Mwakoro 33

Koraki ake a Tangira Temanna n Uea ni Kaaitaraia Aomata ake a Inaomata

Tabeman Nibwaite a tangira te mataniwi n tia moti, Bwaoraan, e na bitii tabeua tuua.

Aramwa 51:2–3

Ngke Bwaoraan e rawa, aomata a moanna nuun ao a tangiria ni kakerikaaka Bwaoraan man te mataniwi n tia moti. A tangiria ni iai aia uea, tiaki te tia moti.

Aramwa 51:3–5

Koraki ake a tangira temanna bwa e na Uea, aia kantaninga bwa temanna mai ibuakoia e na riki bwa te uea ao ni karekea te mwaaka iaoia aomata.

Aramwa 51:5, 8

Tenaan Nibwaite ake a tangiria ni katuka Bwaoraan bwa te mataniwi n tia moti aranaki bwa aomata ake inaomata. A tangiria n inaomata ni maeka ao n taromauri n aron are a rineia.

Aramwa 51:6

Aomata a rinerine imarenaia aomata ake inaomata ao koraki ake a tangira temanna bwa e na uea. Angiina a rinerine ibukiia aomata ake inaomata.

Aramwa 51:7

N te tai naba anne, Amarakaai e ikoikotiia aia taanga ni buaka Reimwanaite ae bubura n ekinakoia Nibwaite.

Aramwa 51:9

Ngke a ongo te koraki ake a tangira temanna bwa e na uea bwa a nang roko ana taanga Reimwanaite, a rangi ni kukurei ao a rawa ni buoka kamanoan abaia.

Aramwa 51:13

Kaaben Moronaai e rangi n un irouia koraki ake a tangira temanna bwa e na uea ibukina bwa aki buaka. E a tia ni mwakuri korokora ni kawakiniia tenaan Nibwaite bwa ana inaomata.

Aramwa 51:14

E bubutiia te kowana ibukin te mwaaka ni karaoiia koraki ake a tangira temanna bwa e na uea n ae a na buaka ke n tiringaki.

Aramwa 51:15

Ngke te kowana, Bwaoraan, e angan Moronaai te mwaaka aei, Moronaai e kairiia ana taanga ni buakaniia te koraki ake a tangira temanna bwa e na uea.

Aramwa 51:16–18

Angiia koraki ake a tangira temanna bwa e na uea a tiringaki; tabeman a karinaki inanon te karabuti. Nikiraia a kariaia ni buoka abaia ni kaaitaraia Reimwanaite.

Aramwa 51:19–20