Mwakoro 12

Te Uea ae Beniamina

Te Uea ae Beniamina bon aia uea Nibwaite ae raoiroi. N aia ibuobuoki aomata aika raoiroi, e uota te raoi nakon te aba.

Ana Taekan Moomon 1:17-18

Te Uea ae Beniamina e rikirake ni kara ao e tangiria ni kan taetae nakoia ana aomata. E na tuangiia bwa natina te mwane ae Motiaea e na riki bwa te uea imwiina.

Motiaea 1:9-10

A roko aomata mai aon te aba ni kabuta ao ni ikotaki irarikin te tembora. A katei aia umwanrianna n te aro are mataroaia e kaitaraa te tembora.

Motiaea 2:1, 5-6

E taetae Te Uea ae Beniamina man te taua bwa aonga ni kona n ongo irouna taian Nibwaite.

Motiaea 2:7

E tuangiia ana aomata bwa e a tia ni kataia ma te korakora bwa e na mwakuri ibukiia. Te kawai ni mwakuri ibukin te Atua bon man te mwakuri ibukin temanna.

Motiaea 2:14,17

Te Uea ae Beniamina e tuangiia aomata bwa a na ongeaba nakon ana tua te Atua. Te koraki ake a kakaonimaki ni kawakin tuua a na kukurei ao n teuana te tai a na maeka ma te Atua.

Motiaea 2:41

E taku te Uea ae Beniamina bwa n te tai ae waekoa e na bungiaki Iesu Kristo i aon te aba. Aran tinana bwa Maria.

Motiaea 3: 5 8

Iesu e na karaoi kakai. E na kamaiua te aoraki ao ni kaoka te mate nakon te maiu. E anganiia mataki te nooraba ao bonotaninga bwa a na ongo.

Motiaea 3:5

E na korakai Iesu ao ni mate ibukin aia bure aomata ni kabane. Te koraki ake a rairinanoia ao n karekei aia onimaki iroun Iesu a na kabwaraki aia bure.

Motiaea 3:7, 11-12

Te Uea ae Beniamina e tuangiia Nibwaite bwa aomata aika buakaka a na kataerea Iesu. Ngkanne a na tauria.

Motiaea 3:9

Imwiin teniua te bong ao e na manga uti Iesu.

Motiaea 3:10

Imwin taetaen te Uea ae Beniamina, a bwaka taian Nibwaite nako aontano. A nanokawaki ibukin aia bure ao a kan rairinanoia.

Motiaea 4:1–2

Aomata iai aia onimaki iroun Iesu Kristo, ao a tataro bwa a na kabwaraaki aia bure.

Motiaea 4:2

E kaon nanoia te Tamnei are Raoiroi. A ataia bwa te Atua e a tia ni kabwarai aia bure ao e tangiriia. A namaakina te rau ao te kukurei.

Motiaea 4:3

Te Uea Beniamina e tuangiia ana aomata bwa a na kakoaua te Atua. E tangiriia bwa a na ataia bwa te Atua ngaia ae kariki bwaai ni kabane ao bwa e wanawana ao e korakora mwaakana.

Motiaea 4:9

Te Uea ae Beniamina e tuangiia aomata bwa a na nanorinano ao n tataro ni katoa bong. E tangiriia ana aomata bwa a na aki toki ni uringa te Atua ao ni kakaonimaki.

Motiaea 4:10–11

E tuangiia kaaro n aki kariaia natiia ni un ao ni kauntaeka.

Motiaea 4:14

E tuangiia bwa a na reireiniia natiia bwa a na ongeaba ao n tangira ao ni buokia aomata.

Motiaea 4:15

E kauringiia aomata bwa a na karaurau n te bwai are a iangoia, ao n taekinna, ao ni karaoia. A na kakaonimaki ao ni kawakin tuua inanon nikiran maiuia.

Motiaea 4:30

Te Uea ae Beniamina e titirakiniia aomata ngkana a kakoaua ana reirei. A bane n taku bwa a kakoauaa. E a tia te Tamnei are Raoiroi ni bitiia, ao aki manga tangiria ni bure.

Motiaea 5:1–2

A bane n anga ngaiia, ke ni berita, ni kawakin ana tua te Atua. Te Uea ae Beniamina e kukurei.

Motiaea 5:5–6

Te Uea ae Beniamina e angan natina Motiaea te nakoa bwa e na riki bwa te uea ae boou. Teniua te ririki imwina te Uea ae Beniamina e mate.

Motiaea 6:3, 5

Motiaea bon te uea ae raoiroi. E mwakuri mwaaka ao ni beku ibukia ana aomata, n aron are e kakaraoia ana karo.

Motiaea 6:6–7