Mwakoro 30

Aramwa e REIREINIIA Natina Mwaane

Aramwa e aki kukurei ibukina bwa a moanna n rangi ni bubuaka taian Nibwaite. E taetae nakoia natina mwaane n tatabeman n taekan maiuakinan te raoiroi.

Aramwa 35:15–16

Aramwa e tuanga Ereman, natina te karimoa, bwa e na kakoaua te Atua. E tuanga taekan te anera are e kanakoa te Atua n tuanga Aramwa bwa e na toki n aki manga uruana te Ekaretia.

Aramwa 36:3, 6

Inanon teniua te bong Aramwa e a tia ni korakai ibukin ana kaairua. Ngkanne e uringa ana reirei tamana ibukin taekan Iesu, ao e ataia bwa ana bure e na bon kabwaraaki.

Aramwa 36:16–17

Aramwa e tataro ibukin kabwaraan ana bure, ao te kimwareirei e onea mwin te maraki inanon tamneina. E bon kabwaraaki ana bure ibukina bwa iai ana onimaki iroun Iesu Kristo ao n tia n rairananona.

Aramwa 36:18–20

Man te tai anne Aramwa e a tia n reireiniia tabeman te euangkerio bwa a aongani kona n namakina te kimwareirei n aron are e a tia n namakinna. Te Atua e a tia ni kakabwaia Aramwa ibukin ana onimaki iroun te Atua.

Aramwa 36:24, 27

Aramwa e angan Ereman reekoti aika tabu ao e tuangnga n reitinako ni koroboki iaon rongorongoia aia aomata.

Aramwa 37:1–2

Aramwa e tuangnga bwa ngkana e kawakin tuua, te Atua e na kakabwaia ao ni buokiia ni kawakina te reekoti.

Aramwa 37:13, 16

Aramwa e tuanga naba Ereman n tataro ni katoa ingabong ao tairiki ao n taetae ma te Atua n taekan bwaai ni kabane ake e karaoi n te aro bwa te Atua e na kona ni kairia.

Aramwa 37:36–37

Aramwa e kukurei iroun natina te mwaane ae Tiburon, are e a tia n riki bwa te mitinare ae ninikoria nakoia Tioramwaite. Tiburon e a tia n tiku n onimaki e ngae ngke a tia ni karebanaia.

Aramwa 38:3–4

Aramwa e kauringa Tiburon bwa ti te kawai ni kamaiuaki bon rinanon Iesu Kristo. Aramwa ngkane e kaungaia natina mwaane bwa a na reitinako n reirei te euangkerio.

Aramwa 38:9–10

Natin Aramwa te mwaane ae Korianton e aki kawakin tuua. E a tia n riki bwa te mitinare ae aki kakaonimaki ngke e reireiniia Tioramwaite.

Aramwa 39:2–3

Ibukin te bwai are e a tia ni karaoia Korianton, tenaan Tioromwaite a aki kakoaua ana reirei Aramwa.

Aramwa 39:11

Aramwa e tuanga Korianton bwa aomata aki kona ni karaba aia bure mairoun te Atua ao bwa Korianton e kainnanoa te rairannano.

Aramwa 39:8–9

Aramwa e reireina natina te mwaane bwa aomata ni kabane a na manga kautaki ma ti koraki ake a raoiroi a na maeka ma te Atua.

Aramwa 40:9–10, 25–26

Te maiu aio bon te tai ibukiia aomata n rairinanoia ao ni beku ibukin te Atua, e taku Aramwa.

Aramwa 42:4

Kauringaan Korianton bwa e a tia ni weteaki n riki bwa te mitinare, Aramwa e tuangnga bwa e na oki nakoia tenaan Tioramwaite ao n reireiniia aomata n rairinanoia.

Aramwa 42:31

Aramwa ao natina mwaane a reitinako n reireia te euangkerio. A reirei man mwaakan te nakoanibonga.

Aramwa 43:1–2