Mwakoro 18

Aramwa te Teei e Rairananona

Te Uea ae Motiaea e karika Aramwa bwa te tia kairiri n te Ekaretia i Taraemera. Aramwa ngkanne e rineia tabeman aomata ni buokia n reireiniia tenaan Nibwaite.

Motiaea 25:19; 26:8

Aramwa ao te Uea ae Motiaea a nanokawaki ibukina bwa aomata aika akea aia koaua a anganiia kaain te Ekaretia te karawawataaki ibukin aia koaua.

Motiaea 27:–1

Aramwa iai natina te mwaane ae arana Aramwa. Aramwa te Teei e aki kakoaua ana reirei tamana ao e riki bwa te aomata ae buakaka.

Motiaea 27:8

Aramwa te Teei ao natin Uea ae Motiaea mwaane aika aman a buaka ni kaitaraa te Ekaretia. A kairoroiia aomata aika mwaiti bwa a na kitana te Ekaretia ao n riki ni buakaka.

Motiaea 27:8

E tataro Aramwa bwa natina mwaane a na reiakina te koaua ao n rairinanoia.

Motiaea 27:14

Aramwa te Teei ao natin te Uea ae Motiaea mwaane a reitinako ni kataia ni urua te Ekaretia.

Motiaea 27:10

Te bong teuana e kaoti te anera nakoia. E taetae te anera n te bwanaa ae korakora are e ruru aontano iai.

Motiaea 27:11

Ataeinimwane aika niiman a maaku ao a bwaka i aontano. N te moan tai a aki kona n ataa te bwai are taekinna te anera.

Motiaea 27:12

E roko te anera ni kaeka aia tataro membwa n te Ekaretia. E titiraki te anera nakon Aramwa te Teei bukin tera e buakana te Ekaretia.

Motiaea 27:13–14

E ruru aontano ngke te anera e tuanga Aramwa te Teei n aki manga kataia ni uruana te Ekaretia.

Motiaea 27:15–16

Aramwa te Teei ao natin Motiaea mwane a manga bwaka riki. A tia n noora te anera, ao a ataa mwakan te Atua are ioioa aontano.

Motiaea 27:18

Aramwa te Teei e rang ni mimi ao e aki kona n taetae. E riki ni mamara n te aro are aki kona ni kamwakura baina.

Motiaea 27:19

Natin Motiaea mwaane a uota Aramwa te Ataei nakon tamana ao n tuanga bwaai ake a riki nakoina.

Motiaea 27:19–20

E kukurei Aramwa. E ataia bwa e a tia ni kaeka ana tataro te Atua.

Motiaea 27:20

Aramwa e weteia aomata ni bootaki n noora te bwai ae e a tia ni karaoia te Uea ibukin natina ao natin Motiaea mwaane.

Motiaea 27:21

Aramwa, ni ikotaki ma taan kairiri n te Ekaretia a aki mamatam ao a tataro ni butiia te Atua ni buoka Aramwa te Teei n riki ni manga korakora riki.

Motiaea 27:22

Imwiin uoua te bong ao te tairiki, Aramwa te Teei e a kona n taetae ao ni kakamwakuri.

Motiaea 27:23

E tuangiia aomata bwa e a tia n raira nanona man ana bure ao e a tia te Atua ni kabwara ana bure.

Motiaea 27:24

E reirei bwa ni kabane a na riai n riki n raoiroi n te aro bwa aonga n rin ni uean te Atua. E taekina naba aron te maraki ae korakora are korakai iai ibukin ana bure.

Motiaea 27:25–26, 29

Aramwa te Teeii e kukurei ibukina bwa e a tia n rairananona ao te Atua e kabwara ana bure. E ataia bwa e tangiria te Atua.

Motiaea 27:28

Aramwa te Teei ao natin Motiaea mwaane a moana reiakinan te koaua ni kabuta te aba, tuangia aomata ni kabane te bwai are a tia n nooria ao n ongo.

Motiaea 27:32

A tia ni kataia n aki manga karaoa te kairua are a tia ni karaoia. A kabwarabwarai koroboki aika tabu nakoia aomata ao n reireiniia aron Iesu Kristo.

Motiaea 27:35

Te Atua E kakabwaia Aramwa te Teei ao natin Motiaea mwaane inanon aia tai n reirei te euangkerio. A mwaiti aomata aika ongora nakoia ao ni kakoaua.

Motiaea 27:36