Mwakoro 47

Iesu Kristo E Kakabwaiaia Ana Abotoro

N te bong teuana ngke ana reirei a ikotaki n aki mamatam ao n tataro, Iesu Kristo e roko nakoia.

3 Nibwaai 27:1–2

Ana reirei a titirakinna bwa tera ae a na arana te Ekaretia iai. E taku Iesu e riai n aranaki imwina ibukina bwa bon ana Ekaretia.

3 Nibwaai 27:3, 7

Iesu e kabwarabwara nakoia ana reirei bwa Tamara are i Karawa e a tia ni kanakoa nako aon te aba n anga maiuna ibukiia aomata ni kabane.

3 Nibwaai 27:14

E taku bwa aomata ni kabane ake a rairinanoia, a bwabetitoaki n arana, ao a ongotaeka nakon ana tua a na riki n akea aia bure imatan Tamara are i Karawa.

3 Nibwaai 27:16

Te Tia Kamaiu e tuangiia ana reirei bwa a na karaoi bwaai ake a tia n nooria bwa e karaoi. E a tia ni kaoti katooto ibukiia.

3 Nibwaai 27:21

E tuangiia naba bwa a na koreia bwa tera are a tia n noori ao n ongo n te aro are tabeman a na kona n atai taekaia.

3 Nibwaai 27:23–25

Iesu e titirakinia ana reirei bwa tera ae a tangiria mairouna. Ruaman mai buakoia a tangiria n mena irarikina imwin tokin maiuiia iaon te aba.

3 Nibwaai 28:1–2

Iesu e berita nakoia bwa ngkana a roko ni 72 aia ririki ni maiu, a na nakoina i karawa.

3 Nibwaai 28:3

Ana reirei ake teniman aki kan tuatua bwa tera ae a tangiria, ma Iesu e ataia. A tangiria ni kan tiku iaon te aba ao n reirei te euangkerio ni karokoa manga okin Iesu.

3 Nibwaai 28:5–6, 9

Te Tia Kamaiu e berita nakoia bwa a na bon aki rootaki n te maraki ke te nanokawaki ao a na aki mate. A na reireiniia aomata te euangkerio ni karokoa e oki.

3 Nibwaai 28:7–9

Iesu e ringiia ana reirei n tatabemaniia ma ti koraki ake teniman ake a tangiria n tiku iaon te aba. Imwiina e nako.

3 Nibwaai 28:12

Reirei ake teniman a uotaki nakon karawa, ike a noora ao n ongo mwaitin bwaai aika a kamiimi. A konaa riki n rangi ni mataata ni bwaai ake mairoun te Atua.

3 Nibwaai 28:13, 15

Rabwataia a bitaki n te aro are a na aki kona ni mate.

3 Nibwaai 28:15

Reirei ake teniman a oki nako aon te aba ao ni moana aia kabwarabwara ao bwabetito.

3 Nibwaai 28:16, 18

Nibwaite ake a buakaka a tewenakoia reirei ake teniman inanon te karabuuti ao inanon te manono ae nano, ma mwaakan te Atua e buokiia ni kaotinakoia.

3 Nibwaai 28:19–20

Ngke a butuaki nako nanon te tabo ni kanai ai ao inanon neia maan aika kaakang, a kamanoaki naba man mwaakan te Atua.

3 Nibwaai 28:21–22

Reirei ake teniman a reitinako ni kabwarabwara ana euangkerio Iesu Kristo nakoia tenaan Nibwaite. A bon teimatoa ni kabwarabwara ana euangkerio.

3 Nibwaai 28:23, 27–29