Jānwōde 29–Pāpode 4: “Inaaj Kōpooj juon Iaļ Im̧ami”

1 Nipai 16–22

Ke baam̧le eo an Liai rej jibadōkļo̧k āneen kallim̧ur, Irooj eaar kōm̧m̧ane kallim̧ur in: “Inaaj kōpooj juon iaļ im̧aami, n̄e kom̧ij kōjparok kien ko Aō” (1 Nipai 17:13). Ealikkar, bwe kallim̧ur in eaar jab meļeļein bwe ito-itak in enaaj kar pidodo—ro uwaan baam̧le in renaaj ioon wōt inepata, libpen eo eaar jorrāān, armej ro raar kwole im mej, ak raar etal wōt im jek wa eo jān kein bobo ko. Ijoke, ke baam̧le eo an raar ioon idajon̄jon̄ ko ak jerbal ko reppen, Nipai eaar jeļā bwe Irooj ejjab ettoļo̧k. Eaar jeļā bwe Anij ej “naajdik [ro retiljek], im kōkajoor er, im kwaļo̧k wāween ko im remaron̄ kōtōprak men eo Eaar kakien er” (1 Nipai 17:3). N̄e kwaar ļōmņak etke men ko renana rej waļo̧k n̄an armej ro rem̧m̧an āinwōt Nipai im baam̧le eo an, kwomaron̄ lo ļōmņak ko ilo jebta kein. Bōlen eo eaorōktata, kwonaaj lo ta eo armej ro rem̧m̧an rej kōm̧m̧ane n̄e men ko renana rej waļo̧k.

Ļōmņak ko n̄an Ekkatak ilo M̧weeo im ilo Kabun̄ in

1 Nipai 16–18

Rilo̧mo̧o̧r enaaj jipan̄ eō jelm̧ae apan̄ ko an mour.

Baam̧le eo an Nipai raar ioon jet apan̄ ko reppen—āinwōt bar kōj aolep. Ta eo kwomaron̄ ekkatak jān Nipai n̄an jelm̧ae kapo kōn tōmak ilo Jisōs Kraist? Riit kōn en̄jake ko an ilo 1 Nipai 16:17–32; 16:34–39; 17:7–16; 18:1–4; im 18:9–22. Ļōmņak in rekoote ta eo kwoj loe ium̧win naan kein āinwōt: “Apan̄,” “Elmen an Nipai kar Uwaak,” im “Elmen an Irooj kar jipan̄.” Ta eo kwoj ekkatak ke kwomaron̄ mour kōn apan̄ ko kwoj iooni?

Ālkin am̧ katak jān Nipai im baam̧le eo an, kwomaron̄ bar je ļōmņak ko ium̧win naan kein: “Apan̄ ko Āō,” “Elmen Aō Uwaak,” im “Elmen an Irooj Maron̄ Jipan̄ Eō.” Ilo am̧ kōm̧m̧ane, kwomaron̄ etal n̄an eoon ko āinwōt kein: Matu 11:28–30; Jon 14:26–27; Mosaia 24:13–15. Juon al āinwōt: “Where Can I Turn for Peace? (Hymns, no. 129), emaron̄ kōkajoorļo̧k tōmak eo am̧ ilo Rilo̧mo̧o̧r im jipan̄ eo Ej letok ilo iien mālijjon̄ ko.

Bar lale Anthony D. Perkins, “Keememej ro Rekwōjarjar Ren̄taan Am̧, O Am Anij,” Liaona, Okt. 2021, 103–5; “He Will Give You Help,” “The Lord Guides Lehi’s Journey,” “The Lord Commands Nephi to Build a Ship,” im “Lehi’s Family Sails to the Promised Land” (video ko), Gospel Ļāibrāre; “Life Help,” Gospel Ļāibrāre.

1 Nipai 16:10–16, 23–31; 18:11–22

Irooj ej tōl eō ilo men ko reddik im reļļam waan.

