Mwakoro 50

Tenaan Iaretaite a kitana Babera

Iareta ma tarina bon mwaane aika raoiroi ake a maeka n te kaawa ae bubura ae Babera. A maeka tebubua te ririki imwaia tenaan Nibwaite.

Ita 1:33; Karikan Bwaai 11:9

Angiia aomata i Babera a buakaka. A katea te taua ni kataia bwa e na roko i karawa. Te Uea e moanna n un ao e bita aia taetae.

Karikani Bwaai 11:4, 7

Iareta e bubutia tarina bwa e na tataro ao ni bubutia te Uea bwa e na aki bita aia taetae aia utu ao raoraoia.

Ita 1:34

Tarin Iareta e tataro, ao te Uea e kaeka ana tataro. Iareta, tarina, ao aia utu ao raoraoiia a bon teimatoa n oota n aia taetae temanna nakon temanna.

Ita 1:35–37

Te Uea e tuanga tarin Iareta bwa e na ikotiia ana utu ao raoraona ao ni kitana te aba. A uotii aia man ao aekakin nako koraa ma ngaiia.

Ita 1:41–42

Te Uea e taku bwa e na kairiia tenaan Iaretaite nakon te aba ni berita.

Ita 1:42

Tenaan Iaretaite a karekei manikiba ao ika ni uotii ma ngaiia.

Ita 2:2

A uoti bwariko ni manibeeru.

Ita 2:3

Tenaan Iaretaite a mwananga inanon te rereua. Te Uea e taetae nakoiia man te nang ao e tuangiia bwa e ngaa kawaia are a na toua.

Ita 2:5

Te Uea e taku bwa aomata ake a maeka inanon te aba ni berita a riai ni beku ibukin te Atua ke a na kamaunaaki.

Ita 2:7–8

Ngke tenaan Iaretaite a roko i mataniwiin te aba, a katei aia umanrianna. A tiku imataniwiin taari inanon aua te ririki.

Ita 2:13