Կարդալով 1 Նեփի գիրքը, դուք կարող եք տպավորություն ստանալ, որ Նեփին ինչ-որ կերպ ավելի հաղթանդամ էր, քան կյանքը։ «Հաղթանդամ կազմվածքով» և ֆիզիկապես, և հոգևորապես (1 Նեփի 2.16), նա կարծես անսասան էր թվում փորձությունների դեմ, որոնց դիմակայում էր: Կամ դա, առնվազն, այն է, ինչ կարող ենք ենթադրել: Մինչ Նեփիի հավատքը ուշագրավ էր, նրա քնքուշ խոսքերը 2 Նեփի 4 գլխում ցույց են տալիս, որ նույնիսկ հավատարիմ մարդիկ երբեմն զգում են «թշվառ» և «հեշտությամբ նեղվում են» գայթակղություններից: Այստեղ մենք տեսնում ենք մեկին, ով փորձում և ցանկանում է ուրախանալ, բայց ում «սիրտը վշտանում է [իր] մեղքերի պատճառով»։ Մենք կարող ենք առնչվել դրան և այն հուսադրող վճռականությանը, որը հետևում է. «Այնուամենայնիվ, ես գիտեմ՝ ում եմ ապավինել» (տես 2 Նեփի 4․15–19)։
Թեպետ Նեփին և նրա ժողովուրդը սովորեցին ապրել «երջանիկ» (2 Նեփի 5.27), սակայն նրանք նաև սովորեցին, որ երջանկությունը հեշտությամբ կամ առանց տխրության ժամանակաշրջանների չի տրվում: Ի վերջո, երջանկությունը գալիս է Տիրոջը՝ «մեր] արդարության վեմին» վստահելուց (2 Նեփի 4.35):
Ջոզեֆ Սմիթը Աստծո կողմից ընտրվել էր ավետարանը վերականգնելու համար
Իր որդի Ջոզեֆի հետ Լեքին կիսվեց Հովսեփին տրված մարգարեությամբ: Մարգարեությունը ապագա «ընտրյալ տեսանողի»` Ջոզեֆ Սմիթի մասին էր: Ըստ 6–24 հատվածների, ի՞նչ էր անելու Ջոզեֆ Սմիթը՝ Աստծո ժողովրդին օրհնելու համար։ Մտածեք, թե Ջոզեֆ Սմիթի գործը ինչպե՞ս է «մեծ արժեք» հանդիսացել ձեզ համար։ Դուք կարող եք որոշ գաղափարներ ստանալ Ջոզեֆ Սմիթի մասին Ավետարանի գրադարանի «Վերականգնման մարգարեներ» հավաքածուի տեսաֆիլմերից: Մտածեք նմանատիպ հարցերի մասին և գրի առնեք ձեր պատասխանները:
Ջոզեֆ Սմիթի ուսուցանածի շնորհիվ ի՞նչ գիտեք Երկնային Հոր և Հիսուս Քրիստոսի մասին:
Ի՞նչ է ձեր կյանքում փոխվել այն բանի շնորհիվ, որ Տերը վերականգնեց Ջոզեֆ Սմիթի միջոցով:
Ինչպիսի՞ն կլիներ ձեր կյանքը, եթե վերականգնումը տեղի չունենար:
Ջոզեֆ Սմիթի առաքելության կարևոր մասն էր` ստեղծել Մորմոնի Գիրքը: Այս գլխից ի՞նչ եք սովորում այն մասին, թե ինչո՞ւ է Մորմոնի Գիրքը կարևոր։ Մասնավորապես, դուք կարող եք պատճառներ փնտրել 7, 11, -13 և 18-24 հատվածներում։
Նեփին ասաց, որ ինքը «կգրի [իր] հոգու բաները» (հատված 15): Երբ կարդաք, թե նա ինչ է գրել 2 Նեփի 4.15–35, հատվածներում, հարցրեք ինքներդ ձեզ. «Իսկ որո՞նք են իմ հոգու բաները»: Կարող եք Նեփիի նման գրի առնել դրանք, և կիսվել այն մարդկանց հետ, որոնց սիրում եք:
Հասկանալով, թե Նեփին ինչպես էր սփոփանք գտնում, երբ ծանրաբեռնված և մտահոգ էր, կարող եք օգնել ձեզ, երբ ունենաք նմանատիպ զգացումներ: Փնտրեք խոսքեր 15–35-րդ հատվածներում, որոնք ձեզ մխիթարություն են բերում: Ճանաչու՞մ եք մեկ ուրիշի, ով գուցե սփոփանք է գտնում այդ հատվածներում:
Տես նաև Ռոնալդ Ա. Ռասբանդ, «Իմ հոգու բաները», Լիահոնա, նոյեմբեր 2021, 39-41։
Ես կարող եմ երջանկություն գտնել՝ ապրելով Հիսուս Քրիստոսի ավետարանով
Ձեր կարծիքով, ի՞նչ է նշանակում երջանիկ լինել։ Նեփին գրել է, որ իր ժողովուրդն ապրեց «երջանիկ» (2 Նեփի 5․27)։ Կարող եք ուշադրություն դարձնել Նեփիի և նրա ժողովրդի այն ընտրությունների վրա, որոնք օգնեցին նրանց երջանիկ լինել (տես օրինակ՝ 2 Նեփի 5.6, 10–17): Ի՞նչը կարող է օգնել ձեզ կառուցել երջանիկ կյանք, ինչպես Նեփիի ժողովուրդը։
Նեփիի օրերում Լամանացիներն անիծվեցին և նրանք «կտրվեցին [Տիրոջ] ներկայութjունից … իրենց անօրինության պատճառով» (2 Նեփի 5․20-21)։ Դա նշանակում էր, որ Տիրոջ Հոգին հետ քաշվեց նրանց կյանքից: Երբ Լամանացիները հետագայում ընդունեցին Հիսուս Քրիստոսի ավետարանը, «Աստծո անեծքն այլևս չէր հետապնդում նրանց» (Ալմա 23.18):
