Mwakoro 43

Iesu Kristo E Kaoti nakoia Nibwaite

Angiia Nibwaite a ikotaki n te tembora i Bountiful. A rangi ni miimi n te bitaki ae korakora inanon te aba.

3 Nibwaai 11:1

Aomata a kakarabakaua taekan Iesu Kristo ao kanikinaean matena.

3 Nibwaai 11:2

Ngke a kakarabakau, a ongo te bwanaa ae marara mai karawa. E karika bueen nanoia.

3 Nibwaai 11:3

N te moan aki oota n te bwanaa, ma ngke e taetae te katenua n tai, a tibwa oota iai.

3 Nibwaai 11:4–6

Bon bwanaan Tamara are i Karawa. E kabwarabwara Iesu Kristo ao e tuangiia aomata bwa a na ongo irouna.

3 Nibwaai 11:7

Iesu Kristo e ruorikaaki mai karawa ao n tei ibuakoia aomata. A maaku n taetae ibukina bwa aki mataata n te bwai ae e riki. A taku bwa Iesu bon te anera.

3 Nibwaai 11:8

E tuangiia bwa ngaia bon Iesu Kristo, ngaia are a tataekinna burabeti bwa e na roko.

3 Nibwaai 11:10

Iesu e tuangiia aomata bwa a na roko ao namakina mwin te nera irarikina ao ni baina ao waena, ike e a tia neeranaki iai n te kaibangaki.

3 Nibwaai 11:14

Iesu e tangiriia aomata n ataia bwa bon Atuaia ao are e a tia ni mate ibukin aia bure.

3 Nibwaai 11:14

Temanna imwin temanna aomata a namakina mwin te ikoaki iroun Iesu’ irarikina, baina, ao waena. Aomata ataia ae ngaia bon te Tia Kamaiu.

3 Nibwaai 11:15

Ngkanne aomata a neboa Iesu ao a bwaka iaan rangana ao n taromauriia.

3 Nibwaai 11:17

Iesu e wetea Nibwaai ao 11 tabeman mwaane bwa a na nakoina. E anganiia mwaakan te nakoanibonga ao e reireiniia te kawai ae eti nakon te bwabetito.

3 Nibwaai 11:18, 21–26; 12:1

E tuangiia tenaan Nibwaite ni kakoaua irouna, rairinanoia, ao kawakin tuua. Ngkana a aki, a na bon aki kona n roko n abanueana.

3 Nibwaai 12:19–20

E reireiniia tenaan Nibwaite bwa a na kanga n tataro nakon Tamara are i Karawa. E reireiniia naba taekan te aki mamatam ao n taku bwa a na kabwaraaki aia bure ngkana a kabwara ana bure temanna.

3 Nibwaai 13:6–18

Imwin reireiakiia aomata bwaai aika mwaiti, Iesu e tuangiia bwa a na okiri mweengaia ao n iangoa ao n tataroakina taekan te bwai are e a tia n taekinna.

3 Nibwaai 17:1–3

Tenaan Nibwaite a moanna n tang. Aki tangira Iesu bwa e na kitania moa.

3 Nibwaai 17:5

Iesu e tangiriia tenaan Nibwaite. E tuangiia bwa a na uotiia aomata ake a aoraki ke a rawawata nakoina n te aro are e na kamarurungiia.

3 Nibwaai 17:7

Iesu e kamaiuiia aomata aikai. Ni kabane aomata a bobaraaki ao a taromauriia.

3 Nibwaai 17:9–10