E kabwaraaki ana bure, iroun Greg Olsen. Kabonganaaki man te kariaiakaki. www.GregOlsen.com

Eberi 1–7: “Raoiakinaki nakon te Atua rinanon ana Mwakuri ni Kamaiu Kristo”

Iakobwa 1–4

Nibwaite a taraa Nibwaai bwa “te tia kamanoia” (taraa Iakobwa 1:10). E a tia naba ni kamanoia ni kaitarakiia man kangaanga n te maiu n tamnei, ni kauringiia bwa a na toki man karaoan te bure ao ni kaumakiia bwa a na nakon Kristo. Ngkai ngkae e a bwaka te mwioko nakon Iakobwa, are e a tia Nibwaai ni katabua bwa e na riki bwa te ibonga ao te tia reirei (taraa Iakobwa 1:18). E namakinna Iakobwa bwa iai tabena ae kakawaki ni kauringiia koraki ake a “moana karaoan te bure” ngkai e karaui nanoia ake a “rawawata tamneia” ake a tia ni karawawataaki n aia bure tabeman (taraa Iakobwa 2:5–9). E kangaa ni karaoa anne? E kona ni kairiia nakon Iesu Kristo—ibukina bwa kurubu ni kauoua a kainnanoa ana kamaiu te Tia Kamaiu (taraa Iakobwa 4). N aron naba ana rongorongo Nibwaai mai imwaina, ana kakoaua Iakobwa bon te wewete n “raoiakinaki nakon te [Atua] rinanon ana mwakuri ni kamaiu Kristo” (Iakobwa 4:11).

Iango ibukin Reiakinana n te Mweenga ao n te Taromauri

Iakobwa 1:6-8, 15–19; 2:1-11

Iai “weteau mairoun te Uea.”

Iroun Iakobwa, te anga reirei n ana taeka te Atua bon te “wewete mairoun te Uea,” ngaia are e beku korakora n “kamatoa [ana] mwakuri” (Iakobwa 1:17, 19). Tera nanon mwakoro n taeka aikai iroum aika a kabonganaaki iroun Iakobwa? Iangoia bwa tera ae karaoia te kiraati n taratara. Iai te iango ae anganiko te bwai anne? Ngkai ko iangoa raoi Iakobwa 1:6–8, 15–19 ao 2:1–11, iangoa taekan ana wewete te Uea ibukim. Tera am namakin ae kairiko bwa ko na “karaoia” raoi?

Taraa naba “Whom the Lord Calls, the Lord Qualifies,” n Aia Reirei Beretitenti n te Ekaretia: Thomas S. Monson ( 2022), 209–20; “Rise to Your Call” (witeo), Gospel Library.

Iakobwa 2:12–21

“Aki kariaia kamoamoan nanomi bwa e na kamatei tamneimi!”

E reke aia kangaanga Nibwaaite ma te kamoamoa ao ni kabanei aia iango iaon kaubwai (taraa Iakobwa 2:13), ao te kangaanga anne e aki onoti nakoia ke aia bong. E kanga te kakaitara ni karikirakea tangiran te kaubwai n te bong aei? Imwiin warekan Iakobwa 2:12–21, kabwarabwara n oin am taeka bwa e kanga n tangiriko te Atua bwa ko na tarai kaubwain te aonaaba. Te anene n aron “Because I Have Been Given Much” (Anene n Taromauri, nambwa. 219) e kona ni karekei riki nonoori tabeua. Tera ae ko namakinna ae ko kaungaaki iai bwa ko na karaoia ibukin te bwai ae ko reiakinna?

Iakobwa 2:22–35; 3:10–12

E kukurei te Atua n te itiaki.

Ngkai ko wareka Iakobwa 2:22–35; 3:10–12, tera ae ko kunea ae buokiko ni kaotako bwa bukin tera e rangi ni kakawaki te itiaki iroun te Atua? Tera tabeua bwaai aika a reke aika a aki raraoi n te maiu aei—n ana bong Iakobwa ao n nakoira? Tera kakabwaia man maiuakinan te maiu ae itiaki?

