Mwakoro 16

Birinakon te Uea ae Rimwaai ao Ana Aomata

Reimwanaite a tauiia mwaitiia Nibwaite ake aki birinako ma te Uea Nooa. Reimwanaite a uotinakoiia ao anganiia te aba ma ni karaoiia bwa a na kaakabwaka te angabwai aika a rawawata.

Motiaea 19:15

Tenaan Nibwaite a karaoa Rimwaai bwa aia uea. Rimwaai bon natin te Uea ae Nooa, ma e aki buakaka n aron tamana. Bon te mwaane ae raoiroi.

Motiaea 19:17, 26

Te uea ae Rimwaai e kataia ni karekea te rau ma Reimwanaite, ma a reitinako n tararuaia Nibwaite ao a iowawa nakoia.

Motiaea 19:27–28; 21:3

N te bong teuana te Uea ae Rimwaai e nooria aomata aika raka itinanikun te kaawa. E anaiia ni katukuiia n te karabuuti. Aomata aika a raka bon Nibwaite mai Taraemera.

Motiaea 21:23–24

Aia tia kairiiri bon arana Amon. Te Uea ae Rimwaai e rangi ni kukurei n nooria. E ataia bwa Amon e na kona ni buokiia ana aomta n rabanako mairouiia tenaan Reimwanaite.

Motiaea 7:13–15

Te Uea ae Rimwaai e weteiia ana aomata bwa ana ikotaki. E kauringiia bwa man buakakaia ae ngaiabon bukin ae a tauaki irouiia Reimwanaite.

Motiaea 7:17, 20

E tuangiia ana aomata bwa ana rairinanoia, kakoaua te Atua, ao n ongotaeka nakon tuua. Ngkanne te Atua e na buokiia n rabanako.

Motiaea 7:19, 33

Tenaan Nibwaite a reiakinna bwa tenaan Reimwanaite ake a tararuaa te kaawa aki toki ni moi manging n te tairiki.

Motiaea 22:6

Te tairiki anne te Uea ae Rimwaai e kanakoi rakan wain nakoia taan tararua bwa te bwaintangira.

Motiaea 22:10

Te Uea ae Rimwaai ao ana aomata a reke aia tai n nakonako n rirarikiia taan tararua ake a koro ni manging.

Motiaea 22:11

Amon e kaira te Uea ae Rimwaai ao ana aomata rinanon te rereua nako Taraemera, ike a butimwaeaki iai.

Motiaea 22:13–14