Mwakoro 3

Riaai e kitana Ierutarem

Te Atua e kukurei iroun Riaai ao teuana te tairiki e taetae nakoina inanon te mii. E tuanga Riaai n anaiia ana utu ao e na kitana Ierutarem. Riaai e ongotaeka iroun te Uea.

1 Nibwaai 2:1–3

Ana utu Riaai a boboti kanaia ao aia umanrianna. A kitan aia auti ao aia koora ao aia tirewa ao a mwananga inanon te rereua.

1 Nibwaai 2:4

Riaai ao buuna, Tiera, aman natiia mwaane. Araia bon Reimwan, Remuera, Taam, ao Nibwaai.

1 Nibwaai 2:5

Imwin mwanagaia inanon teniua te bong, ana utu Riaai a katea aia umwanrianna n te mwanono irarikin te karaanga n ran.

1 Nibwaai 2:6

Riaai e katea te bao n anga karea man taian atiibu ao e anga te karea nakon te Atua. E kakaitaua te Atua ibukin kamaiuakia ana utu man kamaunaakia.

1 Nibwaai 2:7

Riaai e arana te karaanga arei bwa Reimwan ao te mwarua bwa Remuera. Riaai e tangiriia natina mwaane n riki n aron te karaanga ao te mwarua, n reitinako ni buti nakon te Atua ao n teimatoa n aki bibitaki ni kawakin tuua.

1 Nibwaai 2:8–10, 14

Reimwan ao Remuera a taku bwa tamaia e bon baba ibukin kitanakin Ierutarem ao kaubwaia. A aki kakoaua bwa Ierutarem e na bon kamaunaaki.

1 Nibwaai 2:11, 13

Nibwaai e tangiria ni kan atai bwaai ake e a tia nooria Riaai. E tataro n kan ataia ngkana tamana e a tia ni karaoa te bwai ae eeti ni kitanakin Ierutarem.

1 Nibwaai 2:16

Iesu Kristo e kawara Nibwaai ao n tuangnga bwa ana taeka Riaai a bon koaua. Nibwaai e kakoaua ao e aki kaaitara n aron are a karaoia Reimwan ao Remuera.

1 Nibwaai 2:16

Nibwaai e tuanga tarina bwa tera are e tuanga Iesu. Taam e kakoaua Nibwaai, ma Reimwan ao Remuera aki kakoaua.

1 Nibwaai 2:17–18

Te Uea e berita nakon Nibwaai bwa e na kakabwaiaaki ibukin ana onimaki. E na riki bwa te tia kairiiri iaoia tarina.

1 Nibwaai 2:19–22