E reirei Unimwaane David A. Bednar bwa ti maeka “n te aonaaba ae e rikirake iai bwainikirinan tabun karikan te aomata” (“Ti Kakoaua bwa ti Riai n Itiaki,” Riaona, Meei 2013, 41–44). Ko na kanga ni buokia ni kaotaia aomata bukina ngkai ko ongotaeka nakon tuan te itiaki? Te tabo ae tamaroa ni moanakina bon kabwarabwaraan ana kawai te Atua iaon namakin n te taanga ao n reitaki inanon “Your body is sacred” n Ibukin Kakorakoraia Kairake: Te Kairi Ibukin Karaoan Rinerine (iteraniba 22–29). Tera riki ae ko kunea n te bwai n ibuobuoki anne are e na buokiko ni kabwarabwa bwa bukin tera ko kawakina tuan te itiaki?

Ko kona ni kunei riki kaeka n ana rongorongo Unimwaane Bednar ni kaineti ma ae ieta ke n te witeo “I Choose to Be Pure” (Gospel Library).

E kangaa nanon te Atua n te itiaki n te taanga ni kaokoro ma rongorongo riki tabeua are ko na kona ni kaitarai? Tera kakabwaia man maiuakinan te maiu ae itiaki?

Taraa naba Gospel Topics, “Virtue,” Gospel Library; “Same-Sex Attraction” inanon tee “Life Help” Collection in the Gospel Library.

Iakobwa 4

I kona n raoiakinaki nakon te Atua rinanon ana Mwakuri ni Kamaiu Iesu Kristo.

E bubutiia ana aomata Iakobwa bwa a na “raoiakinaki nakon te [Atua] rinanon ana Mwakuri ni Kamaiu Kristo”(Iakobwa 4:11). Nanon teuana raoiakinaki bon kaokan te iraorao ke te nano ae rau. Ngkai ko iangoa oin maium, iangoa te tai teuana ngke tao ko tei raroa mairoun Tama ae i Karawa. E kanga te Tia Kamaiu ni buokiira ni kaoka aron ara reitaki? Tera te reirei ae ko kona ni kunea n te mwakoro aei ae buokiko n raoiakiniko ma te Atua? (taraa kiibu 4–14).

Tera riki nonoori ae ko karekei man Mataiao 5:23–24? E na kanga te Tia Kamaiu ni buokiko n raoiakiniko ma te Atua—ao tabeman?

Taraa naba 2 Nibwaai 10:24.

Iakobwa 4:8-18

I kona n totokoa te mataki n tamnei man kabanean nanou iaon te Tia Kamaiu.

Ngke e waaki Iakobwa n rairii nanoia ana aomata raoi nakon te Uea, e kauringiia bwa a na aki kamatakii tamneia ao n aki kakeai “taeka aika mataata” n te euangkerio. (taara Iakobwa 4:13-14). N aron are e taekinna Iakobwa 4:8–18, tera ae ti kona ni karaoia n totokoa te matakii n taamnei?

Taraa naba Quentin L. Cook, “Looking beyond the Mark,” Ensign, Maati. 2003, 40–44.

Ngkana e angareirei te Tia Kamaiu, e kabonganai kabootau nakon te maiu ni katoabong. Ana taeka ni kaikonaki Iesu e buokiia aomata ni kunea te koaua n taamnei i nanon maiuia. Kataia ni karaoa ae aekan anne ngkana ko anga reirei. Te katooto, ngkana ko anga reirei n Iakobwa 4:8–18, ko kona ni titirakiniia taan reiakinaki ngkana a tia n rinanon te tutuo n te mata. E kanga aron te taokita n tuoa aia taratara? Ti na kanga ni karekea ara taratara n taamnei?

Ibukin iango riki tabeua, taraa te beeba ni kaongora n te namwakaina aio n te Riaona ao Ibukin Kakorakoraia Kairake maekatiin.

Iango ibukin Reiakinaia Ataei

Iakobwa 2:8

E kamaoa te tamnei ae ikoaki te Atua.

