Mwakoro 24
Amon E kaitibo ma Taman te Uea ae Ramonaai
Te Uea e tuanga Amon bwa e na bita kawaina n nako Matonaai ike tarina are Aron e mena n te karabuti. Te Uea ae Ramonaai e nako ma Amon.
Inanon mwanangaia a kaitibo ma taman te Uea ae Ramonaai, are bon te uea ni kabutaa abaia. E titirakina Ramonaai bwa e na nakea ma te Nibwaite ae bwanga ni kewe.
Te Uea ae Ramonaai e tuanga tamana te bwai ae riki nakon Amon ao tarina are e mena n te karabuuti. E un taman Ramonaai ao e tuanga Ramonaai bwa e na tiringa Amon man aki nako Matonaai.
E rawa Ramonaai ni kamatea Amon ao e taku bwa ngaia ma Amon a na nako ni kainaomata Aron. E a rangi ni un riki taman Ramonaai ao e anaa ana kabaang bwa e na kamatea Ramonaai.
E keerake Amon ni kamanoa Ramonaai. Taman Ramonaai e kataia ni kamatea Amon, ma e kamanoa ao e kaikoaka bain taman Ramonaai.
Ngke e noora Amon taman Ramonaai bwa e kona ni kamatea, e anga iteran abanueana ngkana e aki tiringnga.
Amon e taku bwa e tangira Aron ma toana ni kainaomataaki man te karabuuti ao e tangira Ramonaai bwa e na kona ni kawakina abanueana.
Taman Ramonaai e a ataia bwa Amon e aki kan kaikoakia. E miimi ni mwaitin tangiran natina iroun Amon. E kaoa Amon bwa e na reireinaki irouna taekan te euangkerio.
Amon ao te uea Ramonaai a nako Matonaai. Ramonaai e taetae ma te uea ikekei, ao Aron ma toana a kabwaraaki man te karabuuti.
Amon e nanokawaki n nooriia bwa e aki raoiroi tararuakiia. A tia n rangi ni karawawataaki ma a bon taotaon nanoia.