Mwakoro 9

Te Mweenga ae Boou n te Aba ni Berita

Te kaibuke e uotiia ana utu Riaai n toua nanon marawa ao n roko n te aba ni berita. A katei aia umwanrianna aomata.

1 Nibwaai 18:23

A katauraoa te tano ao a uniki koraa ake a uoti.

1 Nibwaai 18:24

Ngke a mwananga ni katobibia abaia ae boou, a kunei aekani maan aika mwaiti. A kunea naba te koora, tirewa, ao kaobwa.

1 Nibwaai 18:25

Te Atua e tuanga Nibwaai bwa e na karaoi bwaatua biti bwa e na koroboki iaona. Nibwaai e korei taekaia ana utu ao mwanangaia. E korei naba ana taeka te Atua.

1 Nibwaai 19:1, 3

E rikirake ni kara Riaai. Imwain matena e taetae nakoia natina mwaane ao e tuangiia bwa a na ongeaba nakon ana tua te Atua. E kakabwaiaia naba tibuna.

2 Nibwaai 1:14, 16; 4:3-11

Imwiin maten Riaai Reimwan ao Remuera a un iroun Nibwaai ao a tangiria ni kan kamatea. A aki tangira Nibwaai, taria ae uarereke, bwa e na riki bwa te tia kairiia.

2 Nibwaai 4:13; 5:2-3

Te Uea e tuanga Nibwaai bwa e na kairiia aomata ake a raoiroi nakon te rereua. A mwananga inanon boong aika mwaiti ao n tokina a roko n te aba ae a aranna bwa Nibwaai.

2 Nibwaai 5:5–8

Aomata ake a ririmwiin Nibwaai a ongeaba nakon te Atua. A mwakuri korakora ao a kakabwaiaaki. Nibwaai e reireiniia ana aomata ni kateitei ma te kai ao te biti. A katea te tembora ae tamaroa.

2 Nibwaai 5:10–11, 15–16

Taan ririmwin Reimwan ao Remuera a aranaki bwa Reimwanaite.

2 Nibwaai 5:14

Taian Reimwanaite aki ongotaeka nakon te Atua ao a kaakeaaki mai Matana. E aki kona n tiku Tamnein te Uea irouia ni karokoa a rairii nanoia.

2 Nibwaai 5:20; Ita 2:15

Taian Reimwanaite e rawata aia anga ni kakamwane ao aki toki ni buakaniia Nibwaite.

2 Nibwaai 5:24, 34