Mwakoro 6
Miin Riai
Riaai e tuangiia ana utu aron te mii ni burabeti ae kakawaki are e atia ni karekea n te mii. Miin Riaai e karika kukureina ibukiia Nibwaai ao Taam ma e nanokawaki ibukin Reimwan ao Remuera.
Inanon miin Riaai e noora te mwaane ae kunnikainna n te mainaina are tuanga Riaai bwa e na rimwiina. Riaai e rimwin te mwaane nakon te tabo ae roo ae kamaroa n te rereua.
Imwiin mwanangana n te rootongitong inanon aoa aika bati, e tataro Riaai ibukin buokana.
E noora ngkanne te kai ma uana ae mainaina. Te uaanikai ae karewerewe aei e kakukureiia ake a kanna.
E kana te uanikai Riaai ao e kaonaki n te kimwareirei. E tangiriia ana utu ni katoonga te uaanikai ibukina bwa e ataia bwa e na kakukureiia naba.
Riaai e noora te karaanga ae raanga irarikin te aroka. N atun te karaanga e noora Tiera, Taam, ao Nibwaai.
E wewetea buuna ao natina mwaane n roko ni katoonga te uaanikai. Tiera, Taam, ao Nibwaai a nako ni katoonga te uaanikai, ma Reimwan ao Remuera a rawa.
Riaai e noora naba te kai te biti ao te kawai ae irariki ao e eti ni kaineta te aroka.
E nooria aomata aika mwaiti n nakonako iaon ke ni kaineta te kawai. Ibukin mabubun te roo, tabeman a kiitana te kawai ao a bua.
Tabeman a taua ni kamatoa te kai te biti ao a roko n rinanon te roo nakon te kai. A katoonga te uaanikai.
Aomata n te kateitei ae bubura ni iteran te kaaranga a kaenaenaiia te koraki ake a kana te uaanikai. Tabeman ake a tia ni kana te uaanikai a moanna ni mamaa ao a kitana te aroka.
Riaai e nooria aomata aika mwaiti ni miina. Tabeman a taua ni kamatoa te kai te biti ao ni mwananga rinanon te roo nakon te aroka. A katoonga te uaanikai. Tabeman a nakon te auti ae bubura ke a bwabwa n te kaaranga ke a bua. Reimwan ao Remuera a rawa ni kana te uaanikai. Riaai e tabeaianga ibukiia ao ni kataia ni buokiia n ongeaba nakon ana tua te Atua.