Mwakoro 13
Tinebi
Tinebi ao te kurubu n Nibwaite a kitana mweengaia i Taraemera ao ni mwananga nakon abaia Nibwaite, ake tabeman Nibwaite a maeka ngkoa iai.
A kuneia Remwanaite ake a maeka ikekei. Tinebi ao aman ana mwaane a nako n te kaawa ae bubura n taetae nakon te uea. A butia te Uea ae Raman ngkana a kona ni maeka n abana.
E taku te Uea ae Raman bwa a kona ni maeka n ana kaawa aika uoua aika bubura. Te uea e tangiriia ni kamaekaiia n abana bwa e na karaoiia bwa ana toro.
Ana aomata Tinebi a katei mweengaia ao a karaoa te oo ni katobibia aia kaawa. A uniki aekakin nako uaan te wiita ao uaanikai. A karekei naba aia nanai ni man.
Te Uea ae Raman e tuangiia ana botanaomata bwa tenaan Nibwaite a rikirake ni korakora. A rangi ni mwaiti Remwainaite ake a nako n ekinakoia Nibwaite ao a iraei aia man ao uaa n aroka.
Tenaan Nibwaite a biri nakon kaawan Nibwaai. Ikanne Tinebi e anganiia aomata kainikatebe ma kanoaia, kabaang, kain oro, ao te bana. A mwananga ni buakaniia Remwainaite.
Imwain aia buaka, tenaan Nibwaite a tataro, a bubutia te Atua ibukin buokaia. Te Atua e kakabwaiaia Nibwaite ma rakan korakoraia, ao a konaiia Remwanaite.
Imwin te buaka Tinebi e katukuia taan tararua ni katobibia aia kaawa Nibwaite. E tangiria ni kamanoia ana aomata ao aia man mairouiia Remwanaite.
Tenaan Nibwaite a maeka n rau inanon ririki aika mwaiti. Mwaane a mwakuri ni marae n aroka, ao aine a karaoi karai ao n itui kunnikai.
E mate te Uea Reimwan ao natina te mwaane e riki n uea. Te uea ae boou e kanakoia ana tanga ni buaka ni buakaniia taian Nibwaite.
Nibwaite a karekea riki korakoraia mairoun te Uea. A tirigiia mwaitia Remwanaite, ao nikiraia a birinako.