Mwakoro 22

Ana Mition Aramwa nako Amoniaa

Aramwa e tabeaianga n taekan buakakaia tenaan Nibwaite, ngaia are e iangoia ni kabanea ana tai ni kabwarabwara te euangkerio. E rinea Nibwaaia n onea mwina n riki bwa mataniwi n tia moti.

Aramwa 4:7, 18–19

Aramwa e reireiia te euangkerio ni kabuta te aba. Ngke e kataia n kabwarabwara i Amonia, aomata aki kan ongo. A kaotinakoa man te kaawa.

Aramwa 5:1; 8:8–9, 11, 13

Aramwa e nanokawaki bwa aomatan Amonia a rangi ni buakaka. E kitanna nakon te kaawa teuana.

Aramwa 8:13–14

Te anera e kaoti ao e kabebetea Aramwa. Te anera e tuangnga bwa e na okirikaaki nako Amonia ao ni kabwarabwara riki. Aramwa e kabaikoa n oki.

Aramwa 8:15–16, 18

Aramwa e a baki. Ngke e rin n te kaawa, e bubutia te mwaane teutana te amarake. Te anera e tuanga te mwaane bwa Aramwa e na roko ao bon ana burabeti te Atua.

Aramwa 8:19–20

Te mwaane ae, Amureki, e kaira Aramwa nakon mweengana ao e kamwarakea. Aramwa e tiku ma Amureki ao ana utu inanon boong aika mwaiti. E kaaitaua te Atua ibukin ana utu Amureki ao e kakabwaiaiia.

Aramwa 8:21–22, 27

Aramwa e tuanga Amureki taekan weteana n reireiia aomatan Amonia. Amureki e nako ma Aramwa n reireiniia aomata. Te Tamnei ae Raoiroi e buokiia.

Aramwa 8:24–25, 30

Aramwa e tuangiia aomata bwa a na rairinanoia ngkana aki te Atua e na kamaunaiia. E taku bwa Iesu Kristo e na roko ao ni kamaiuia koraki ake iai aia onimaki ao a rairinanoia.

Aramwa 9:12, 26–27

Aomatan Amonia a moanna n un. A kataia n karenakoa Aramwa inanon te karabuuti, ma te Uea e kamanoa.

Aramwa 9:31–33

Ngkanne Amureki e a moanna n reirei. Angiia aomata a kinaa Amureki; tiaki te iruwa n aiaron Aramwa. E tuangiia taekan te anera are e a tia n nooria.

Aramwa 9:34; 10:4, 7

Amureki e taku bwa Aramwa bon ana burabeti te Atua ao e taekina te koaua. Aomata a mimi n ongo ana koaua Amureki.

Aramwa 10:9–10, 12

Tabeman aomata a moanna n un, riki temanna te mwaane ae buakaka ae arana Teeterom. A kataia ni kamwanea Amureki ma taian titiraki, ma e tuangiia ae e kona n atai aron aia waaki.

Aramwa 10:13–17, 31

Teeterom e tangiria n kamaunai bwaai ni kabane ake a tamaroa. E na karika te kaangaanga, ao ngkanne aomata a na kaboa n te mwane n katoki taian kaangaanga are e karaoi.

Aramwa 11:20–21

Teeterom e aki kona ni kamwanea Amureki, ngaia are e anga te mwane bwa e na taekinna bwa akea te Atua. Amureki e ataia ae te Atua e maiu ao e taku bwa Teeterom e bon ataia naba ma e tangira riki te mwane nakon te Atua.

Aramwa 11:22, 24, 27

Ngkanne Amureki e reireina Teeterom taekan Iesu ao taekan te Mangauti ao te maiu ae akea tokina. Aomata a bon miimi. Teeterom e moanna n ruru ma te maaku.

Aramwa 11:40–46

Teeterom e ataia bwa Aramwa ao Amureki iai mwaakan te Atua irouia ibukina bwa a atai ana iango. Teeterom e titiraki taian titiraki ao e ongora ngke Aramwa e reireiina te euangkerio.

Aramwa 12:1, 7–9

Tabeman aomata a kakoaua Aramwa ao Amureki ao a moanna n rairinanoia ao ni kamatebwaia koroboki aika tabu.

