Iakobwa ao Enoti, iroun Scott Snow

Eberi 15–21: “E Mwakuri Inanou bwa N na Karaoa Are Nanona”

Enoti–Ana Taeka Moomon

E ngae ngke e nako n te buakonikai Enoti ni kaeman ni katoka bakin te rabwata, e tikunako ikekei n te bong anne ao ni karokoa e a tairiki ibukina bwa e “baki tamneina.” Te baki aei e kaira Enoti ni “kabaibata riki [bwanaana] ni wewete ao e roota karawa.” E kabwarabwaraa te taneiai aei bwa te kangaanga ni kaaitara iai te Atua (taraa Enoti 1: 2–4). Ti reiakinna mai iroun Enoti bwa te tataro bon te kekeiaki ae nanonaki ni kaniaki ma te Atua ao n ukora Nanona. Ngkana ko tataro n te aro aei, ko na bon kunea, n aron are e karaoia Enoti, bwa e ongo bwanaam te Atua ao e tabeakiniko ni koaua, naake ko tangiriia, ao naake am kairiiribai naba (taraa Enoti 1:4–17). Ngkana ko ataa Nanona, ko kona ni karaoa riki raoi Nanona. N ai aron Moomon, ko bae n “ aki kona n atai kanoan bwaai aikai ni kabane …; ma ngaia ae, e mwakuri i [nanom] ni karaoa are nanona” (Ana Taeka Moomon 1:7).

Iango ibukin Reiakinana n te Mweenga ao n te Taromauri

Enoti 1:1–17

E na ongo ao ni kaekai au tataro te Atua.

Am taneiai iaon te tataro e na aki rang kamimi n aron Enoti, ma a riai n aki rangi ni memeere nanoia. Aikai titiraki tabeua ake ko na iangoi ngkai ko kamatebwaia Enoti 1:1–17:

• Tera taeka aika a kabwarabwara ana mwakuri Enoti ngke e tataro?

• E kanga ni bitaki ana tataro Enoti man kiibu 4 nakon 11?

• Tera ae I reiakinna man ana tataro Enoti ae kona ni buokai ni kanakoraoa au tataro?

Taraa naba “Enos Prays Mightily” (witeo), Gospel Library; “Sweet Hour of Prayer,” Boki n Anene n taromauri, nambwa. 142.

Tibwai titiraki aika a na maroroakinaki. Ngkana ko reireiniia tabeman, iangoia ni katuka te titiraki are e na maroroakinaki n te tabo ae na bane n nooraki irouia aomata. E ibuobuoki aio nakoia aomata bwa a na iangoa raoi te titiraki ao n anga kaeka aika a kairaki iroun te tamnei.

Enoti 1:1–4

E kona ni buokai te Uea bwa N na kakorakoraia au utu ibukin te raoiroi.

Tao iai temanna n am utu ae ko tangiria ni buokia bwa e na nakon Iesu Kristo, ma ko iangoia bwa e aki tau am kona ni karika te bitaki. Tera ae ko kona n reiakinna man Enoti 1:1–4 ibukin ana kairoro Iakobwa nakon natina te mwaane ae Enoti? Te katooto, Tera ae kananonaki n te kibuntaeka ae “aron ana taeka ao kawain te Uea” i bon iroum? Ko na kanga ni kaoa Ana kairooro nakon mweengam?

Ngkai ko iangoia bon kaain am utu, iangoi titiraki ao bwaai n ibuobuoki aikai:

• Ko na kanga n kairoroia am utu n te kawai ae raoiroi? (taraa 1 Nibwaai 2:16–18; 3:15–21; 5:1–6; 7:20–21; Aramwa 36:17–20; “Te Utu: Te Katanoata nakon te Aonaaba”). Tera ae ko kona ni karaoia ngkana temanna e aki kainnanoa am ibuobuoki ke e aki raoiroi nakoim?

