Mwakoro 1

Ti Kanga Ni Karekea Ana Boki Moomon

Iotebwa e taratarai ekaretia

Ngke te 14 ana ririki Iotebwa Timiti, a mwaiti ekaretia a taekinna bwa a koaua, ao e aki ataia bwa e ngaa ae e na iria.

Rongorongon—Iotebwa Timiti 1:5–10

Iotebwa e wareka te Bwaibara

N te bong teuana Iotebwa e wareka Iakobo 1:5 inanon te Baibara: “Ngkana akea ana rabakau temanna i buakomi, ao e na butia te Atua.” Iotebwa e tangiria n ataia bwa e ngaa te aro ae koaua, ngaia e iangoia ni bubutia te Atua.

Rongorongon—Iotebwa Timiti 1:11–13

Iotebwa e mena n te buakonikai

Moaningabongin te Tiburing Iotebwa e nakon te buakonikai irarikin mweengana n tataro.

Iotebwa Timiti—Rongorongo 1:14

Iotebwa e tataro

Ngke e katororobua ao ni moanna n tataro, Tatan e kataia ni katokia. E tataro ni kakorakora Iotebwa, ni bubutia te Tama are i Karawa ibukin te ibuobuoki.

Rongorongon—Iotebwa Timiti 1:15–16

Tamara are i Karawa ao Iesu Kristo

Tamara are i Karawa ao Iesu Kristo a roko nakon Iotebwa inanon te oota ae te boua. Tamara are i Karawa E kotea Iesu Kristo ao n taku: “Aio Natiu ae Tangiraki. Ongo Irouna!”

Rongorongon—Iotebwa Timiti 1:16 –17

Iesu

Iotebwa e titiraki bwa e nga ibuakoia ekaretia ae e na riai ni iria. Iesu e tuangnga bwa akea ae e na riai ni kaina mai buakoia ibukina bwa a bane ni kairua.

Rongorongon—Iotebwa 1:18-19

aomata a ngareakina Iotebwa

Ngke Iotebwa e tuangiia aomata tabeman te bwai are e a tia n nooria ao n ongo, a bane ni ngareakinna. Taan kairiiri n ekaretia n te aba a bwainikirinna.

Rongorongon—Iotebwa Timiti 1:21–22

Iotebwa e tataro

Teniua te ririki n nako. Teuana te tairiki Iotebwa e tataro ibukin kabwaraakin ana bure ao ni kan ataia bwa tera ae e na riai ni karaoia.

Rongorongon—Iotebwa Timiti 1:29

E kaoti Moronaai nakon Iotebwa

Te anera ae arana Moronaai e kaoti ao e tuanga Iotebwa taekan te boki are e koreaki iaon bwaatua koora. Iotebwa e na bon rairi bwaatua aikai nakon te taetae ni Matang.

Rongorongon—Iotebwa Timiti 1:33-35

Iotebwa iaon ana kainiwene

Imwiin nakon Moronaai, Iotebwa e iangoa taekan te bwai are e taekinna nakoina. E oki Moronaai uoua te tai n te tairiki anne.

Rongorongon—Iotebwa Timiti 1:44–47

Iotebwa e tabeka te atibu

N te bong are imwiina Iotebwa e nakon te Tabuki ae Kumora, are e tia n nooria n te mii ni burabeti. Ikanne e kunea te atiibu ae rangi ni bubura. E tabekarake te atibu n te kai.

Rongorongon—Iotebwa Timiti 1:50–52

Iotebwa e taratarai tenaan bwaatua koora

Iaan te atiibu iai te bwaoki ae te atiibu. Ngke Iotebwa e taraa nanon te baoki, e noora te bwaatua koora.

Rongorongon—Iotebwa Timiti 1:51-52

Moronaai e kaoti nakon Iotebwa

Moronaai e kaoti ao e tuanga Iotebwa bwa e na aki anai bwaatua ma e na oki ni kakawaria man te bong aei ni katoa ririki ibukin aua te ririki. Ni katoa tai Iotebwa e nanako, Moronaai e reireinna.

Rongorongon—Iotebwa Timiti 1:53–54

Moronaai e kaoti nakon Iotebwa

Imwiin aua te ririki Iotebwa e a kariaiakaki n anai bwaatua koora. E kabonganai te Urim ao Tammim n rairi tabeua mai buakoia.

Rongorongon—Iotebwa Timiti 1:59, 62

Iotebwa ma te tia koroboki

Taan koroboki a buoka Iotebwa man korean taian taeka ngke e rairia man bwaatua koora.

Rongorongon—Iotebwa Timiti 1:67

Iotebwa ma te bwai ni boreeti

Iotebwa e uoti taeka ake a rairaki nakon te boreeti ao ni karaoaki nakon te boki.

Rongorongon te Ekaretia 1:71

Ana Boki Moomon

Te boki aei bon Ana Boki Moomon. E taekinaki taekaia aomata ake a maeka iaon Amerika n ririki aika mwaiti ngkoa. E taekina naba taekan Iesu Kristo, Natin te Atua.

Te kabwarabwara nakon ana Boki Moomon