Mwakoro 53
Moronaai ao Ana Reirei
Imwiin maten Moomon, Moronaai ai bon tii ngaia. E katiai taian reekoti are anganna tamana.
E ataia Moronaai bwa bwaatua koora n te bong teuana a na anaaki mai antano.
Taian taeka iaon bwaatua koora a taekina taekan Iesu Kristo. A kaota te koaua ao n reireiniia aomata aron maiuakinan te raoiroi.
Reimwanaite aika buakaka a tiringiia Nibwaite ni kabane ake a aki kakea Iesu Kristo.
E aki kona Moronaai ni kakea Iesu Kristo. E mwamwaingiing nako, ni karabaa mairouia Reimwanaite.
Moronaai e koroboki riki iaon bwaatua koora, ni kaineti nakoia Reimwanaite ni boong aika kaitira.
E koroi bwaai aika bati aika kakawaki, n raonaki ma taekan tataron te toa.
E koroia Moronaai bwa aomata aika a kona ni bwabetitoaki bon ake a kukurei n rairi nanoia man te bure ao ni beku ibukin Iesu Kristo.
Moronaai e tangiriia aomata bwa a na kakoaua iroun Iesu Kristo ao ni kinaa. E taku bwa bwaai aika raoiroi a roko mairoun Kristo.
E koreia Moronaai bwa ngkana aomata a tangira te Atua ao n rimwiina, a kona n riki ni kororaoi.
E ataia Moronaai bwa imwin matena e na manga kautaki ao ni maeka ma Tamana are i Karawa ao Iesu Kristo.