Mwakoro 11

Enoti

Enoti bon natin Iakobwa te mwaane. E kawakin bwaatua ao ni koroboki i aoia imwin maten tamana.

Iakobwa 7:27

N te bong teuana ao e kaeman Enoti n te buakonikai. E iangoi ana reirei tamana ao e tangiria ni kabwarai ana bure.

Enoti 1:3–4

Enoti e katorobubua ao e tataro nakon te Atua. E tataro ni kabongnga ao e bon tataro naba ngke e a bong.

Enoti 1:4

Te Atua e tuanga Enoti bwa ibukin ana onimaki inanon Iesu Kristo, a kabwaraaki ana bure.

Enoti 1:5, 8

E tangiria te Uea Enoti bwa e na kakabwaiaia Nibwaite. E tataro ibukiia, ao te Uea e taku bwa e na kakabwaiaia ngkana a ongeaba n ana tua.

Enoti 1:9–10

E tangiria naba Enoti bwa e na kakabwaiaia Reimwanaite. E tataro ma te onimaki ae korakora, ao te Uea e berita ni karaoa are bubuti Enoti.

Enoti 1:11 -12

Engae ngke Reimwanaite a buakaniia Nibwaite ao a kataia ni urui aia reekoti, Enoti e tataro bwa a na karikaki bwa aomata aika a raoiroi.

Enoti 1:13 -14

E tataro Enoti bwa reekoti ake e kawakin a na kamanoaki. E berita te Uea bwa n te taina e na anganiia Reimwanaite reirei ake a mena iaon taian reekoti.

Enoti 1:16

E kabwarabwara Enoti nakoia tenaan Nibwaite. E tangiria bwa a na kakoaua te Atua ao ni kawakin taian tua.

Enoti 1:10,19

Tenaan Nibwaite a kataia n reirei te euangkerio nakoia Reimwanaite, ma a aki kan ongo. Reimwanaite a ribaiia Nibwaite.

Enoti 1:20

E kabanea maiuna Enoti n reireiniia aomata aron Iesu ao te euangkerio. E beku ibukin te Atua ao n tangiria n ana bong ni maiu.

Enoti 1:26 -27