Mwakoro 25
Aaron E reireina Taman TE UEA AE RAMONAAI
Te Tamnei E kaira Aaron ao toana nakon aban Niibwaai n reireina taman Ramonaai, te uea iaoia ni kabane Reimwanaite.
Aaron e tuanga te uea bwa ngaia tarin Amon. Te uea e tia ni kaman ni iangoa aron ana akoi Amon ao ana taeka Amon bwa tera e a tia n taekinna nakoina.
Aaron e titirakina te uea ngkana e kakoaua te Atua. E kaeka te uea bwa e aki koaua ma e taku bwa e na kakoaua ngkana e taku Aaron bwa iai te Atua. E kamatoa Aaron nakon te uea bwa e maiu te Atua.
Aaron e wareki booki aika tabu. E reireinna aron karikan aonaaba, bwaakan Atam, ao ana mwakuri Iesu Kristo.
Te uea e titiraki bwa tera ae na karaoia bwa e aonga n reke te Tamnei are Raoiroi ao n tauraoi ni maeka ma te Atua. E motinnano te uea ni karaoia, e ngae ngkana e anga abaniueana.
Aaron e tuanga te uea e kainnanoaki te rairanano ae koaua man ana bure. E riai bwa e na tataro ao n onimakina te Atua.
E tataro te uea ni kan ataia ngkana iai te Atua. E taku bwa e na kitan ana bure ni kabane.
E bwaka te uea nako aontano ao e taraa ni mate. Ngke e nooria te uea n aine, e taku bwa Aaron ao toana a tiringnga.
Te uea n aine e tuangiia ana toro bwa a na tiringa Aaron ma toana, ma a maaku tooro ni karaoia. E kanakoia bwa a na kakaeia aomata tabeman ake a na karaoia.
Imwain bootakia te koraki ae mwaiti ao ni karika te kangaanga, Aaron e anaa bain te uea ao n tuangnga bwa e na teirake. E teirake te uea.
E karaua nanon buuna te uea ao tenaan toro ao ngkanne e reireiniia te euangkerio. A bane ni kakoaua inanon Iesu Kristo.