Mwakoro 46: Iesu Kristo E Reirei ao e Tataro ma tenaan Nibwaite

Tenaan Nibwaite ake a noora Iesu Kristo a tuangiia raoraoiia e na manga oki n te bong are imwina. A mwaiti aomata ake a mwakuri korakora ibukin kan rokoia n te tabo are e na mena iai Iesu.

3 Nibwaai 19:2–3

Te ingabong are imwina Nibwaai ao tabeman reirei a reireiniia te kurubu are a tia n ikotaki. Ana reirei ngkanne imwina a tataro bwa a na karekea te Tamnei ae Raoiroi.

3 Nibwaai 19:6–9

Nibwaai e nako inanon te ran ao e bwabetitoaki. Ngkanne e bwabetitoiia reirei ake tabeman.

3 Nibwaai 19:11–12

Imwin tian bwabetitoaia, ana reirei a karekea te Tamnei ae Raoiroi. Te ai e taraa ni katobibiia, ao taian anera a ruo mai karawa ma ni buokiia.

3 Nibwaai 19:13–14

N tain menaia anera irarikiia reirei, Iesu e roko ao e tei ibuakoia.

3 Nibwaai 19:15

Kristo e tuangiia ni kabane Nibwaite bwa a na katorobubua iaon tano. E tuangiia a na reirei bwa a na tataro.

3 Nibwaai 19:16–17

Ngke a tabe n tataro, Iesu e nako ni kararoa teutana mairouiia aomata ao e katorobubua ao e tataro nakon te Tama are i Karawa.

3 Nibwaai 19:18–20

Iesu e karabwa Tamana are i Karawa ibukin anganakiia ana reirei te Tamnei ae Raoiroi. Ngkanne e bubuti ibukin te Tamnei ae Raoiroi bwa a na anganaki ake a kakoaua aia taeka ana reirei.

3 Nibwaai 19:20–21

Iesu e kakabwaiaiia ana reirei ngke a tabe n tataro. E moangare nakoia, ao a riki ni mainaina n aron moamoana ao kunnikaina.

3 Nibwaai 19:25

Iesu e tataro riki ibukiia ana reirei. E rangi n kukurei ma aia onimaki ae korakora.

3 Nibwaai 19:29, 35

Kristo e tuangiia aomata bwa a na toki n tataro ma a na tei matoa n tataro inanoia. Ngkanne e anganiia te toa.

3 Nibwaai 20:1–5

Akea ae e uota te kariki ke te wain, ma te Tia Kamaiu e karekea inanon te kakai.

3 Nibwaai 20:6–7

Iotebwa Timiti e taui koroboki aika tabu

Iesu Kristo e tuangiia tenaan Nibwaite bwa ana euangkerio e na kaokaki nakon te aonaaba inanon te kabanea ni bong.

3 Nibwaai 21:1, 3, 7, 9

E tuangiia bwa a na kamatebwaia koroboki aika tabu, ao e tuanga Nibwaai e na koroboki inanon te rekooti koron bukin ni kabane ana taeka ni burabeti Tamuera are te Reimwanaite.

3 Nibwaai 23:1, 9–13

Ngkanne Iesu e reireiia aomata man koroboki aika tabu. E tuangiia bwa a na reireiniia temanna ma temanna bwaai ake e a tia n reireiniia.

3 Nibwaai 23:14

Iesu e oki ni waerake nako karawa, ao ana reirei a reireiia aomata. Koraki ake a kakoua a bwabetitoaki ao karekea te Tamnei ae Raoiroi.

3 Nibwaai 26:15, 17

Tenaan Nibwaite a moanna n ongotaeka n tuua ni kaabane.

3 Nibwaai 26:20