• Tera tuua ake ko kunei n koroboki aika a tabu aikai are a kona ni kairiko n am reitaki ma kaain am utu? Mataio 5:21–24, 38–44; 6:14; 7:1–5; 22:36–39; 3 Nibwaai 18:21; Moronaai 7:33; Reirei ao Berita Aika a Tabu 18:10–13.

E tibwai reirei ibukia utu aika a ibuobuoki Unimwaane Dieter F. Uchtdorf n “In Praise of Those Who Save” (Ensign ke Riaona, Meei 2016, 77–80). E kanga ana rongorongo ni kaira nanom bwa ko na kakorakoraia am utu? (taraa riki te mwakoro ae atunaaki “Saving Our Families”).

Taraa naba Gospel Topics, “Family,” Gospel Library; “Home and Family—Through Small Things” (witeo), Gospel Library.

Enoti 1:1–18

I kona ni karekea kabwaraan buure ngkai I kaota te onimaki iroun Kristo.

N tabetai ko kona ni iangoia ngkana am bure a kabwaraaki, imwiin am raira n nano man am bure akanne. Tera riki nonoori ae ko karekei man ana taneiai Enoti n Enoti 1:1–8? E kanga Enoti ni kaota ana onimaki iroun Iesu Kristo imwain ao imwiin ae karekea irouna kabwaraan ana bure?

Iarom–Ominai

Ngkai I keiaki ni kawakin tuua, ao e na kakabwaiaai te Atua.

Ana boki Iarom ao Ominai a kabwarabwaraa te iraorao imarenan te raoiroi ao te rikirake. Tera ae ko reiakinna man Iarom 1:7–12; Ominai 1:5–7, 12–18? E kanga ana kabwarabwara te aonaaba n te rikirake ni kaokoro man ana kabwarabwara te Uea? E kanga te Uea ni buokiia Ana botanaomata bwa a na rikirake? (taraa Aramwa 37:13; 48:15–16).

Ominai 1:25–26

“Nakon Kristo, ae Atuan Iteraera ae Tabu.”

Te kakao ae “Nakon Kristo” e mwaiti okiokina n Ana Boki Moomon. Ni koauana, teuana bukin raoi te boki bon karababaan te kakao aei nakoia aomata ni kabaneia. Ngkai ko wareka Ominai 1:25–26, tera taeka ke mwakoro n taeka aika ko kunei are a kabwarabwaraa bwa ko na kanga n nakon Kristo? Tera ae ko kona ni karaoia bwa ko na nako Ina n ae bwanin riki?

Moomon e Ikotii Bwaatua Aika Koora,, iroun Jorge Cocco

Ana Taeka Moomon 1:1–8

Te Atua e na bon mwakuri rinanora ngkana ti iriira Ana kairiiri.

Teuana bukina e kaira nanon Moomon te Uea ni karina ana bwaatua aika a uarereke Nibwaai n Ana Boki Moomon bwa ibukina e ataia te Atua bwa te moan baa are 116 ake a tia n rairaki a na bua (taraa Reirei ao Berita Aika a Tabu 10; Saints, volume 1, chapter 5). Bukin tera ko kakaitau bwa Moomon e kaawakin ana kaetieti te Uea ni kairi koroboki aikai (ae kanoana te 1 Nibwaai ni karokoa Ominai)? Tera bukina ngkai Moomon e anga bwa ana kaairaki? (taraa Ana Taeka Moomon 1:3–7). N ningai ae ko a tia n noora te Atua ni mwakuri iroum ke irouia tabeman?

Ibukin iango riki tabeua, taraa te beeba ni kaongora n te namwakaina aio n te Riaona ao Ibukin Kakorakoraia Kairake maekatiin.

Iango ibukin Reiakinaia Ataei

Enoti 1:1–5

I kona n taetae nakon Tamau are i Karawa rinanon te tataro.

