Kabwarabwaraana

Nakon Te Tia Wareware

Karakin Ana Boki Moomon aikai a koreaki n onoti ibukimi. Taian karaki a anaaki man te boki are tabu ibukina bwa e roko mairoun Tamara are i Karawa. Ngkana kam wareki karaki aikai, uringnga bwa bon taekaia aomata ni koaua ake a maeka i Amerika n te tai ae maan ngkoa.

Imwin warekan karaki n te boki aei, ko na tangiria naba ni kan warekia man Ana Boki Moomon. Iaan tamnei n tatabeua ko na nooria bwa ko na kunea te karaki anne iia inanon Ana Boki Moomon. Tuanga tamam, tinam, tia reirei, ke raraom bwa a na buokiko.

Ngkana ko aki ataa nanon te taeka, taraia n “Taeka aika a na Ataaki” n te mwakoro ae i akuun te boki aei. Rongorongoia aomata ao taabo aika oti inanon Ana Boki Moomon a karinaki naba i akuun te boki.

Nakoia Kaaro ao Taan Reirei

Te boki aio e na buokiko n reiakinii booki aika tabu. Tibwaua am koaua n Ana Boki Moomon, ao kaungaia ake ko reireiniia bwa a na kakaea oin aia koaua. Aia atatai e na rikirake ngkana ko wareka nakoia bwaninin te rongorongo ae mamate nanoia iai man Ana Boki Moomon.