Mwakoro 29

E Reirei Aramwa aron te Onimaki ao ana Taeka te Atua

Aramwa e reireinia Tioramwaite aron te onimaki. A taku aomata ake a bubuti ibukin te kanikina imwain ae a na kakoaua akea aia onimaki.

Aramwa 32:17–18

E taku Aramwa te onimaki bon kakoauan te bwai teuana are e aki nooraki.

Aramwa 32:21

E taekinna bwa te onimaki e rikirake ngkana te aomata e tangiria ni kakoaua ao ni kakauongo nakon ana taeka te Atua. Te taeka ngkanne e unikaki inanon te aomata, ao ai aron te koraa e moana bwebwena.

Aramwa 32:27–28

Ngkana te aomata ae reiakina riki te euangkerio, e tebenako bwebwena ao e rikirake. E ataia te aomata bwa e raoiroi te koraa, ao ana onimaki neienne ke teuanne e rikirake ni korakora.

Aramwa 32:30

E taku Aramwa bwa te koraa ae raoiroi e karekea te uanikai ae tamaroa, ana taeka te Atua e uoti kakabwaia nakoia aomata ake a onimaki.

Aramwa 32:31, 41–43