• Ni buokiia kaain te utu bwa a na mataata bwa e kanga te “tamnei ae ikoaki” ni kona ni kamaiuaki, kam kona n kaai ni maroroakinna bwa a kanga n ikoaki rabwatara ao tera ae buokiia ni kamarurungnga. Tao a kona am ataei ni marooro ibukin taai ngke a karekea te rawawata ao tera ae buokia ni kamarururungiia. Ko kona naba ni kaota nakoia bwaai n niira te maneka ke te bwai n aoraki bwa kanoan te kakarabakau. Tao ko kona ni tibwaia ma ngaia bwa e kanga te Tia Kamaiu ni buokiko ngke e kainnanoa te kamaiuaki tamneim.

Iakobwa 2:17–19

I kona ni buokiia tabeman ake a kainnano ngkana I tibwatibwa ma ngaiia.

• Tabeman aomata n ana tai Iakobwa a bon rangi ni kaubwai, ma a bon rawa ni kan tibwatibwai aia bwai ma aomata tabeman. Ngkai ko wareka ana reirei Iakobwa nakoia n Iakobwa 2:17–19, ko kona n anganiia am ataei tamnei ke bwaai aika a na maroroakinna ma taeka ke mwakoro n taeka ni kiibu aikai. Ko kona naba ni kabwarabwara bwa ko tibwai bwaai aikai ma ngaia; ke ko kona ni kaoia ngkanne bwa a na tibwai bwaai akanne ma ngkoe ke ma ake tabeman. Kaota aron am namakin ngkana ko tibwatibwa. Tera riki ae ti kona n tibwaia ma tabeman bwa ti na buokiia n namakina te kukurei?

• Imwiin warekan Iakobwa 2:17, ni bootaki ao tao a kona am ataei n kaoti kakabwaia tabeua are e a tia n tibwaia Tamaia are i Karawa ma ngaiia. Bukin tera E tangiriira bwa ti na tibwauaia imarenara?

Iakobwa 4:6, 10–11

I kona ni kakorakoraa au onimaki iroun Iesu Kristo.

• E matoatoa ana onimaki Iakobwa iroun Kristo ao e aki kona ni kamwaeaki. Arom n reiakinia am ataei bwa a na kanga ni karikirakea aia onimaki n aron anne, ko kona n titirakiniia ibukin bwaai aika ti karaoi bwa a na korakora iai rabwatara. Tera ae ti kona ni karaoia ni kakorakora ara onimaki iroun Iesu Kristo? Kaai n wareka Iakobwa 4:6 ni buokiia ataei bwa a na kunea tera ae e karaoia Iakobwa ma ana botanaomata ni karika aia onimaki bwa “e na aki kai kamwaeaki.”

• Teuana te kawai ni buoka am utu ni matata bwa tera ae nanonaki bwa a na “aki kai kamwaeaki” n aia onimaki bon kakaean te aroka ae bubura ao tuangiia bwa a na ioioi mwaanga nako. Ngkanne anganiia aia tai bwa a na ioioa boton te aroka. E aera e kaangaanga ioioan boton te aroka? Tera mwakoro n taeka n Iakobwa Iakobwa 4:6, 10–11 ae kabwarabwaraa bwa tera ae ti kona ni karaoia ni karika ara onimaki bwa e na aki kai kamwaeaki?

  

  N ai aron boton te aroka, ara onimaki iroun Kristo e na kona n“aki kai kamwaeaki.”

• Ibukin kabootau n reiakinaia am ataei ibukin te onimaki iroun Iesu Kristo ae aki kai kamwaeaki, taraa Neil L. Andersen, “Spiritual Whirlwinds” (Riaona, Meei 2014, 18–21; ao te witeo “Spiritual Whirlwinds“) ke “The Wise Man and the Foolish Man” (Aia Boki n Anene Ataei, 281; taraa naba Mataio 7:24–27).

Angibuakan te Maiu n Tamnei

Tai kariaia bwa te angibuaka e na katikiko rikaaki. Aikai ami bong —n tei ni matoatoa n aroia ana reirei te Uea Iesu Kristo.

Ibukin iango riki tabeua, taraa te beeba ni kaongora n te namwakaina aio n te Rao maekatiin.

N na Kaotinakoi Aia Taeka (Iakobwa te Tia Reirei),, iroun Elspeth Caitlin Young