Mwakoro 7

KABAAKIN te Kaibuke

Imwin tikuiia ana utu Riaai irarikin taari inanon boong aika mwaiti, te Uea e taetae nakon Nibwaai. E tuangnga bwa e na kabaa te kaibuke ni uotiia ana utu nakon te aba ni berita.

1 Nibwaai 17:7–8

Nibwaai e aki ata aron karaoan te kaibuke, ma te Uea e taku bwa e na kaotia nakoina. E tuanga Nibwaai mwin te tabo are e na reke iai biiti ni karaoi bwaai ni mwakuri are e kainnanoi.

1 Nibwaai 17:9–10

Reimwan ao Remuera a bwainingarea Nibwaai ibukin tangiran kabaan te kaibuke. A aki kakoaua bwa te Uea e a tia ni kaotia nakon Nibwaai bwa e na kanga ni karaoia. A rawa n ibuobuoki.

1 Nibwaai 17:17–18

Nibwaai e tuanga Reimwan ao Remuera bwa a na rairinanoia ao n aki kaaitara. E kauringiia bwa a tia n noora te anera. E tuangiia naba bwa te Atua iai mwaakana ni karaoi bwaai ni kabane.

1 Nibwaai 17:45–46

Reimwan ao Remuera a rangi n un iroun Nibwaai ao a tangiria n tewenakoa nako taari.

1 Nibwaai 17:48

Ngke a roko ni kaineta Nibwaai e tuangiia bwa a na aki riinga ibukina bwa e a kaonaki ma mwaakan te Atua. Reimwan ao Remuera a maaku inanon boong aika mwaiti.

1 Nibwaai 17:48, 52

Ngkanne te Uea e tuanga Nibwaai bwa e na riinga Reimwan ao Remuera. Ngke e karaoia Nibwaai , te Uea e katiaokiia. Reimwan ao Remuera a ataa mwaakan te Atua bwa e mena iroun Nibwaai.

1 Nibwaai 17:53–55

Nibwaai e tuanga Reimwan ao Remuera bwa a na ongotaeka nakoia aia karo ao n ongotaeka nakon te Atua. Nibwaai e taku ngkana a karaoa aei, a na kakabwaiaaki.

1 Nibwaai 17:55

Reimwan ao Remuera a rairinanoia ao a buoka Nibwaai ni karaoa te kaibuke.

1 Nibwaai 18:1

Nibwaai e nako n te maunga ni mwaitin te tai n tataro ibukin te buoka. Te Uea e reireinna bwa e na kanga kabaan te kaibuke.

1 Nibwaai 18:3

Ngke Nibwaai ao tarina a tia ni karaoa te kaibuke, a ataia bwa bon te kaibuke ae tamaroa. A karabwa te Atua ibukin buokaia.

1 Nibwaai 18:4