• Ko na kanga ni buokiia am ataei ni karaoi aia tataro bwa e na iai riki nanona? Iangoia ni kaotia nakoia tamnein Enoti ngke e tataro; anganiia bwa a na kabwarabwaraa te bwai are a nooria. A kona ngkanne ni kamakii mataia ao a na iangoia bwa a taetae ma Tamara are i Karawa n itaramata. Tera ae a tangiria ni maroroakinna ma Ngaia? Tera te bwai ae tangiria n taekinna nakoia?

• Ngkai ko wareka ni kabaibati Enoti 1:1–5, a kona ataei ake a uarereke ni baka n riki bwa Enoti man karaoan te kaeman, katorobubua n tataro, ao a bati riki. A kona ni kakauongo ataei ake a ikawai riki nakon taeka ke mwakoro n taeka are a kabwarabwara ana tataro Enoti. Tera ae reireiniira taeka aikai ibukin ana tataro Enoti? Tibwa te tai are e “baki ” iai tamneim ao ko “wewete nakon” te Uea (Enoti 1:4).

Ngkai natin te Atua, ti kona n tataro nakon Tamara are i Karawa.

Enoti 1:2–16

Te Tama are i Karawa e ongo ao e kaekai au tataro.

• Ko na kanga ni buokiia am ataei ni kaotaia bwa Tamara ae i Karawa e na ongo ao e na kaekai aia tataro? Bairea kaoakiia bwa a na koroi ni karinanii bwaai tabeua are aki toki n tataro ibukina. Imwiina ko kona ni buokia bwa a na kakaea te bwai are e tataro ibukina Enoti n Enoti 1:2, 9, 13–14, ao 16 (taraa naba “Mwakoro 11: Enoti,” Book of Mormon Stories, 30–31).

  Tera mwiin ana tataro Enoti? (tarai kiibu 6, 9, 11).

  Tera ae ti reiakinna man mwin ana tataro Enoti bwa arora ni kanakoraoa ara tataro?

• Bootaki n anenea te kuna iaon te tataro, n aron “A Child’s Prayer“ (Children’s Songbook,12–13). Tao a kona n katei baia am ataei ni katoa te tai are a ongo iai te taeka ae “tataro” ke “te tataro” ke te taeka riki teuana ae okioki. Tuangiia am ataei tabeua kawai ake e a tia iai Tamara are i Karawa ni kaekai am tataro.

Ana Taeka Moomon 1:3–8

I kona ni kakabwaiaia tabeman ngkana I kakauongo nakon te Tamnei ae Raoiroi.

• E iriira ana kairi te Tamnei ae Raoiroi Moomon ni karinii ana bwaatua aika a uarereke Nibwaai n ana Boki Moomon. Bwaai ni kabane ake ti a tia n reiakin n ana Boki Moomon n te ririki aei a tia n reke iroura ibukina bwa e karaoa te rinerine Moomon bwa e na kakauongo nakon te Tamnei. Ko na kanga ni buokiia am ataei bwa a na reiakina aron te kakauongo nakon te Tamnei? Kaoiia bwa a na ikaruoruo ni wareki kiibu man Ana Taeka Moomon 1: 3–8. Ko kona n taetae iaon te bwai are a reiakinna man taian kibu akanne. A kona ngkanne am ataei ni karaoa are imwiina:

  • Tibwaia bwa tera ae a tia n reiakinna man karaki n ana Boki Moomon n te ririki aei (tamnei man Nakomai, Iriirai a kona n buokiia ni kauringiia).

  • Anenea te anene ibukin te Tamnei ae RaoiroI, n aron “The Still Small Voice” (Aia Boki n Anene Ataei,106–7).

  • Taetae iaon taneiai are a kairaki iai iroun te Tamnei bwa a na karaoa te bwai teuana are e kakabwaia iai temanna riki.

Ibukin iango riki tabeua, taraa te beeba ni kaongora n te namwakaina aio n te Rao maekatiin.

Enoti ngke e Tataro, iroun Robert T. Barrett