Ke Anij ekar tōl baam̧le eo an Liai n̄an āne jem̧aden, E ekar jab leļo̧k n̄an er juon m̧ab n̄an kwaļo̧k aolepen iaļ eo. Ijoke, E eaar leļo̧k n̄an er Liaona n̄an tōl er kajjojo raan. Ilo am̧ riiti 1 Nipai 16:10–16, 23–31, im 18:11–22, ļōmņak in kōm̧m̧ane juon laajrak in m̧ool ko me rej kwaļo̧k an Anij tōl ro Nejin (n̄an waanjon̄ok, 1 Nipai 16:10 emaron̄ kwaļo̧k bwe jet iien Anij ej tōl kōj ilo wāween ko jab jeļā kake). Ta ko rej āinwōt ļo̧k ta eo kwoj loe ikōtaan Liaona eo im Jetōb Kwojarjar? Ta men ko “reddik im reļļam waan” eo me Eaar bōktok “men ko reļļap” ilo mour eo am̧?

Bar lale Alma 37:7, 38–47; Katak im Bujen Ko 64:33–34.

Eļan̄n̄e Kom̧ij Pojak Kom̧ Jamin Mijak, jān Clark Kelley Price

1 Nipai 17:1–6, 17–22

Mellijon̄ ko aō remaron̄ erom̧ juon kōjeraam̧m̧an.

Men̄e Nipai im ļōm̧aro jein eaar wōr aer apan̄ ko ilo āne jem̧aden, en̄jake ko aer raar lukkuun pen. Kwomaron̄ keidi bwebwenato eo an Nipai ilo ito-itak eo ilo āne jem̧aden (lale 1 Nipai 17:1–6) ippān bwebwenato eo an ļōm̧aro jein’ (lale 1 Nipai 17:17–22). Ta eo Nipai ekar jeļā ak kōm̧m̧ane me ekar jipan̄ e n̄an bōk juon tōmak edim? Ļōmņak in je kōn juon mālijjon̄ m̧okta ak kiiō rōļo̧k kōn tōmak im kam̧m̧oolol. Elmen am̧ en̄jake ak ekkatak jāne?

Bar lale Amy A. Wright, “Kraist Ej Kōmour Bōro ko Rerub,” Liaona, Māe 2022, 81–84; “No Strength without Struggle” (video), Gospel Ļāibrāre.

Jidik iien kejokļo̧kjeņ. Bōk jidik iien n̄an ļōmņak, kōļmenļo̧kjeņ, ak kejokļo̧kjeņ, ak jeje emaron̄ tōlļo̧k n̄an im̧we. Emaron̄ jipan̄ kōj lo wāween an katak ko ak pedped ko an gospel in jelet mour ko ad. N̄e kwoj katakin ro jet, leļo̧k n̄an er iien n̄an kejokļo̧kjeņ im je im̧we ko aer. Menin emaron̄ bar kōļapļo̧k kōņaan eo aer n̄an kwaļo̧k ļōmņak ko aer im en̄jake ko n̄an ro jet.

1 Nipai 19:22–24; 20–22

Imaron̄ “karōki tok aolep jeje ko rekwojarjar” n̄an n̄a make.

Kōnke jeje ko rekwojarjar rekar jeje etto, maron̄ ba bwe ejab ekkar n̄an kōj rainin. Ak Nipai ekar jeļā. “Iaar karōki tok aolep jeje ko rekwōjarjar n̄an kōm,” eaar ba, “bwe en n̄an am maron̄ jeraam̧m̧an im jeļā” (1 Nipai 19:23). En̄in ej juon un Nipai ekar loe jetōbin kajoor ilo jeje ko rekwojarjar.

Ļōmņaki kajjitōk kein ilaļ ilo ami riiti 1 Nipai 20–22:

1 Nipai 20:1–9.Ta eo eoon kein rej katakin kōn armej ro ilo tōre eo an Aiseia? Ta eo kwoj loe ke ej jerbal n̄an eok?

1 Nipai 20:17–22.Ta eo eoon kein rej katakin kōn wāween an Jemedwōj Ilan̄ kar tōl armej ro ilo tōre eo an Aiseia? Elmen An kūr eok n̄an ļoor E?

Ta ko jet kwoj loi ilo 1 Nipai 20–22 me kwomaron̄ “karōki” n̄an kwe make?

N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik Ro māākjin ko.