Մորմոնի Գիրքը նաև հաստատում է, որ Լամանացիները սևամաշկ դարձան, երբ Նեփիացիները բաժանվեցին նրանցից: Այս նշանի բնույթն ու տեսքը լիովին հասկացված չէ: Ի սկզբանե, Լամանացիներն այս նշանով տարբերվում էին Նեփիացիներից: Ավելի ուշ, երբ թե Նեփիացիները և թե Լամանացիները անցան ամբարշտության ու արդարակեցության ժամանակաշրջաններով, այս նշանը դարձավ անիմաստ:
Մեր ժամանակների մարգարեները հաստատում են, որ սև մաշկը աստվածային շնորհազրկության կամ անեծքի նշան չէ: Նախագահ Ռասսել Մ. Նելսոնը հայտարարել է․ «Վստահեցնում եմ ձեզ, որ Աստծո առջև ձեր արժանավոր լինելու հեռանկարը չի որոշվում ձեր մաշկի գույնով: Աստծո հավանությանն ու սիրուն արժանանալը կախված է Աստծո և Նրա պատվիրանների հանդեպ ձեր նվիրվածությունից, այլ ոչ թե ձեր մաշկի գույնից («Թող Աստված տնօրինի», Լիահոնա, նոյ. 2020, 94)։
Մորմոնի Գիրքն ասում է, «բոլորը նույնն են Աստծո համար, … սև և սպիտակ, ստրուկ և ազատ, այր թե կին» (2 Նեփի 26․33)։
Մտածեք, թե ինչպես կարող եք ուսուցանել ձեր երեխաներին այն մեծ աշխատանքի մասին, որ Աստված իրականացրեց Ջոզեֆ Սմիթի միջոցով: Սկսեք` օգնելով ձեր երեխաներին գտնել «տեսանող» բառը 2 Նեփի 3.6-ում և բացատրեք, որ մարգարեները կոչվում են տեսանողներ, որովհետև Երկնային Հայրն օգնում է նրանց տեսնել այն ամենը, ինչ մենք չենք կարող տեսնել: Կիսվեք, թե ինչո՞ւ ենք երախտապարտ` մեր Եկեղեցին առաջնորդող տեսանող ունենալու համար:
Ավետարանի պատկերագիրքը ունի մի քանի նկարներ, որոնք դուք կարող եք օգտագործել` ուսուցանելու Աստծո աշխատանքի մասին, որը Նա կատարեց Ջոզեֆ Սմիթի միջոցով (տես նկարներ 89–95): Թող ձեր երեխաները կիսվեն նրանով, ինչ գիտեն նկարների մասին: Ջոզեֆ Սմիթն ինչո՞ւ է կոչվում «ընտրյալ տեսանող»: Ի՞նչ արեց Ջոզեֆ Սմիթը, որը «մեծ արժեքի» է (հատված 7):
Ի՞նչն է երջանկացնում մեզ: Միասին կարդացեք հատվածներ 2 Նեփի 4-ից, պարզելով, թե ինչն էր բերկրանք պատճառում Նեփիին կամ երջանկացնում նրան (տես հատվածներ 15–16, 20–25, 34–35): «Իմ հոգու բաները» ուղերձում Երեց Ռոնալդ Ա. Ռասբանդը կիսվել է յ«Տիրոջ [յոթ] խոսքերով», որոնք արժեքավոր են նրա համար (Լիահոնա, նոյ. 2021, 39–41): Միասին վերանայեք նրա ցուցակը և խոսեք «Տիրոջ խոսքերի» մասին, որոնք արժեքավոր են ձեզ համար:
2 Նեփի 5 գլուխը նկարագրում է նաև բաներ, որոնք օգնեցին Նեփիացիներին ապրել «երջանիկ» (հատված 27)։ Դուք կարող եք տրամադրել որոշ բառեր կամ նկարներ, որոնք ներկայացնում են այդ ամենը և օգնեք ձեր երեխաներին համապատասխանեցնել դրանք գլուխ 5-ի հատվածներին: Որոշ օրինակներ ներառում են ընտանիքը (հատված 6), Աստծո պատվիրանները (հատված 10), սուրբ գրությունները (հատված 12), աշխատանք (հատված 15 և 17), տաճարներ (հատված 16) և Եկեղեցու կոչումներ (հատված 26)։ Ինչպե՞ս են այդ բաները մեզ երջանկություն բերում:
Երբ երեխաների համար կարդաք 2 Նեփի 5.15–16-ը, նրանք կարող են ձևացնել, որ օգնում են Նեփիին տաճար կառուցել: Կարող եք նաև ցույց տալ նրանց տարբեր շենքերի նկարներ, ներառյալ տաճարի մի նկար: Ինչո՞վ են տաճարները տարբերվում մյուս շենքերից: Կիսվեք միմյանց հետ, թե ինչու է տաճարը կարևոր ձեզ համար (տես նաև «I Love to See the Temple, Children’s Songbook, 95):
Ցանկացած պահը կարող է ուսուցման պահ լինել: Ձեր ընտանիքին ուսուցանելը մի համարեք որպես մի բան, որ անում եք շաբաթը մեկ անգամ՝ պաշտոնական դասի ժամանակ: Մտածեք դրա մասին որպես մի բանի, որը դուք միշտ եք անում:
լրացուցիչ գաղափարների համար տես այս ամսվա Ընկեր ամսագրի թողարկումը: