Mwakoro 52
Kamaunakiia tenaan Iaretaite
A rikirake ni mwaiti tenaan Iaretaite ao n riki ni kaubwai. A rinea te uea bwa aia tia kairiri.
A bwaka nako ririki, ao tenaan Iaretaite a rikirake ni buakaka. Te Uea e kanakoia burabeti n tuangiia bwa a na rairi nanoia bwa a rawa ni kamaunaaki.
A aki ongo aomata irouia burabeti. A kataia n tiringiia.
Iai taian buaka ao taian rongo i aon te aba. E mwaiti Iaretaite aika mate.
Te Uea e kanakoa riki te burabeti temanna, arana Ita. E kabwarabwara man te ingabong ni karokoa te tairiki, n tuangiia tenaan Iaretaite ni kakoaua te Atua ao n rairi nanoia.
Ita e tuangiia tenaan Iaretaite bwa ngkana a kakoaua iroun te Atua, a na maeka ma Tamaia are i Karawa n te aonaaba ae tamaroa riki.
Ita e tuangiia Iaretaite bwaai aika kakawaki aika mwaiti, ma aki kakoauaa. A karaoia bwa e na kitana te kawa.
E karabaa Ita n te ngaina n te bwanganimatang bwa e na aki kamateaki. N te tairiki e otinako ao e noora te bwai ae riki irouia Iaretaite.
E bane ni korea rongorongoia Iaretaite ngke tabe ni karaba.
Te Uea e kanakoa Ita nakon Koriantamwa, are bon aia uea Iaretaite ae buakaka. Ita e tuangnga bwa e na raira nanona ke e na maiu n nooria ana aomata ni kamateaki.
Koriantamwa ao ana aomata a aki rairi nanoia. E kataia bwa e na tiringa Ita, ma Ita e birinako ao ni karaba n te bwanganimatang.
A buakaka aomata ma ngaia are te Uea e kamaraia te aba. A aki kona ni katikui aia bwai ni mwakuri ke aia kabaang bwa n te bong are imwiina a na bua bwaai akanne.
A bane ni buaka Iaretaite n taian buaka, ni ikotaki ma aine ao ataei. Koriantamwa e kaira teuana te taanga ao te mwaane ae arana Tiiti e kaira are teuana.
Koriantamwa ao Tiiti a kaai ni buakaka. Te Tamnei are Raoiroi e a kitaniia Iaretaite ibukin aia buakaka. Tatan e a roko mwakana ae korakora iaoia.
Tenaan Iaretaite a buaka ni karokoa Koriantamwa ao Tiiti a tiku n tii ngaiia te nikira. Ngke e tong Tiiti man buan rarana ae mwaiti, Koriantamwa e kabakua roroana.
Ana taetae ni burabeti Ita e koro bukina: Koriantamwa bon te kabanea ni Iaretaite ae maiu. E kuneaki Koriantamwa irouiia ana botanaomata Taraemera.
E a tabwanin ana koroboki Ita n rongorongoia Iaretaite. A tia ni kamaunaaki ibukin aia buakaka. Aia rekooti Iaretaite a kuneaki imwiina irouia Nibwaite.