Ļōmņak ko n̄an Katakin Ajri ro

1 Nipai 16:10, 28–29; 18:8–13, 20–22

N̄e ij kōjparok kien ko, Irooj ej tōl eō.

• N̄e elōn̄ am̧ kam̧bōj im juon m̧ab, ak men ko jet me rej jipan̄ kwaļo̧k kajjien iaļ eo ad, kwomaron̄ kwaļo̧ke n̄an ajri ro. Menin emaron̄ juon wāween em̧m̧an n̄an jino juon kōnono kōn Liaona eo, eo kwomaron̄ riiti ilo 1 Nipai 16:10, 28–29. Ta jet iaan wun ko juon kam̧bōj ak m̧ab ejjab maron̄ jerbal? Etke jet iien Liaona eo ejjab jerbal n̄an baam̧le eo an Liai? (lale 1 Nipai 18:9–12, 20–22). Ta eo Jemedwōj Ilan̄ ekar letok n̄an kōj rainin n̄an tōlļo̧k kōj n̄an E?

• N̄an jipan̄ ajri ro nejum̧ mour kake ta eo rej ekkatak kōn Liaona eo ilo 1 Nipai 16:10, 26–31; 18:8–22, kwomaron̄ kajjitōk ippāer n̄an ļōmņake juon kāālet eaorōk ak epen. Ta eo Anij ekar letok n̄an kōj n̄an tōl kōj rainin me ej jerbal āinwōt Liaona eo? (Lale, n̄an waanjon̄ak, Alma 37:38–44.) Ļōmņak in kwaļo̧k juon am̧ make en̄jake me Jemedwōj Ilan̄ ekar tōl eok.

1 Nipai 16:21–32

Imaron̄ juon waanjon̄ok n̄an baam̧le eo aō.

• Ilo ami riiti 1 Nipai 16:21–32 ippān doon, jipan̄ ajri ro nejum̧ loe wāween an waanjon̄ak eo an Nipai kar kōjeraam̧m̧an baam̧le eo an (bar lale video eo “The Lord Guides Lehi’s Journey” [Gospel Ļāibrāre]). Menin emaron̄ tōlļo̧k n̄an juon ekōnono kōn wāween ad maron̄ āinwōt Nipai. Karuwaineneik ajri ro nejum̧ n̄an karōk juon men remaron̄ kōm̧m̧ane n̄an erom̧ juon waanjon̄ak em̧m̧an n̄an ro uwaan baam̧le eo.

1 Nipai 17:7–19; 18:1–4

Jemedwōj Ilan̄ emaron̄ jipan̄ eō kōm̧m̧ani men ko reppen.

• Em̧m̧an bwebwenato ippān ajri ro Kwomaron̄ karuwaineneik er n̄an jipan̄ eok kwaļo̧k bwebwenatoin Nipai kar kean̄ n̄an jek wa eo (lale 1 Nipai 17:7–19; 18:1–4; bar lale “Jebta 7: Building the Ship,” ilo Bwebwenato in Bok in Mormon, 21–22; ak video eo “The Lord Instructs Nephi to Build a Ship” [Gospel Ļāibrāre]). Remaron̄ bar al ippān doon eoon ruo in “Nephi’s CourageChildren’s Songbook,, 120–21). Ta eo eaar jipan̄ Nipai bwe en bōk peran ke ļōm̧aro jein raar kajjirere kōn an kajjieon̄ jek wa eo?

• Nipai ekar jab jeļā kilen jek juon wa, ak eaar pedped ioon kōmeļeļe ko jān Irooj. Ālkin riiti 1 Nipai 18:1 ippām, ajri ro nejum̧ remaron̄ kadedeļo̧k peij in m̧akūtkūt eo an wiik in. Ilo aer kōm̧m̧ane, kōnono ippāer kōn wāween an Jemedwōj Ilan̄ maron̄ jipan̄ kōj kōm̧m̧ani men ko reppen, āinwōt An kar jipan̄ Nipai.

N̄an ļōmņak ko reļļapļo̧k, lale ennaan eo an allōn̄ in an eo Jera māākjin.

Raar Kōm̧m̧an N̄an Eō kōn Eļap Kōmetak, jān Walter Rane