Mwakoro 39
Nibwaai e Karekea te Mwaaka ae Korakora
Nibwaai e nakonako ni kaineta mweengana, iangoi baike e a tia te Uea ni kaotii nakoina ao taekan buakakaia Nibwaite. E nanokawaki ibukin aia buakaka.
Te Uea e taetae nakon Nibwaai ao ni kamoamoa ibukin ongotaekana ao mwakuri korakorana n reirei te euangkerio.
Nibwaai e anganaki te mwaaka ni karaoi bwaai ni kabane. Te Uea e ataia ae na kabongana te mwaaka aio n ae eti.
Te Uea e tuanga Nibwaai ni kauringiia tenaan Nibwaite bwa ngkana aki rairinanoia, a na kamaunaaki. Nibwaai e nako ni waekoa n kauringiia aomata.
Tenaan Nibwaite aki kakoaua Nibwaai. A kataia ni karenakoa nakon te karabuti, ma mwaakan te Atua e kamanoa.
Nibwaai e katanoata ana taeka te Atua nakoia ni kabane Nibwaite.
Ma aomata a rikirake riki ni buakaka ao a moana te un imarenaia n tatabeman.
Nibwaai e tataro ibukin karokoan te rongo nakon te aba, n te kantaninga bwa akean te amwarake e na kananorinanoia Nibwaite ao ni buokia n rairinanoia.
E roko te rongo. Akea te karau, n te aro bwa aontano e a mautakataka ao aroka aikoa maiu. E a toki ununiia aomata.
A bora ni baki Nibwaite, ao mwaitia a mate. Te koraki ake a maiu a moanna n uringa te Uea ao bwaai ake e atia Nibwaai n reireiniia.
Aomata a rairinanoia man aia bure ao ngkanne a bubutia aia taan moti ni butia Nibwaai ni katoka te rongo. Taan Moti a nakon Nibwaai.
Ngke Nibwaai e nooria bwa aomata a rikirake n nanorinano ao n tia n rairinanoia, e butia te Uea bwa e na katoka te rongo.
Te Uea e kaeka ana tataro Nibwaai, ao e moanna ni bwaka te karau. N te tai ae waekoa a manga bwebwerake aroka. Aomata a kamoamoa te Atua ao a ataia bwa Nibwaai bon te burabeti ae korakora.
Angiia Nibwaite a kaaina te Ekaretia. A moanna ni kaubwai, ao aia kaawa e a rikirake. E a roko te rau iaon te aba.
Ngkanne tabeman Nibwaite ake a kaman iriia Reimwanaite a ekinakoia Nibwaite.
Nibwaite a kataia ni konaia aia kairiribai, ake a riki bwa ana taan kimoa Kateanton, ma aki kona ibukina bwa ngaiia a manga moanna naba ni buakaka.
Ngkana Nibwaite a raoiroi, te Uea e kakabwaiaiia. Ngkana a kamoamoa ao ni mwaninga taekan te Uea, e na anganiia te kaangaanga ni buokiia bwa a na uringnga.