Mwakoro 2

Riaai e Kauringiia Aomata

Angiia aomata aika maeka i Ierutarem 600 te ririki imwain bungiakin te Kristo a bane ni buakaka. Te Atua e kanakoa te burabeti n tuangiia bwa a na rairinanoia, ma aki kan ongo.

1 Nibwaai 1:4

Riaai bon te burabeti. E tataro bwa aomata a na rairinanoia. Ngke e tabe n tataro, e kaoti te boua te ai. Te Atua e tuanga ao ni kaotii bwaai aika mwaiti nakon Riaai.

1 Nibwaai 1:5–6

Riaai e okira mweengana ao e karekea te mii ni burabeti. E noora te Atua ni katobibiaki irouiia anera aika mwaiti. Taian Anera anene ao ni kamoamoa te Atua.

1 Nibwaai 1:7–8

Inanon miina ni burabeti e anganaki te boki are e kaotaki iai bwa tera ae e na riki n taai aika a na roko. E warekia bwa Ierutarem e na uruakaki ibukina bwa aomata a buakaka.

1 Nibwaai 1:11–13

Riaai e tuangiia aomata bwa Ierutarem e na uruakaki. E tuangiia naba ibukin rokon Iesu. Aomata a rangi n un ao a kataia n tiringa Riaai, ma te Uea e kawakinna.

1 Nibwaai 1:18–20