Mwakoro 27

Korioa

Te mwaane ae arana Korioa e roko nakoTaraemera. E aki kakoaua Iesu Kristo ao e kabwarabwara bwa bwaai ake a taku burabeti ibukin te Tia Kamaiu a aki koaua.

Aramwa 30:6, 12–14

Korioa e tuangiia aomata bwa a nanobaba ngkai a kakoaua bwa Iesu e na roko nako aonteaba ao ni mate ibukin aia bure.

Aramwa 30:16

E taku bwa aomata a aki kona ni katuaaeaki ibukin aia bure ibukina bwa akea te maiu imwiin te mate. A mwaiti aomata aika kakoaua Korioa. A riki ni buakaka.

Aramwa 30:17–18

Korioa e kataia ni kabwarabwara nakoia ana aomata Amon, ma a aki kan ongo. A kabaea ao ni kairia nakon Amon, are kaotinakoa man te kawa.

Aramwa 30:19–21

Korioa e nakon aban Kiteon, ma aomata ikekei a aki kan ongo naba irouna. Mataniwiia tan moti e kanakoa nakon Aramwa.

Aramwa 30:21, 29

Aramwa e titirakina Korioa ngkana e kakoaua te Atua. Korioa e taku bwa e aki. Aramwa e kakoaua bwa iai te Atua ao Kristo e na roko.

Aramwa 30:37–39

Korioa e tangira Aramwa ni karaoa te kakai ni kakoaua bwa iai te Atua. E taku Korioa e na kakoaua te Atua ngkana e noora te kanikina ni mwaakan te Atua.

Aramwa 30:43

Aramwa e tuanga Korioa bwa e a tia n noori kanikina aika mwaiti ni mwaakan te Atua n rinanon booki aika tabu ao aia kakoaua burabeti.

Aramwa 30:44

E taku Aramwa te aonaaba ao bwaai ni kabane iaona ao mwakurin taian buraneti i karawa ngaia naba kanikina bwa iai te Atua.

Aramwa 30:44

Korioa e bon rawa naba ni kakoauaa. E nanokawaki Aramwa ni buakakan Korioa ao e kauringnga bwa tamneina e kona ni kamaunaaki.

Aramwa 30:45–46

Korioa e rangi n tangira kaotan te kanikina ni kakoaua bwa iai te Atua. Aramwa e taku bwa te kanikina ma iroun te Atua are Korioa e na aki kona n taetae.

Aramwa 30:48–49

Imwiin taekinan aio iroun Aramwa, Korioa e aki kona n taetae.

Aramwa 30:50

Korioa e korea ae e ataa te kanikina aei bwa bon mairoun te Atua ao e a kaman ataia n taainako bwa iai te Atua. E butiia Aramwa bwa e na tataro man kanakoa te maraia.

Aramwa 30:52, 54

E ataia Aramwa bwa ngkana e a manga kona n taetae Korioa e na manga kewe riki nakoia aomata. Aramwa e taku e na baireia te Uea ngkana e na manga taetae Korioa.

Aramwa 30:55

Te Uea e aki kaoka ana taetae Korioa. Korioa e nakon te auti teuana ma teuana, ni bubuti kanana.

Aramwa 30:56

Mataniwiia taan moti e kanakoa te reta iaon te aba ni kabutaa n tuangiia te bwai ae riki nakon Korioa. E tuangiia ake a kakoaua Korioa bwa a na rairinanoia. A rairinanoia aomata.

Aramwa 30; 57–58

E nako Korioa ni maeka ma Tioramwaite. N te bong teuana ngke e bubuti, e taobekaaki ao e mate.

Aramwa 30:59