lawas o mga lawas sa uban. … Ang inyong lawas mao ang inyong personal nga templo, gibuhat aron kapoy-an sa inyong mahangturong espiritu [tan-awa sa 1 Mga Taga-Corinto 3:16–17; 6:18–20]. Ang inyong pag-amuma niana nga templo importante. Karon, mangutana ako kaninyo, … mas interesado ba kamo sa sininaan ug pamustura aron ang inyong lawas mauyonan sa kalibotan kay sa pagpahimuot sa Dios? Ang inyong tubag niini nga pangutana nagpadala og direkta nga mensahe ngadto Kaniya bahin sa inyong pagbati mahitungod sa Iyang talagsaong gasa kaninyo” (“Kita Makabuhat og Mas Maayo Pa ug Mahimong Mas Maayo,” Liahona, Mayo 2019, 68).

• Mitudlo si Elder D. Todd Christifferson: “Kadtong nagtuo nga ang atong mga lawas resulta lang sa usa ka sulagma nga ebolusyon mobati nga walay tulubagon ngadto sa Dios o ni bisan kinsa sa unsay ilang gibuhat sa o ngadto sa ilang lawas. Kita kinsa adunay pagsaksi sa mas lapad nga katinuod sa kinabuhi sa wala pa dinhi sa yuta, sa mortal, ug sa mahangturong kinabuhi human sa kinabuhi dinhi sa yuta, hinoon, kinahanglan gayod nga moila nga kita adunay katungdanan ngadto sa Dios kalabot niining pinakanindot nga kalamposan sa Iyang pisikal nga paglalang. … Ingon nga ang atong lawas instrumento sa atong espiritu, mahinungdanon kaayo nga atong ampingan kini kutob sa atong mahimo. Kinahanglan nga atong ipahinungod ang mga gahom niini sa pagserbisyo ug sa pagpadayon sa buhat ni Kristo” (“Mga Hulagway sa Gipahinungod nga Kinabuhi,” Liahona, Nob. 2010, 17).

Pagtudlo sumala sa Pamaagi sa Manluluwas

Pagpaka-sensitibo ngadto niadtong anaa sa imong klase o sa korum kinsa adunay mga kakulangan o ubang pisikal nga mga hagit. Tabangi sila sa pagsabot nga ang lawas sa tanan bililhon ug takos sa pagrespeto. Ang Kristohanong gugma nga imong gipakita ngadto sa tanan makahimo og gamhanang impluwensya diha sa paagi nga ang mga sakop sa klase o sa korum magtan-aw sa usag usa ug sa ilang mga kaugalingon.