Mwakoro 45

Iesu Kristo E Reirei taekan te Toa ao te Tataro

Iesu Kristo e kanakoia ana reirei ni karekei tabeua kariki ao wain. E tuangiia Nibwaite bwa a na tekateka iaon tano.

3 Nibwaai 18:1–2

Ao ngke a oki ana reirei, e anaa te kariki ao e bwenauaia ao e kakabwaia. E anganiia ana reirei ao e tuangiia bwa a na anga tabeua nakoia aomata.

3 Nibwaai 18:3–4

Iesu e taku bwa aomata ake anaa te toa a berita bwa a na uringnga n taainako ao ana anganano. Ngkanne a na karekea Tamneina.

3 Nibwaai 18:7

Iesu Kristo e kakabwaia te wain ao e anganiia ana reirei. Reirei a anga te wain nakoia aomata.

3 Nibwaai 18:8

Iesu e taku koraki ake anaa te toa a berita ni kawakin ana tua.

3 Nibwaai 18:10

Iesu e tuangiia riki ana reirei bwa ni kabane aomata ake anaa te toa ao n uringnga n taainako a na karekea Tamneina.

3 Nibwaai 18:11

E tuangiia ana reirei a na kakabwaiaaki ngkana a kawakina ana tua.

3 Nibwaai 18:14

E tuangiia bwa a na tataro n taainako ao n tataro ngkai a tia n nooria n tataro.

4 Nibwaai18:15–16

Te Tia Kamaiu e tuangiia ni kabane Nibwaite n tataro nakon Tamara i Karawa inanon arana. E tuangiia naba n tataro ma aia utu.

3 Nibwaai 18:19, 21

E taku bwa aomata a riai n ikoikotaki n taainako. A riai ni butimwaiia tabeman nakon aia bobotaki, tataro ibukiia, ao ni kaota te katooto ae raoiroi nakoia.

2 Nibwaai 18:22–24

Te Tia Kamaiu e anganiia ana reirei te mwaaka n anga te Tamnei ae Raoiroi. Ngkanne te nang e rabuniia aomata n te aro are ti ana reirei ae a noora Iesu Kristo ngke waerake nako karawa.

3 Nibwaai 18:36–39