Mwakoro 10
Iakobwa ao Tierem
Imwain maten Nibwaai e anga bwaatua are e koroboki iaona nakon tarina ae uarereke ae Iakobwa. E raoiroi Iakobwa.
Nibwaai e tuanga Iakobwa bwa e na korei bwaai are a na buokaki iai aomata ni kakoaua Iesu Kristo.
Nibwaai e angan Iakobwa te mwaaka n riki bwa te ibonga n te Ekaretia ao n reireiniia Nibwaite ana taeka te Atua.
Imwiin maten Nibwaai a mwaiti Nibwaite aika a riki ni buakaka. E reireia aomata Iakobwa ao e tuangiia bwa a na rairinanoia man bwaai aika buakaka ake a karaoi.
Te aomata ae buakaka ae arana Tierem e nako buakoia Nibwaite, n reireiniia bwa a na aki kakoaua Iesu Kristo.
Tierem e tuangiia aomata bwa a na bon akea te Kristo. A mwaiti aomata aika a kakoaua Tierem.
Iakobwa e reireiniia aomata bwa a na kakoaua Kristo. E tangiria Tierem ni kauntaeka ma Iakobwa ao ni kairoroa bwa akea Kristo.
Ana onimaki Iakobwa inanon Iesu Kristo e aki kona ni kamwaeieiaki. E a tia n nooria anera ao n ongo bwanaan te Uea. E ataia bwa e na roko Iesu.
E mena te Tamnei are Raoiroi iroun Iakobwa ngke e kaota ana koaua nakon Tierem.
Tierem e tangiria n noora te kanikina. E tangira Iakobwa bwa e na kakoaua ae iai te Atua. E kan noora te kakai.
Iakobwa e aki kan butia te Atua ibukin te kanikina. E taku Tierem bwa e a tia n ataia bwa te bwai are reireia Iakobwa e bon koaua.
E taku Iakobwa ngkana te Atua e orea Tierem, ao anne bon te kanikina ni mwaakan te Atua.
E waetata ni bwaka i aontano Tierem. E aki kona n teirake inanon boong aika bati.
E rangi ni mamara Tierem ao e ataia bwa e nangi mate. E weteia aomata ni botiia.
E tuangiia aomata bwa e a tia ni kewe. E taku bwa a na riai ni kakoaua Iesu Kristo.
Imwiin banen ana taeka Tierem nakoia aomata, e mate. Aomata a namakina mwaakan te Atua, ao a bwaka nako aontano.
A moana aia rairanano aomata ao a wareki booki aika tabu. A maeka n te rau ao te tangira. E ataia Iakobwa bwa e a tia ni kaeka ana tataro te Atua.