Aramwa 14:1

Ma angiia aomata a tangiria n tiringiia Aramwa ao Amureki. A kabaeiia mwaane ake uoman ao a uotiia nakon te mataniwi n tia moti.

Aramwa 14:2–4

Teeterom e nanokawaki ngkai e a tia ni buakaka ao e a tia n reireiniia aomata te kewe. E bubutiia aomata bwa a na kanakoia Aramwa ao Amureki.

Aramwa 14:6–7

Teeterom ao tabeman mwaane ake a kakoaua aia reirei Aramwa ao Amureki a tewenakoaki n otinako man te kaawa. Aomata aika buakaka a karebanaiia n te atiibu.

Aramwa 14:7

Ngkanne aomata ake a bubuaka a ikotiia aine ao ataei ake a kakoaua ao a tewenakoiia, n ikotaki ma aia boki aika a tabu, inanon te ai.

Aramwa 14:8

Aramwa ao Amureki a kairoroaki n taraiia aine ao ataei ni mate inanon te ai. Amureki e tangiria n kabongana mwaakan te Atua ni kamaiuiia.

Aramwa 14:9–10

Ma Aramwa e tuanga Amureki bwa e na aki katoka te tiritiri ibukina bwa aomata ake a mate a na waekoa n roko irarikin te Atua ao te koraki ake a buakaka a na katuaeaki.

Aramwa 14:11

Te mataniwi n tia moti e karetaba Aramwa ao Amureki tabeua te tai ao e kaenaenaiia ibukina bwa aki kona ni kamaiuiia aine ao ataei ake a bue. Imwina a karenakoiia inanon te karabuti.

Aramwa 14:14–17

Tabeman mwaane aika buakaka a roko n te karabuuti ao a bwainikiriniiia Aramwa ao Amureki ni kawai aika a bati, n ikotaki ma aki kamwarakeaia ao a baroaiia.

Aramwa 14:18–22

Te mataniwi n tia moti e taku bwa ngkana Aramwa ao Amureki a kabongana mwaakan te Atua ni kainanomataia, e na kakoaua. E a manga orotabaiia riki.

Aramwa 14:24

Aramwa ao Amureki a teirake. Aramwa e tataro ao e bubutia te Atua ni kakorakoraiia ibukin aia onimaki iroun Kristo.

Aramwa 14:25–26

Mwaakan te Atua e kaoniia Aramwa ma Amureki, ao a motikii roobu ake a kabaeaki iai. Mwaane ake a buakaka a maaku ao a kataia ni birinako ma a bwaka iaontano.

Aramwa 14:25–27

E mwainging aontano, ao oon te karabuuti a bwaka iaoia mwaane ake a buakaka. Te Uea e kamanoiia Aramwa ao Mureki, ao akea ae ikoaki irouiia.

Aramwa 14:27–28

Aomatan Amonia a roko ni kan noora te bwai ae riki. Ngke a noora Aramwa ao Amureki n nakonako n otinako man te karabuuti ae e bwaka oona, a moanna ni maaku ao a birinako.

Aramwa 14:28–29

Te Uea e tuangiia Aramwa ao Amureki bwa a na nako nako Titom. Ikekei a kuneiia aomata aika a raoiroi. Teeterom e mena ikekei naba ma e rangi n aoraki.

Aramwa 15:1–3

Teeterom e kukurei n noora Aramwa ao Amurek. E raraomwa bwa a tia n tiringaki ibukin te bwai are e a tia ni karaoia. E bubutiia bwa a na kamarurungnga.

Aramwa 15:4–5

Teeterom e kakoaua iroun Iesu Kristo ao e a tia n rairananona man ana bure. Ngke Aramwa e tataro ibukina, Teeterom e bon waekoa naba n marurung.

Aramwa 15:10–11

Teeterom e bwabetitoaki ao e a moana ana kabwarabwara n te euangkerio. A mwaiti ake a bwabetitoaki naba.

Aramwa 15:12, 14

Aomatan Amonia ake a buakaka a bane n tiringaki n aia taanga ni buaka Reimwanaite, n aron are e taetae ni burabetiia Aramwa.

Aramwa 10:23; 16:2, 9