Mwakoro 5

TE MWANANGA inanon te Rereua

taari mwaane a nakonako inanon te rereua

Te Uea e tangiriia natin Riaai mwaane bwa a na karekeia buuia bwa aonga n reireiniia natiia te euangkerio. E tuanga Riaai bwa e na kanakoia natina mwaane n okira Ierutarem ao ni kairia ana utu Itimaera.

1 Nibwaai 7:1–2

E taetae Nibwaai nakon Itimaera

Nibwaai ao tarina a oki nako Ierutarem. A tuanga Itimaera bwa tera ae tangiria te Uea bwa e na karaoia. Itimaera e kakoauaia, ao ngaia ma ana utu a nako ma natin Riaai mwaane.

1 Nibwaai 7:3–5

Reimwan ao Remuera a un iroun Nibwaai

Ngke a mwananga rinanon te rereua, Reimwan ao Remuera ao tabeman ana utu Itimaera a moanna n un. A tangiria n okirikaaki nako Ierutarem.

1 Nibwaai 7:6–7

Nibwaai e taetae nakon Reimwan ao Remuera

Nibwaai e kauringiia Reimwan ao Remuera bwaai ni kabane ake e karaoi te Uea ibukiia. E tuangiia bwa a na karekea aia onimaki ae korakora. A rangi n un iroun Nibwaai ma aki oki nako Ierutarem.

1 Nibwaai 7:8–13, 16, 21

taanga a na mareaki

Nibwaai, tarina, ao Tioram imwina a mareaki ma natin Itimaera aine.

1 Nibwaai 16:7

Riaai e taua te Riaona

Te Uea e tuanga Riaai n reitanako mwanangana. Te ingabong are imwina Riaai e kunea te booro ae mronron i aontano ae te buraati ae aranaki bwa te Riaona itinanukun ana umwanrianna. E kotea te kawai ae ti riai n toua inanon te rereua.

1 Nibwaai 16:9–10

mwananga n utu

Ana utu Riaai a ikoti amwarake ao koraa ao a barongai aia umwanrianna. A mwananga rinanon te rereua inanon boong aika mwaiti, n irira kairaia man te Riaona.

1 Nibwaai 16:11–16

kakae man

Nibwai ao tarina a kabonganai kainitatebe ao kanoana ni kakae kanaia ngke a mwananga.

1 Nibwaai 16:14–15

uruakin te kainikatebe

Ana kainikatebe Nibwaai ae te biti e uruaki, ao aia kainikatebe tarina akea korakoraia. Tarina aki kona n tiringiia maan, ngaia ni kabane a bane ni bora ni baki. Reimwan ao Remuera a rangi n un.

1 Nibwaai 16:18–21

kainikatebe ae te kai

Nibwaai e karaoa te kainikatebe man te kai ao e tuanga tamana te tabo ae e na kaeman iai. Riaai e karekea te kairi inanon te Riaona. Nibwaai e iriira kairan kawaina ao e kunei tabeua maan.

1 Nibwaai 16:23, 26, 30–31

Riaai e taua te Riaona

Te Riaona e ti mwakuri ngkana ana utu Riaai a kakaonimaki, a nanomatoa, ao a ongotaeka.

1 Nibwaai 16:28–29

Nibwaai e oki ma te amwarake

Nibwaai e oki ma maan are e kunei. Ni kabane aomata a kukurei n reken te amwarake. A rangi n nanokawaki ngke a rangi n un, ao a kakaitau nakon te Atua ibukin kakabwaiakiia.

1 Nibwaai 16:32

Natin Itimaere aine

Te mwananga e bon aki beebete. N taainako ana utu Riaai a kua, a baki ao a taka. E mate Itimaere ao natina aine a nanokawaki. A ngurengure ni kaitara Riaai.

1 Nibwaai 16:34–35

Reimwan ao Remuera

Reimwan ao Remuuera a ngurengure naba. Aki kakoaua bwa te Uea e bon taetae nakon Nibwaai. A tangiria n tiringa Riaai ao Nibwaai ao n oki nako Ierutarem.

1 Nibwaai 16:37–38

Reimwan ao Remuera

Bwanaan te Uea e taetae nakoia Reimwan ao Remuera. E tuangiia bwa a na aki un irouia Riaai ma Nibwaai. Reimwan ao Remuera a rairinanoia.

1 Nibwaai 16:39

Ana utu Riaai

Ana utu Riaai a reitinako ma kaangaangan te mwananga. Te Atua e buokiia ao e kakorakoraiia. A bungiaki ataei. Riaai ao Tiera a karikiia riki naati mwaane, araia Iakobwa ao Iotebwa.

1 Nibwaai 17:1–3; 18:7

mwanangan te utu

Imwin mwanangaia inanon te rereua inanon waniua te ririki, ana utu a roko irarikin taari. Ikekei a kunei uaanikai ao ana karewe te maniberu. A arana te tabo bwa te Aba ni Mari.

1 Nibwaai 17:4–6